fel y moroedd

glaw sydyn

2012-02-03T15:50:00.001-06:00

Pan oeddwn i ar adael y tŷ p'nawn 'ma i gasglu'r plant, dechreuodd fwrw glaw ond dim llawer. Felly adawais i'r tri mochyn cwta ar y dec cefn iddyn nhw fwynhau'r awyr iach. Wedi'r cwbl roedd yna gadair os rhaid iddyn nhw gael cysgod rhag glaw. Hanner awr wedyn dechreuodd fwrw'n ddifrifol efo mellt a tharanau! Penderfynais i frysio'n ôl ar ôl casglu ond un o'r plant. Daeth y glaw yn drwm ar ffwrdd; roedd y goleuadau traffig i gyd yn goch! Gollyngais fy mab wrth ddrws y garej, yna i ffwrdd â fi i gasglu fy merch a oedd yn aros amdana i yn y glaw. Erbyn i ni gyrraedd adref o'r diwedd, stopiodd y glaw, a ffeindiais i'r moch cwta yn eu cwt yn bwyta eu bwyd yn hapus wedi cael eu sychu gan fy mab.

camp

2012-02-02T13:14:00.000-06:00

Dw i newydd sylweddoli mai Baruto enillodd y twrnamaint swmo cyntaf eleni! Er ei fod o wedi methu ennill yr holl ornestau, fo a enillodd mwyaf (14-1.) Camp fawr gyntaf iddo ers dod i Japan wyth mlynedd yn ôl. Mi wna i ddilyn y twrnamaint nesa ym mis Mawrth!

un o'r aifft

2012-02-01T13:29:00.000-06:00

Sgrifennais i am y reslwr Swmo o Estonia o'r blaen. Heddiw gadewch i mi gyflwyno un o'r Aifft, y reslwr Swmo cyntaf o Affrica.

Mae Abdelrahman, 19 oed yn dod o Daquahlia. Dechreuodd chwarae Swmo ers pedair blynedd. Enillodd gystadlaethau yn Ewrop sawl tro'n barod. Daeth i Japan y llynedd i gychwyn ei yrfa fel reslwr Swmo proffesiynol. Mae o newydd gael ei dderbyn gan un o dimau Swmo, ac wrthi'n ymarfer er mwyn cystadlu yn y gystadleuaeth ym mis Mawrth. Clywais i si mai Storm Tywod Fawr a fyddai ei enw fel reslwr. Pob llwyddiant!

gŵyl gyoza

2012-01-31T22:20:00.001-06:00

Cynhalir gŵyl gyoza bob mis Tachwedd ers 13 mlynedd yn Utsunomiya, dinas ger Tokyo. Gyoza ydy saig boblogaidd yn Japan ac mae Utsunomiya'n enwog am nifer mawr o dai bwyta gyoza ynddi hi - dros 80. Mae llawer o bobl yn dod i'r ŵyl i flasu pob math o gyoza sy'n cael ei werthu am 100 yen (£0.84) y plât. Mae fy nheulu'n hoff iawn o gyoza; bydden nhw wrth eu boddau'n mynd i'r ŵyl hefyd.

kaki

2012-01-30T21:55:00.000-06:00

Mae yna debygrwydd rhwng y Japaneg a'r Eidaleg o ran ynganu. Mae gan ill dwy'r un llafariaid ac mae'r geiriau'n gorffen efo un ohonyn nhw bob tro (wel, bob tro yn y Japaneg a bron bob tro yn yr Eidaleg.) A dweud y gwir mae'n haws i mi siarad yr Eidaleg na'r Saesneg na'r Gymraeg, o ran ynganu cofiwch; dw i ddim yn sôn am y gramadeg.

Dw i newydd ffeindio beth ydy persimmon yn yr Eidaleg - cachi (kaki.) Kaki dan ni'n ei alw fo yn y Japaneg hefyd! Ond mae'r pwyslais ar a yn yr Eidaleg, ac ar i yn y Japaneg.

peidiwch â chysgu

2012-01-29T16:37:00.002-06:00

Doeddwn i erioed wedi ymddiddori mewn operâu ond des i ar draws Nessun Dorma gan Puccini. Mae o'n anhygoel o dda! Wrth gwrs mai efo hwn synnodd Paul Pots feirniaid Britain's Got Talent flynyddoedd yn ôl, ond doedd gen i ddim llawer o ddiddordeb ar y pryd. Ymysg y perfformiadau gan nifer o gantorion o fri, un gan Andrea Bocelli ydy fy ffefryn.

Mae gan yr opera sy'n cynnwys Nessun Dorma, sef Turandot stori ddiddorol. Ond a dweud y gwir, dw i ddim yn deall pam fod y tywysog wedi syrthio mewn cariad efo'r dywysoges honna, a hithau mor oer.

kiyoko

2012-01-28T22:14:00.001-06:00

Es i i'r cartref henoed gerllaw i weld Kiyoko, dynes o Japan eto heddiw. Ers iddi symud i'r cartref, mae ei demensia wedi gwaethygu; dw i ddim yn siŵr bod hi'n fy adnabod bellach er bod hi'n falch o fy ngweld bob tro. Dim ond llai na blwyddyn yn ôl, roedden ni'n cael sgyrsiau dros baned yn ei fflat yn rheolaidd. Mae hi wedi colli pwysau'n arswydus hefyd. Ond ces i fy nghalonogi'n ei gweld hi heddiw; mae hi wedi cael lliwio ei gwallt ac roedd hi'n gwisgo tipyn o golur hyd yn oed. O leiaf mae'r staff yn ymddangos yn glên.

sufen sur

2012-01-27T15:50:00.000-06:00

Mae tad y gŵr yn rhoi tipyn o hufen sur yn ei uwd. Pan glywais i hynny, roeddwn i'n meddwl byddai hufen sur yn suro'r uwd. Ond ces i fy synnu'n ffeindio fod o'n ychwanegu blas gwych ar fy uwd. Dw i'n gwybod bellach beth i'w wneud efo sbarion o hufen sur.

cinio bach

2012-01-26T13:15:00.002-06:00

I ginio bach bydda i'n bwyta beth bynnag sydd ar gael yn y gegin; fydda i ddim eisiau trafferthu coginio drosta i fy hun. Ond heddiw, roedd gen i awydd bwyta spaghetti heb saws. Felly y bu. Coginiais i dipyn o basta mewn padell ffrio; fe wnaeth y dŵr orlifo dro ar ôl tro. Dim ots. Ces i spaghetti syml efo menyn, powder nionod/garlleg/persli/basil, halen, pupur a chaws parmesan dw i wedi ei ratio ymlaen llaw. Mmmm... mae'r stumog yn hapus!

niwsans

2012-01-25T20:52:00.002-06:00

Mae'r gŵr ar ei ffordd i Las Vegas er mwyn mynychu cynhadledd optometreg arall. Ffoniodd o'n dweud bod yr awyren yn sownd yn Phenix oherwydd Arlywydd Obama. Mae o ar ei ffordd i Vegas hefyd, felly rhaid i'r awyrennau eraill i gyd aros nes i'w un o gyrraedd yn ddiogel. Mae awyren y gŵr yn hwyr yn barod. Does gwybod faint cymrith i gyrraedd pen y daith. Mae ei frawd yn aros amdano fo ym maes awyr Las Vegas.

tŷ arbennig

2012-01-24T17:23:00.000-06:00

Doeddwn i ddim yn sylweddoli bod yna dai yn Japan a gafodd eu symud a'u hailgodi fel maen nhw'n ei wneud yn San Ffagan. Mae un ohonyn nhw'n perthyn i'r awdur clasurol adnabyddus, sef Soseki Natsume. Roedd y tŷ, sy'n fy atgoffa i o'r ffilm Totoro, yn Tokyo'n wreiddiol ond mae o mewn dinas fawr orllewinol bellach. Diolch i Tokyobling am roi gwybodaeth ddiddorol i mi dro ar ôl tro!

cario'r ddraig

2012-01-23T14:30:00.000-06:00

Mwynheais i hunangofiant Orig Williams yn fawr iawn. Dw i ddim yn ymddiddori mewn reslo ond sgrifennodd Orig mor dda fel roedd yn ddiddorol darllen am ei ornestau a'i hanes. Cymro Cymraeg pybyr oedd o ac roedd o'n cario'r ddraig yn llythrennol ac yn ei galon lle bynnag aeth o yn y byd - Asia, Affrica, Ewrop, America.

Enwodd ei ferch yn Tara Bethan Orig Williams er mwyn iddi ddal ati gario'r ddraig ar ôl i'w thad. Dysgais i fod Tara'n golygu hapusrwydd yn y Wyddeleg.

un funud fach

2012-01-22T15:47:00.000-06:00

Fydda i ddim yn gadael y tŷ heb fy nghamera'n ddiweddar wedi colli cynifer o gyfleoedd i dynnu lluniau da hebddo. Dw i'n falch o fy mhenderfyniad y bore 'ma pan welais i'r gweinidog yn dal ei ŵyr bach cyn y gwasanaeth. Dyma ruthro atyn nhw efo fy nghamera a thynnu llun. Dw i wedi gofalu am y babi bach yn yr eglwys llawer gwaith; babi da ac annwyl ydy o.

maybe, lucky (enwau'r cathod)

2012-01-21T11:25:00.000-06:00

Mae'r plant wedi bod yn gofalu am ddwy gath y gymdoges am bythefnos. Gan fod heddiw ydy diwrnod olaf eu dyletswydd, es i gyda'r plant at y cathod neithiwr i'w gweld nhw. Mae gynnyn nhw fywyd braf! Mewn gair, maen nhw'n meddiannu'r tŷ'r cyfan gwbl yn neidio ar fwrdd cegin a chael eu bwyd yno'n hamddenol. Mae yna fflap cath iddyn nhw fynd a dod fel y mynnan nhw. Llwyddodd un ohonyn nhw ddal aderyn bach a dod â fo yn yr ystafell fyw hyd yn oed! Ond maen nhw'n gathod cyfeillgar iawn ac yn falch o'n gweld ni.

prinder toiledau cyhoeddus

2012-01-20T15:50:00.000-06:00

Yn ôl y newyddion mae yna 40% llai o doiledau cyhoeddus yng Nghymru na deg mlynedd yn ôl. Gall hyn yn broblem fawr i'r trigolion a'r twristiaid.

Tŷ bach ydy'r peth cyntaf a fyddwn i'n chwilio amdano fo lle bynnag awn i. Yn ffodus roeddwn i'n llwyddo i sicrhau un bob tro pan oeddwn i yng Nghymru. Ond unwaith pan es i at un, roedd arwydd yn dweud bod y lle wedi cau ac yn dangos lleoliad un arall. Sioc! Roedd y daith at y llall yn teimlo'n ofnadwy o hir!

Os Llywodraeth Cymru eisiau hyrwyddo twristiaeth, dylen nhw sicrhau bod yna ddigon o doiledau cyhoeddus ar gael.

rhy araf

2012-01-19T12:00:00.000-06:00

Mae'r rhyngrwyd yn mynd yn arafach fyth yn ddiweddar. Roedd o'n araf o'r dechrau, ond mae'r sefyllfa'n gwaethygu. Clywais i fod yr achos ydy bod mwyfwy o bobl yn lawrlwytho ffeiliau enfawr yn ddiweddar a dw i'n byw ymhell o dŵr trosglwyddo. Dydy Skype ddim yn gweithio'n iawn chwaith hyd yn oed heb droi'r fideo ymlaen. Pe baswn i'n symud tŷ, byddai'r rhyngrwyd cyflym yn amod pwysig!

baswn i'n licio

2012-01-18T17:07:00.001-06:00

Dw i ddim yn teimlo'n dda ers neithiwr er fy mod i wedi gwella llawer erbyn hyn. Dw i'n dal i deimlo'n sâl pan ga' i fwyd neu ddiod. Felly fedra i ddim bwyta fel arfer. Ces i de mintys, te chamomile, ffrwythau ac iogwrt heddiw. Yr hyn dw i'n ei golli mwyaf ydy'r byrbryd o goffi a bagel efo Nutella!

lle mae'r gaeaf?

2012-01-17T16:43:00.000-06:00

Dan ni'n cael gaeaf ofnadwy o fwyn. Dyma'r tro cyntaf i ni beidio defnyddio'n llosgwr logiau ni hyd at ganol mis Ionawr ers ei brynu 12 mlynedd yn ôl. Does dim sôn am eira go iawn eto. Dw i newydd weld drwy'r ffenestr hogyn mewn crys-T yn beicio heibio. Dw i ddim yn barod am wanwyn eto.

baruto

2012-01-16T23:13:00.000-06:00

Reslwr Swmo o Estonia ydy Baruto Kaito. Mae'n anodd i rai o wledydd eraill gael derbyn ym myd Swmo yn Japan heb sôn am ennill gonest ar ôl y llall. Ond mae o wedi gwneud yn dda iawn ac wedi cyrraedd Ozeki, sef yr ail safle uchaf hyd yn oed. Mae o'n siarad pum iaith gan gynnwys Japaneg. Clywais i ei fod o'n boblogaidd ymysg y reslwyr eraill oherwydd ei gyfeillgarwch. Gobeithio bydd o'n dal ati a bwrw ymlaen. Dyma un o'i ornestau. (Truan o'r dyfarnwr! Gobeithio ei fod o'n iawn.)

neges

2012-01-15T14:06:00.001-06:00

Dydy Radio Cymru ddim ar gael ar hyn o bryd; ces i neges annisgwyl wrth fynd at y linc rŵan. Bydd o'n gweithio nes ymlaen dw i'n siŵr, ond yr hyn sy'n mynd ar fy nerfau ydy mai yn Saesneg mae'r neges. Rhaid i Radio Cymru sylweddoli mai pobl sy'n deall Cymraeg yn troi at eu rhaglenni. Neu dydyn nhw ddim eisiau trafferthu eu hun yn rhoi'r neges yn Gymraeg ond defnyddio'r un Saesneg a baratowyd gan BBC?

spaghetti arall

2012-01-14T20:28:00.001-06:00

Spaghetti efo peli cig y tro hwn - mae'n flasus, llawer gwell na fy un i. Rysait Alessandro ydy o (dw i'n rhoi hyn ar spaghetti.) Roedd i'n arfer ffrio peli cig cyn eu coginio nhw mewn saws tomatos, ond mae Alessandro'n eu coginio nhw mewn saws o'r dechrau. Efallai mai dyna'r gyfrinach i'w gwneud nhw'n feddal. Dydy'r cynhwysion ddim yn unigryw o gwbl ond mae'r canlyniad yn arbennig o dda.

mae pawb yn iawn

2012-01-13T20:41:00.000-06:00

Mae'r gŵr newydd ddod adref yn ddiogel. Mae trychineb neu ddau'n debygol o ddigwydd yn y teulu tra bydd o oddi cartref - ces i un o fy nwy ddamwain gar; aeth drws y garej yn sownd, trodd y cyflyrydd awyr a'r oergell pan oedd hi dros 105F..... Dw i'n ddiolchgar bod ni'n iawn y tro hwn. Mae'r plant a'r gŵr yn gwylio eu hoff DVD, sef "24" ar hyn o bryd. Bydd three-day-weekend arnyn nhw.

saethu â bwa

2012-01-12T17:24:00.000-06:00

Mae plant hŷn yr ysgol wrthi'n ymarfer saethu â bwa ers misoedd ar gyfer cystadleuaeth a gynhelir cyn hir. Maen nhw'n ymarfer dwywaith yr wythnos (os bydd y tywydd yn sych) ar ôl yr ysgol. Gan ein bod ni'n cael gaeaf mwyn hyd yma, maen nhw'n mwynhau gwella eu sgil yn yr awyr iach.

o hawaii

2012-01-11T15:57:00.001-06:00

Mae'r gŵr yn ymweld â'i rieni yn Hawaii ers dyddiau. Amcan y daith ydy eu helpu cymaint ag y sy'n bosibl. Mae tad y gŵr newydd droi'n 91 oed. Er ei fod o'n gymharol iach a byw'n annibynnol (mae o'n dal i yrru!) mae o angen cymorth wrth reswm. Dydy mam y gŵr ddim cyn iached yn anffodus. Felly mae'r gŵr yn treulio amser efo nhw'n trwsio'r sinc, tacluso'r ardd helpu'r gwaith papur ac yn y blaen. Wrth gwrs ei fod o'n mwynhau sgwrsio efo'i dad yn hamddenol. (Mae'n anodd i'w fam siarad bellach.) Mae o'n mynd i'r ganolfan hamdden i godi pwythau hefyd - yr unig "adloniant" iddo fo yn ystod y daith.

hwrê i daid!

2012-01-10T10:15:00.002-06:00

Dw i'n gwrando ar Mike Huckabee ar y we bob bore. Yn ogystal â'i adroddiad clir o ran y wleidyddiaeth, dw i'n mwynhau clywed hanesynnau diddorol cenedlaethol a rhyngwladol gynno fo.

Un diweddaraf oedd am ddyn 84 oed yng Nghaergrawnt a oedd yn baffiwr proffesiynol. Cafodd Mr. Sandy ei fygwth gan lanc hefo cyllell am bres, ond dewisodd y llanc ddyn anghywir. Lloriodd Mr. Sandy ei ymosodwr efo ei ergyd sydyn ar ei drwyn. A chiliodd y llanc yn reit gyflym!

cyngor mam

2012-01-09T10:42:00.002-06:00

Rhaid gwrando ar gynghorion mamau. Mae fy mam sydd yn 90 oed eleni, yn dal i roi cynghorion amrywiol i mi yn enwedig ar bethau ynglŷn â bwyd ac iechyd. Un diweddar oedd rhoi rhywbeth cynnes am eich gwddf pan dach chi'n teimlo'n oer yn y tŷ yn hytrach na gwisgo haen o sanau neu ddillad. (Wiw i chi ddweud wrthi godi tymheredd yr ystafell.)

Dw innau hefyd cadw'r tŷ braidd yn oeraidd pan fydda i ar fy mhen fy hun gan wisgo dillad cynnes. Roeddwn i'n dal i deimlo'n oer, felly penderfynais i roi sgarff gwlân am fy ngwddf fel merch dda. Dyma deimlo'n gynnes yn syth! Rhaid gwrando ar gyngor mam.

kindle

2012-01-08T13:32:00.002-06:00

Mae un o'r merched newydd brynu Kindle. Roedd yna broblem ar gychwyn oherwydd bod Amazon wedi anghofio rhywbeth technegol cyn ei yrru. Ond mae popeth yn iawn wedi i'r broblem gael ei datrys bellach. Dw i'n cael fy synnu gweld y sgrin fach glir. Mae hi'n debyg i dudalen llyfr. Does dim llacharedd arferol sydd ar sgrin gyfrifiadur. Prynais i ddwy nofel Kindle ond dw i'n eu darllen ar y cyfrifiadur. Baswn i am gael benthyg ar ei Kindle rywdro!

rysait newydd

2012-01-07T09:56:00.001-06:00

Dw i'n mwynhau gweld ryseitiau ar You Tube yn ddiweddar, yn enwedig rhai Eidalaidd drwy gyfrwng yr Eidaleg. Dw i a'r teulu'n hoffi pasta, felly mae hyn yn ffordd dda i mi ddysgu ryseitiau newydd ac iaith ar yr un pryd.

Mi wnes i Spaghetti alla Carbonara neithiwr. Roedd yn arbennig o dda er fy mod di'n methu ffeindio Guanciale (bacwn Eidalaidd) a fy mod i'n defnyddio caws Parmigiano yn lle Pecolino. (Mae Pecolino'n ofnadwy o ddrud!) Pan goginiais i Carbonara o'r blaen, trodd yn wyau wedi'u sgramblo, ond y tro hwn roedd o'n fel dylai fod.

peryglus!

2012-01-06T11:38:00.000-06:00

Pan yrrais i at y groesfan y bore 'ma efo'r plant, gwelon ni geirw'n croesi'r heol ar frys un ar ôl y llall - un dau tri .... saith i gyd! Cawson ni i gyd fraw. Y groesfan y gwelwyd llawer o ddamweiniau ceir ynddi ydy hi. Yn ffodus croeson nhw'n ddiogel i'r ochr arall. Gobeithio y byddan nhw'n aros yno!

diwrnod braf

2012-01-05T19:12:00.001-06:00

Roedd y tymheredd yn 70F heddiw. Dan ni'n cael gaeaf mwyn dros ben (hyd yma.) Gan fod gen i awr rydd yn y dref cyn casglu fy merch, penderfynais i gerdded o gwmpas. Doedd dim llawer o bethau newydd na diddorol, ond o leiaf roedd yn braf cerdded yn yr haul. Ces i gyfle i dynnu llun gwych o faneri America ac Oklahoma. Ces i fap newydd o'r dref yn rhad ac am ddim yn swyddfa'r dref hyd yn oed.

traddodiadau japaneaidd

2012-01-04T16:43:00.000-06:00

Mae yna ddigwyddiadau traddodiadol amrywiol ar ddechau blwyddyn yn Japan. Dyma ddau ohonyn nhw:
*Cicio pêl ledr mewn cylch - rhaid cadw'r bêl rhag cyffwrdd y daear.
*Cystadleuaeth cardiau - ysgrifennir hanner olaf y cerddi traddodiadol ar y cardiau. Un sy'n eu cofio'n dda'n ennill gan eu taflu nhw i ochr pan ddarlledir y hanner cyntaf gan y darlledwr.

tymor newydd

2012-01-03T21:35:00.002-06:00

Cychwynnodd yr ysgolion a'r prifysgolion dymor newydd heddiw. Es i i lyfrgell yr ysgol i wirfoddoli hefyd. Mae gwaith mawr yn fy nisgwyl yno. Mae gan fy mhlant amserlenni newydd ac amrywiol hefyd. Mae hyn yn golygu bydda i'n brysurach fyth fel gyrrwr tacsi. Ar ben hynny eith y gŵr i Hawaii i ymweld â'i rieni ddydd Iau ac aros efo nhw am wythnos. Efallai fy mod i wedi ymlacio gormod yn ystod y gwyliau!

lewpard eira

2012-01-02T20:05:00.000-06:00

Croeso'n ôl i Lewpard Eira! Dw i'n hynod o falch o weld o. Mae o'n gweithio'n iawn efo'n MAC Mini. Mae popeth yn gyflymach, hynny ydy cymharol gyflymach achos bod gynnon ni fand llydan araf yn y bôn. Chollais i mo nofelau Kindle na dim byd arall chwaith ond fy bookmark. Dw i wedi trefnu popeth yn barod beth bynnag.

post cyntaf y flwyddyn

2012-01-01T22:55:00.000-06:00

Blwyddyn Newydd Dda i bawb!

Er bod ein MAC Mini ddim yn gweithio eto (dw i'n defnyddio gliniadur y gŵr rŵan) byddwn i am gychwyn y flwyddyn newydd yn iawn gan sgrifennu fy mlog. Bydda i'n trio sgrifennu cyn amled ag y sy'n bosibl eleni.

dim diolch i'r llew

2011-12-28T17:48:00.001-06:00

Fel arfer mae pob system weithredu newydd gan Apple yn ardderchog (fe alla i ddweud hyn er mod i ddim yn deall y cyfrifiaduron yn iawn!) Ond mae Llew, eu diweddaraf yn dal i roi problemau i ni. Mae'n ymddangos bod ein hen gyfrifiadur ni ddim yn gweithio'n iawn efo'r llew. Mae o'n gweithio'n berffaith iawn efo Llewpard Eira. Penderfynodd y gwr newid y system yn ôl at y llewpard. Mae o wrthi ond yn wynebu problem ar ôl y llall. Mae o'n siarad efo staff Apple ar hyn o bryd. Gobeithio y bydd o'n llwyddo. Dw i ddim eisiau colli fy ffeil gan gynnwys y nofelau Kindle a brynais i'n ddiweddar!

bisgedi eidalaidd

2011-12-27T11:33:00.000-06:00

Ar gyfer pwdin y cinio mawr, mi wnes i grasu bisgedi Eidalaidd o'r enw Mostaccioli. Maen nhw'n debyg i marzipan yn hytrach na bisgedi, a defnyddir sbeisys annisgwyl i fisgedi fel cloves. Roedden nhw'n flasus beth bynnag ac yn wahanol i'r pwdin arferol. Rhoes i hanner ohonyn nhw yn y rhewgell i ni eu mwynhau rywdro arall.

efo'r teulu

2011-12-26T17:26:00.001-06:00

Wedi gwasanaeth Nadolig boreol, es i adref ar frys efo'r gŵr i groesawi'r plant a oedd yn dod adref. Cafodd y tŷ distaw ei lenwi unwaith eto efo'r plant a chi fy merch hynaf. Cawson ni gymaint o hwyl yn agor anrhegion. Yna aeth rhai am dro tra oeddwn i'n paratoi twrci a chig moch. Doedd y twrci ddim wedi ei doddi mewn pryd (eto!) Penderfynais i ei rostio fel mae o ond hirach. Ces i ollyngdod mawr pan ddaeth o allan o'r popty wedi'i rostio'n braf. Ar ôl y cinio, gwyliais i ddrama Japaneaidd boblogaidd efo un o'r merched tra oedd y gweddill yn gwylio'r ddrama Americanaidd boblogaidd 24. Roedd yn hanner nos pan ges i gawod sydyn cyn mynd i'r gwely. Wedi blino'n lân ond yn fodlon.

2011-12-24T22:51:00.003-06:00

Nadolig Llawen i chi i gyd!

siom

2011-12-23T14:29:00.000-06:00

Roeddwn i'n anghofio siarad am il Volo efo perchennog Napoli's sy'n dod o Sicily pan oeddwn i yno'r tro diwethaf. (Dau o'r tri hogyn yn dod o Sicily fel pawb yn gwybod!) Felly es i yno am ginio heddiw er mwyn ffeindio ydy o'n eu nabod nhw, neu well fyth, ydy o'n perthyn iddyn nhw rhywsut (fel pawb yn perthyn i'w gilydd yn y byd Cymraeg!)

Roedd y spaghetti primavera'n dda ond roeddwn i'n meddwl am siarad â'r perchennog yn hytrach na am y bwyd tra oeddwn i'n ei fwyta. O'r diwedd daeth amser i dalu, a daeth o at y til. Ond dydy o ddim yn eu nabod nhw; dydy o ddim hyd yn oed wedi clywed amdanyn nhw, ac nhwthau mor aruthrol a phoblogaidd yn y byd! Am siom!

dw i'n licio giulia

2011-12-22T10:58:00.000-06:00

Yn gyntaf, ces i fy synnu pan ddes i at y dudalen sgrifennu Blogger y bore 'ma. Mae popeth wedi newid dros nos! O wel, mae popeth yn newid o dan yr haul.

Dw i newydd ddarganfod y wefan hwylus ac wrth fy modd efo hi, sef Text-to-Speech. Fe gewch chi glywed brawddegau byrion o'ch dewis mewn rhyw ddwsin o ieithoedd amrywiol a siaredir gan bobl wahanol. Wrth gwrs bod yna Google Translate ond mae ansawdd sain Text yn well na'r llall yn fy marn i. Yn anffodus does dim Cymraeg ond dw i'n ei defnyddio i glywed Eidaleg. Giulia ydy fy ffefryn.

canu carolau

2011-12-21T19:43:00.003-06:00

Daeth cnocio swnllyd ar ddrws blaen pan oeddwn i wrthi'n coginio swper heno. Agorodd y gŵr y drws a dyma ni'n clywed canu carolau. Pobl ifanc yr eglwys gerllaw a arweiniwyd gan y gweinidog oedden nhw. Cawson ni ddewis o garol arall, a dyma ddewis Joy to the World. Fe ddiflannon nhw yn y tywylloch wedi gorffen canu gan daflu "Merry Christmas" aton ni....

pecynnau cinio japaneaidd

2011-12-20T13:34:00.002-06:00

Mae llawer o famau Japaneaidd yn hoffi paratoi pecynnau cinio ffansi i'w plant bach. (Roedd fy mam yn rhy brysur am hynny a dw i erioed wedi eu gwneud ar gyfer fy mhlant!) Mae'n siŵr bod nhw'n cael pleser yn rhoi pleser i'w plant a mwynhau creu pethau celfyddydol bron yr un pryd. Ond efallai bod yna elfen o gystadleuaeth ymysg y mamau!

Anwybyddwch yr hysbyseb ar ddechrau'r fideo. Gobeithio bod gynnoch chi fand llydan cyflym.

eira ar werth

2011-12-19T14:22:00.002-06:00

Mae gan rywun syniad da yn Hokkaido, yr ynys fawr yng ngogledd Japan. Maen nhw'n stwffio eu heira mewn cesys plastig a luniwyd fel dyn eira, a'u gwerthu nhw am 4,000 yen (£33) yr un. Maen nhw'n boblogaidd iawn yn ardaloedd deheuol fel Tokyo ac Okinawa. Rhaid bod eira Hokkaido'n arbennig. Gobeithio na fydd o'n toddi'n fuan!

ateb!

2011-12-18T14:48:00.002-06:00

Postiais i am y nofel Eidaleg gan Kindle ddyddiau'n ôl. Roedd hi'n hynod o ddiddorol (er mai llofruddiaeth oedd y pwnc!) a defnyddiol. Sgrifennais i at yr awdures felly wedi ei gorffen. A ches i ateb ganddi hi'r bore 'ma! Mae hi wedi sgrifennu nofelau eraill i ddysgwyr; mae un ar fy rhestr anrheg Nadolig at y teulu!

y diwrod pwysig

2011-12-17T15:10:00.003-06:00

Y diwrnod pwysig i bob myfyriwr yn ei flwyddyn olaf ydy hi heddiw, sef y diwrnod graddio. Roedd yna ddwy seremoni er mwyn cymhwyso pawb. Es i efo fy mhlant i'r seremoni am wyth o'r gloch gan fod myfyriwr Japaneaidd sy'n agos aton ni'n graddio. Mae'n braf gweld wynebau'r myfyrwyr sydd wedi cyflawni'r gamp fawr.

Daeth rhai rhieni o Japan ar gyfer yr achlysur. Daethon nhw ag anrhegion i ddiolch i fy ngŵr sydd wedi gofalu am eu plant dros flynyddoedd. Mae gynnon ni bentwr o fwyd blasus Japaneaidd!

nofel ar gyfrifiadur

2011-12-16T13:16:00.002-06:00

Dw i wedi prynu nofelau "hawdd" i ddysgwyr Eidaleg, ond maen nhw i gyd yn rhy anodd i mi heblaw rhyw benodau cyntaf fel roedd rhaid i mi roi'r gorau iddyn nhw. Yna, gwelais i un sy'n edrych yn dda, ond mae hi yn ffurf Kindle. Dydy Kindle ddim gen i ond mae'n bosib darllen y rhain ar gyfrifiadur. Felly prynais i hi a dechrau ei darllen ar unwaith. (Dim ond $4 costiodd a heb gost cludo wrth gwrs.)

A dw i'n falch mod i. Mae'r nofel yn arbennig o ddiddorol a digon hawdd i mi ei dilyn. Ac eto roedd yna ddigonedd o eiriau newydd i'w dysgu, a defnyddir ffurfiau gramadeg amrywiol. Mae'n braf cael gweld mewn llyfr go iawn yr hyn a ddysgais i.

Mae'r nofel hon yn fy atgoffa i o fy nofel Cymraeg gyntaf i ddysgwyr a ddarllenais i, sef Cysgod yn y Coed gan Lois Arnold. Ces i'r un argraff ar y pryd; roeddwn i hynod o falch mod i'n cael darllen nofel Cymraeg go iawn fel sgwennais i at yr awdures yn diolch iddi.

y cwpan

2011-12-15T16:19:00.003-06:00

Mae yna fwy na digonedd o gwpanaid te a choffi ar gael mewn siopau, ond roeddwn i'n chwilio am steil arbennig sy'n debyg i un a welais i ar You Tube, a methu ffeindio un. Heddiw galwais i heibio i siop elusen rhag ofn. Hwrê! Roedd cwpan gwyn perffaith ar silff! Dim ond doler costiodd hyd yn oed. Dyma ei brynu ar unwaith a dod â fo adref. Roedd coffi'n arbennig o dda yn y cwpan.

bisgedi

2011-12-13T21:05:00.004-06:00

Mae fy nwy ferch wedi bod wrthi'n crasu bisgedi i'w ffrindiau'n anrhegion. Fe wnaethon nhw ryw 200. Ân nhw â'r anrhegion i'r ysgol yfory, y diwrnod olaf cyn gwyliau'r Nadolig. Roedd rhaid i mi ddechrau paratoi swper yn hwyrach oherwydd bod y merched yn meddianu'r gegin. Rŵan maen nhw'n gwneud cardiau i fynd efo'r bisgedi. Byddan nhw'n mynd i'r gwely'n hwyr heno.

prynu esgidiau

2011-12-12T16:22:00.003-06:00

Prynais i esgidiau cerdded mewn siop leol. Dw i ddim yn prynu pethau i fi fy hun yn aml (wel ar wahân i lyfrau ella!) ond roeddwn i angen pâr sy'n edrych yn dda efo sgert. Pan alwais i heibio i Felt's, ffeindiais i bâr perffaith (maint, lliw, steil.) Ac roedd yr unig bâr gan Hush Puppies ar hanner pris + 10% off. Roedd yr esgid chwith dipyn yn dynn ond dwedodd y siopwr fyddai lledr yn *stretsio. Ces i fo at ei air a phenderfynu eu prynu. Talais i ond $35 gan gynnwys y dreth. Dw i'n teimlo'n dda achos mod i wedi cefnogi siop leol heb sôn am ffeindio bargen. (Gobeithio y bydd y lledr yn *stretsio!)

* Beth ydy'r gair Cymraeg?

tŷ newydd

2011-12-11T22:51:00.003-06:00

Ces i a'r gŵr ynghyd â'r staff eraill wahoddiad i dŷ newydd deon yr adran optometreg p'nawn 'ma. Mae o yng nghanol coedwig ger Afon Illinois. Tŷ hyfryd ydy o efo llyfrgell i'r deon a stiwdio paentio i'w wraig. Does ganddyn nhw blant ond dwy gath sydd gan ystafell eu hun. (Mae gan y deon alergedd cathod.) Does dim llanast o gwbl yn unrhyw le (hollol wahanol i'n tŷ ni!) Ces i amser braf yn sgwrsio efo Patrice, ffrind i mi sy'n mynd i'r Iwerddon yr haf nesa, ac yn sipian gwydraid plastig o win coch blasus o California!

cwrw gwaethaf

2011-12-10T12:09:00.003-06:00

Dw i erioed wedi hoffi cwrw, ond cafodd y gŵr bedair potel fach ffansi efo darluniau canoloesol arnyn nhw'n anrheg. Ces i lymaid i'w flasu a barnu'n syth mai hwn ydy'r cwrw gwaethaf a yfais i erioed er nad ydw i'n arbenigwr cwrw. Mae'n gas gen i wastraffu bwyd (a diod) ond dw i ddim yn mynd i yfed y gweddill.

ben bore'r gaeaf

2011-12-09T10:08:00.003-06:00

Y gŵr sy'n mynd â'r plant i'r ysgol yn y bore fel arfer, ond heddiw, y fi a wnaeth tra oedd o'n prysur baratoi'r arholiad terfynol. Ces i weld golygfa aeafol braf wrth yrru.

Yr haul gwan sydd wedi codi ond awr gynt yn cynhesu'r tir yn ara' bach. Does dim gwynt. Mae anadl gwyn y tai'n codi o bob simnai. Y niwl ysgafn sy'n hofran yn isel yn hanner cuddio'r caeau a'r tai.

Roedd yna ddynes a sgrifennodd ryddiaith amser maith yn ôl yn Japan. Sgrifennodd hi am bedwar tymor y flwyddyn; ben bore oedd ei ffefryn y gaeaf. A dw i'n cytuno.

siôn corn sydd yma

2011-12-08T12:36:00.005-06:00

Pan es i i'r lloches i helpu'r bore 'ma, ffeindiais i Siôn Corn. Roedd o'n eistedd o flaen coeden Nadolig a chael tynnu ei luniau efo plant bach y mamau sy'n mynd yno. Roedd o'n gofyn i bob plentyn ar ei liniau gwestiwn sydyn a rhoi anrheg fach. Roedd y plant yn hollol hapus ac eithrio un neu ddau fach fach a chafodd eu dychryn a dechrau crio. Gŵr un o'r staff oedd y Siôn Corn ac un da oedd o.

hedfan efo kitty

2011-12-07T13:29:00.002-06:00

Mae yna drenau wedi'u paentio efo gartŵns poblogaidd Japaneaidd, ond edrychwch ar beth mae gan gwmni awyren o Taiwan i gynnig: awyren Hello Kitty! Mae gan bob dim (wel bron) ei delwedd hi gan gynnwys bwyd, bratiau'r criw a hyd yn oed y tocynnau! Dw i ddim yn ffan ohoni hi ond mae'n ddiddorol gwybod bod yna rywun sydd wedi gwneud rhywbeth i ddifyrru'r cyhoedd felly.

mae hi'n hŷn na fi!

2011-12-06T19:51:00.006-06:00

Des i ar draws sylw Saesneg ar fideo il Volo ar You Tube gan ddynes 74 oed. Cafodd hi ei chyfareddu cymaint wrth wrando ar eu caneuon anhygoel nes bod hi'n crio. Dwedodd hi fyddai hi'n eu cefnogi cyhyd ag y sy'n bosibl.

Dw i'n deall yn iawn ei theimladau hi. Dw i'n dal i wrando ar y ddwy gân a brynais i, sef O Sole Mio e Un Amore Così Grande, a dal i gael fy swyno bob tro. Dydy cerddoriaeth erioed wedi bod yn rhan bwysig o fy mywyd, ond mae il Volo wedi newid fy safbwynt. Mi wna i ychwanegu mwy o'u caneuon at fy nghasgliad o dipyn i beth. Gobeithio y byddan nhw'n dal i ganu mor swynol amser hir.

cyngerdd y nadolig

2011-12-05T22:36:00.003-06:00

Es i a'r teulu i gyngerdd y Nadolig yn yr ysgol uwchradd heno. Roedd un o fy merched yn canu yn y côr. Aethon ni â chwaer un o'r myfyrwragedd Japaneaidd sy'n ymweld â'i chwaer. Dyma'r tro cyntaf iddi ddod i America. Gan nad oes cymaint i'w weld yn y dref fach hon, roedd hi wedi diflasu ar ôl mynd i Las Vegas yn gynt. Canodd y côr yn arbennig o dda. Mae'r awyrgylch yn hollol wahanol i'r ysgolion yn Japan hefyd. Dw i'n siŵr bod yn brofiad diddorol i'n hymwelydd ni.

fy nghar

2011-12-05T09:31:00.003-06:00

Ces i fy nghar yn ôl y bore 'ma ar y 5ed diwrnod ers iddo dorri i lawr. Roedd yn ofnadwy o anghyfleus hebddo gan fod y teulu'n gorfod mynd i bobman ar amser gwahanol. Roeddwn i'n teimlo fel gyrrwr tacsi llawn amser. Hefyd dw i ddim yn hoffi gyrru car mawr fy ngŵr (Ford Explorer.) Dw i'n hoff iawn o fy un bach i sef Ford Focus efo tair Draig Goch arno fo. Mae o'n teimlo fel sgidiau cyfforddus.

y lleisiau anhygoel

2011-12-03T17:33:00.005-06:00

Dw i newydd ddarganfod tri o hogiau Eidalaidd sydd gan leisiau anhygoel. Il Volo ydy enw'r grŵp. Aeth ysgwyd i lawr fy nghefn pan glywais i O Sole Mio ganddyn nhw am y tro cyntaf. Fedra i ddim credu bod lleisiau mor swynol a chyfoeth yn dod o'r hogiau ifanc felly. Dw i wrth fy modd efo nhw yn enwedig Gianluca Ginoble sy'n fy atgoffa i o Elvis Presley. (Dw i ddim yn meddwl mod i'n ffan o Elvis.) Dw i'n hoff iawn o Andrea Bocelli ond rhaid cyfaddef bod llais Gianluca'n fwy deniadol na un Bocelli i mi, ac yntau ond 16 oed!

mikan

2011-12-02T15:21:00.002-06:00

Blasus yw'r orennau Japaneaidd (mikan.) Nid dim ond melys ac iach maen nhw; mae'n hawdd dros ben eu plicio. Does angen cyllell na dwylo cryf. Byddai Mam yn gosod basged lawn ohonyn nhw ar ben bwrdd is twym (kotatsu) yn ystod y gaeaf. Bydden ni'n bwyta un neu ddau (neu dri!) bob dydd trwy'r tymor oer. Dw i'n siŵr bod hynny'n fodd da i gael digon o fitamin C.

Mae yna fath o oren sy'n debyg i mikan yma yn yr Unol Daleithiau o'r enw Clementine, ond dydy o ddim cystal o ran blas a hwylustod.

am ryfedd

2011-12-01T13:50:00.002-06:00

Dw i wedi 'cyfarfod' y trydydd Eidalwr sydd ddim yn hoffi pêl-droed. Am ryfedd! Wrth gwrs nad ydy'r hogyn o Chile sy'n aros efo cymydog yn hoffi pêl-droed chwaith ond tenis. Wrth gwrs nad ydy pob Cymro'n canu mewn côr; nad ydy pob Americanwr yn hoffi pêl fas a phêl-droed Americanaidd; nad ydy pob Japaneaid yn hoffi sushi. Ac eto ........

yr ochr olau

2011-11-30T22:20:00.002-06:00

Llwyddodd y gŵr gychwyn fy nghar a mynd â fo at garage Ford ddoe. Roedd rhaid archebu rhywbeth a fydd popeth yn costio rhyw $700 mwy neu lai! Dw i'n falch bod y car wedi methu nunlle arall ond yn y gymdogaeth.

car wedi'i dorri

2011-11-29T15:45:00.002-06:00

Munud ar ôl gadael y tŷ, torrodd y car. Doedd dim byd fedrwn i wneud ond ei adael a cherdded adref. Yn ffodus es i ddim yn bell. Y broblem ydy roeddwn i ar fy ffordd i gasglu'r plant. Dyma ffonio'r gŵr ond roedd o ar gychwyn ei ddarlith ac na fedrith fynd am awr. Dyma ffonio'r ddwy ysgol yn ogystal â ffôn symudol fy merch er mwyn dweud wrthyn nhw aros am eu tad.

Wel, does dim byd fedrwn i wneud rŵan. O leiaf, mae gen i rywbeth i sgrifennu ar fy mlog heddiw.

wedi'r gwyliau

2011-11-28T12:38:00.002-06:00

Reit, mae'r gwyliau wedi drosodd a dw i'n ôl i fy mywyd beunyddiol. Gorffennais i olchi pentwr o ddillad (diolch i'r peiriant golchi!) Smwddiais i grysau'r gŵr. Rhaid i hwfro p'nawn 'ma hefyd. O leiaf mae llun y teulu a llythyr Saesneg Nadolig yn barod yn gynt nag arfer eleni. Dim ond y gwaith gyfieithi i'r Japaneg sydd ar ôl. Yn y cyfamser dw i'n gwneud yn siŵr bod gen i amser ar gyfer y Gymraeg a'r Eidaleg.

Gyda llaw, doedd peidio â choginio twrci ddim yn syniad da wedi'r cwbl. Ces i gymaint o gwyn gan y plant. Roedd un ohonyn nhw cyn belled â dweud nad ydy'r Wyl Ddiolchgarwch yn gyflawn heb rost twrci, a rhaid diogelu traddodiad Americanaidd! Iawn. Mi fydda i'n coginio twrci flwyddyn nesa ymlaen.

adref

2011-11-27T22:36:00.002-06:00

Mae eglwys fy merch hynaf yn cynnal cyfarfodydd yng nghartrefi'r aelodau. Ar ôl y canu a dysgu'r Beibl anffurfiol, roedd rhaid i ni gychwyn ar unwaith achos bod fy mab hynaf yn cael lifft i ddod yn ôl i'r brifysgol yn Arkansas am bedwar o'r gloch.

Gofynnodd y gŵr i ddwy o'n merched yrru er mwyn iddo gael gweithio ar ei liniadur yn y car. Aeth y siwrnai'n ddidramgwydd a llwyddodd o gwblhau popeth. Roedd yn braf cael gwyliau efo'r plant i gyd. Pwy a wir pryd cawn ni ddod at ein gilydd y tro nesaf. Ces i amser da ond dw i'n falch iawn o gysgu yn fy ngwely heno.

diwrnod yn norman

2011-11-26T20:26:00.004-06:00

Mae'r gwesty'n ddigon da gan ystyried y pris. Cewch chi frecwast yn rhad ac yn ddim hyd yn oed. Methais i gysgu'n dda serch hynny. Fedra i ddim cysgu'n dda mewn gwesty.

Y peth pwysicaf i'w gyflawni heddiw oedd tynnu llun y teulu ar gyfer ein llythyr Nadolig blynyddol. Roedden ni'n gobeithio cael defnyddio neuadd y brifysgol (University of Oklahoma) ond yn anffodus roedd yna gêm pêl-droed Americanaidd a doedd dim lle i barcio gerllaw. Aethon ni i'r llyfrgell yn ei lle a llwyddo i gael llun da.

Cawson ni swper mewn tŷ bwyta Mecsicanaidd yn y dref. Tra oedden ni wrthi'n bwyta, roeddwn i'n sylwi ar y llais cyfarwydd yn canu yn y cefndir. Pwy ond Duffy a oedd yn canu Mercy! Dim ond gŵr fy merch a oedd wedi clywed amdani hi. A dyma esbonio ei chefndir Cymraeg yn awyddus wrth y teulu.

i norman

2011-11-25T20:09:00.004-06:00

Aeth y siwrnai'n ddigon hawdd a heb drafferth. Dim ond tair awr a hanner cymerodd i dŷ fy merch yn Norman. Stopion ni unwaith am betrol a defnyddio'r tŷ bach ar Pig Out Palace yn Henryetta. Roedd y plant wrth eu boddau'n gwylio DVD yn y car trwy'r amser.

Roedd yn braf treulio'r p'nawn efo'n gilydd - y dynion yn gwylio'r gêm bêl-droed Americanaidd a'r merched yn siopa yn Ross a Target. Prynais i bersawr a bag llaw.

I swper, coginiodd fy merch gumbo efo berdys a selsig soia a oedd yn hynod o flasus. Rŵan mae pawb yn ymlacio'n gwneud pethau amrywiol yn y tŷ. Bydda i, y gŵr a fy ail ferch yn mynd i westy cyfagos cyn hir. Mae'r gweddill yn aros efo'i chwaer hŷn a'i gŵr.

diwrnod hamddenol

2011-11-24T13:46:00.003-06:00

Gŵyl Ddiolchgarwch ydy hi heddiw ond gan nad ydw i'n coginio cinio mawr eleni, mae gen i ddigon o amser i dreulio'n hamddenol. Mi baratoa' i black bean casserol sy'n hawdd dros ben ac yn flasus i swper heno. Protestiodd un o'r plant, fodd bynnag, fod rhaid cael pastai pwmpen o leiaf. Dw i'n rhyw gytuno â hi. Mi wna i un nes ymlaen; mae'n ddigon syml.

Mi adawa' i a'r teulu am dŷ fy merch hynaf yn Norman bore fory. Mae'r gŵr eisiau gadael tua naw i ni gyrraedd mewn pryd am y gêm bêl-droed Americanaidd rhwng Arkansas a Louisiana. Does gen i ddim diddordeb ynddi o gwbl; mi a' i i siopa efo'r genod efallai.

the lloyds

2011-11-23T15:32:00.002-06:00

Dw i wedi defnyddio deunyddiau amrywiol i ddysgu Cymraeg. Baswn i'n dweud mai the Lloyds, BBC Catchphrase, ydy'r gorau ar gyfer dechreuwyr. Doeddwn i ddim yn medru dweud llawer ar wahân i "bore da" a "diolch" cyn gwneud y cwrs.

Yr hyn sy'n gweithio'n hynod o effeithiol ydy'r deialogau naturiol mewn sefyllfaoedd beunyddiol yn hytrach na rhai arbennig mewn cwrslyfrau eraill, e.e. archebu bwyd, mynd i siopa, bwcio ystafell ac yn y blaen. Ar ben hynny, mae'r deialogau'n cael eu darllen (neu actio) gan actorion da sy'n swnio'n hollol naturiol.

Dw i'n trio ffeindio un tebyg i ddysgu Eidaleg ond heb lwyddiant hyd yma. Felly penderfynais i ddefnyddio the Lloyds, hynny ydy, dw i'n cyfieithu'r deialogau Cymraeg i'r Eidaleg. Maen nhw'n ddigon hawdd ac eto maen nhw'n hynod o ddefnyddiol. Wrth gwrs bod yna ddim audio a dw i ddim yn cael gwybod ydw i'n iawn neu beidio. Ond dim ots.

syniad

2011-11-22T13:40:00.003-06:00

Mae'r groesfan tu allan i'r gymdogaeth yn ofnadwy o beryglus. Mae cynifer o ddamweiniau wedi digwydd yno ers i mi symud yma. Does dim goleuadau traffig serch hynny. Clywais i ryw si na osodir un nes bod yna deg marwolaeth ar groesfan!

Ond does angen gosod goleuadau traffig er mwyn diogelu'r cyhoedd. 55 m.y.a. ydy'r terfyn cyflymder ar y draffordd sy'n croesi'r lôn ar hyn o bryd. Dim ond ei leihau a allai helpu i osgoi damweiniau yn fy marn i. Fyddai hynny ddim yn costio pres (ar wahân i gost newid yr arwydd efallai.)

yr archeb

2011-11-19T22:26:00.003-06:00

Mae'r rhifyn diweddaraf o gylchgrawn y Wawr newydd gyrraedd ynghyd â chopi o'r hunangofiant Orig Williams, sef Cario'r Ddraig.

Dw i'n hoffi'r Wawr achos fy mod i'n cael gwybod beth sy'n mynd ymlaen yn y byd merched Cymraeg yn Gymraeg. Yn aml iawn dw i'n cael syniad ynglŷn pa lyfr byddwn i am ei ddarllen nesa drwy ddarllen yr adolygiadau. Unwaith sgrifennais i lythyr drwy'r post at enillydd cystadleuaeth ryddiaith Merched y Wawr, a chael ateb cwrtais dros ben. Dw i'n hoffi gwneud y posau hefyd. Mi wnes i un o'r ddau'n barod; gyrra' i'r ateb at y golygydd cyn hir. Gawn ni weld fydda i'n ennill un o'r llyfrau.

Dw i heb ddechrau Cario'r Ddraig eto. Does gen i fawr o ddiddordeb mewn reslo a dweud y gwir, ond yr hyn a wnaeth fy ysgogi i'w brynu oedd y newyddion am gofeb i Orig wythnosau yn ôl. Bargen oedd y llyfr beth bynnag (£2.50.) Mi sgrifenna' i amdano fo rywdro.

mynd i 'chilango's'

2011-11-18T08:45:00.004-06:00

Es i i Chilango's, tŷ bwyta Mecsicanaidd poblogaidd yn y dref, efo'r teulu neithiwr i ddathlu fy mhenblwydd yn hwyr. (Doeddwn i ddim yn teimlo'n dda'r wythnos diwethaf.) Roedd y bwyd yn dda iawn fel arfer efo prisiau hynod o resymol. Does ryfedd bod y lle'n llawn bob tro. Ces i Pescado Loco (y llun) a oedd yn flasus dros ben. Doedd y pysgodyn ddim yn wallgof o gwbl! Roedd yn ddiddorol gweld un o'r gweinyddion yn cario tri phlât ar ei elin de a chario un arall yn ei law chwith.

Roedd yn braf nad oedd rhaid i mi baratoi swper.

cerdded drwy'r dref

2011-11-17T11:59:00.005-06:00

Mae'n ddiwrnod bendigedig o braf. Penderfynais i gerdded yn y dref yn hytrach na'r gymdogaeth arferol. Fel arfer dw i byth yn sylwi'r manylion achos mai gyrru bydda i os oes angen mynd i'r dref. Heddiw roeddwn i'n trio edrych o gwmpas wrth gerdded er nad oes yna lawer o bethau trawiadol yn y dref fach hon. (Rhaid cyfaddef mod i wedi cael fy nylanwadu gan Tokyobling!) Dw i heb fwyta yn y tŷ bwyta yn y llun; well i mi drio rywdro i weld ydy'r arwyddion yn wir. Ces i hanner awr pleserus yn yr haul.

traddodiad newydd

2011-11-16T22:47:00.003-06:00

Byddwn ni'n cael cinio mawr ar Ŵyl Ddiolchgarwch fel arfer, hynny ydy, y fi a fydd yn coginio'r cinio mawr. Mae fy merch a'i gŵr yn gyrru bron 150 milltir i ddod ar gyfer yr achlysur. Wrth gwrs fod o'n gyfle i bawb ddod at ein gilydd, ond yna mewn wythnosau bydd rhaid iddyn nhw deithio eto ar gyfer y Nadolig.

Ces i syniad gwych; beth am fynd i dŷ fy merch a'i gŵr dros Ŵyl Ddiolchgarwch? Yna na fydden nhw'n gorfod teithio dwywaith mewn mis; byddwn ni'n cael ymweld â nhw yn eu tŷ; byddwn ni'n cael siopa yn y siopau mawr yno; na fydd rhaid i mi neu fy merch baratoi'r cinio mawr. (Dan ni'n mynd i fwyta allan.) Bydd y tri phlentyn ifancaf yn aros efo eu chwaer ond mewn gwesty y bydd y gweddill yn aros.

Mae pawb yn cytuno'n hapus. Hwrê! Traddodiad newydd! Edrycha' i ymlaen yn fawr at yr wythnos nesaf. (Ond fe wna i goginio twrci ar gyfer cinio Nadolig. Dw i'n addo!)

llongyfarchiadau

2011-11-15T09:12:00.002-06:00

Llongyfarchiadau i Tokyobling ar gamp o sgrifennu blog hynod o ddiddorol bob bydd am dair blynedd. Dw i'n llawn edmygedd fod yr awdur yn dal ati'n blogio beunyddiol am bethau diddorol ac unigryw efo lluniau ardderchog. Mae o wedi agor llygaid y byd, a gwneud iddyn nhw edrych ar Japan drwy safbwynt cadarnhaol. Dw innau wedi dysgu o newydd llawer o bethau ynglŷn fy ngwlad enedigol. Synnwn i ddim os cynyddith y nifer o ymwelwyr i Japan o'i herwydd. Fe ddylai Llywodraeth Japan ei wobrwyo am ei gyfraniad.

damwain arall

2011-11-13T14:55:00.003-06:00

Pan ddes i a'r teulu at fynedfa'n cymdogaeth ni p'nawn 'ma, roedd y traffig wedi sefyll efo nifer mawr o geir yr heddlu o gwmpas - damwain arall! Penderfynon ni gerdded adref o fan 'na; parciodd y gŵr ein car mewn lle gwag cyfagos. (Roedd yna pot-luck arall yn ein heglwys, ac roedden ni'n cario bwyd sbar ar blatiau!)

A dweud y gwir mae'r croesffordd yn hynod o beryglys. Roedd yna ddamwain ddifrifol wythnosau'n ôl a laddodd cwpl oedrannus. Tarodd eu car erbyn lori betrol enfawr a ollyngodd y petrol i gyd. (Yn ffodus doedd dim tân.) Cymerodd amser hir i glirio'r llanast.

Rhaid i mi fod yn fwy gofalus fyth.

veteran's day

2011-11-11T12:26:00.008-06:00

Veteran's Day ydy hi heddiw yn UDA. Mae'r tywydd mwyn yn berffaith i'r orymdaith. Ymunais i â'r trigolion eraill i ddiolch y veterans sydd wedi gwasanaethu ac yn gwasanaethu droston ni a'n cadw ni'n ddiogel a rhydd.

nith martin luther king, jr sy'n siarad

2011-11-10T12:29:00.002-06:00

Dyma erthygl ardderchog gan Alveda King sy'n nith i Martin Luther King, Jr. ar y scandal ynglŷn Herman Cain.

y pwnc

2011-11-06T22:04:00.002-06:00

Y pwnc yn ystod amser coffi yn ein heglwys ni'r bore 'ma oedd y daeargryn neithiwr wrth gwrs. Rodd gan bawb ei hanes, rhai difrifol a'r lleill doniol. Mae hyn yn dangos pa more anghyfarwydd dan ni â daeargryniau yma yn Oklahoma. Dan ni'n gwybod tipyn am dornados ond yn hollol ddiymadferth pan mae'r ddaear yn dechrau crynu!

daeargryn!

2011-11-05T23:39:00.003-05:00

Roeddwn i newydd orffen cael cawod. Fedrwn i ddim credu beth oeddwn i'n ei deimlo o dana i - daeargryn! Brysiais i at y teulu; cawson nhw eu dychryn hefyd. Roeddwn i'n gyfarwydd â daeargryniau yn Japan ond dyma'r tro cyntaf i mi brofi un yn Oklahoma. Ces i wybod wedyn bod yna hanner dwsin ohonyn nhw heddiw er nad oedden nhw'n ddigon cryf i achosi difrod.

seremoni frenhinol

2011-11-03T10:14:00.003-05:00

A dweud y gwir, doeddwn i ddim yn gwybod hyd yma bod gan deulu brenhinol Japan etifedd gwrywaidd ers pum mlynedd (mab ail fab yr ymerawdwr presennol.) Dw i'n rhyw gofio bod yna trafodaeth gâi menywod olynu fel ymerodres flynyddoedd yn ôl. Mae'n ymddangos bod y drafodaeth wedi gohirio am y tro.

Beth bynnag y ddadl, roedd yna seremoni i ddathlu penblwydd tywysog yn bump oed am y tro cyntaf ers 41 mlynedd. Mae o i neidio oddi ar fwrdd go (gwyddbwyll Japaneaidd) mewn gwisg draddodiadol. Fe wnaeth Hisahito, y tywysog bach yn dda iawn.

y galon binc

2011-11-02T14:47:00.009-05:00

Wrth chwilio am y tri cherdyn post colledig gan ffrind colledig, des i hyd i'r Galon Binc, sef y fedal a wnaeth y gŵr i'n merch hynaf ni yn Japan pan oedd hi'n chwech oed.

Mae'r fedal hon yn dwyn atgof annwyl teuluol; derfynodd fy merch y fedal gan fod hi wedi achub bywyd ei brawd bach wyth mis oed (ar ddamwain!)

Un diwrnod roedden nhw'n eistedd o flaen bwrdd is Japaneaidd a oedd yn sefyll ar ei ochr. Am ryw reswm syrthiodd o arnyn nhw. Gan fod fy merch yn fwy na'i brawd yn naturiol, tarodd y bwrdd ei phen (ddim yn ddifrifol) a stopio. Roedd ei brawd yn ddianaf o'i herwydd.

Canmolodd ei thad hi am iddi fod mor ddewr a gwneud medal bapur. Galwodd yn Galon Binc ar ôl ffasiwn Galon Borffor Lluoedd Arfog America. Dywedir ar y cefn:

THE PINK HEART

(enw fy merch)

May 7, 1990

Rhaid i mi fynd â'r fedal at fy merch pan ymwela' i â hi dros wyliau Diolchgarwch.

swrpreis!

2011-11-01T08:52:00.002-05:00

Mae hyn yn haeddu post newydd; pan ddes i yma'r bore 'ma, roeddwn i'n sylwi bod yna un sylw ychwanegol ar fy mhost diweddaraf am y nofel gan Sian Northey. Cliciais i'r gair yn awyddus. Gan bwy oedd y sylw ond yr awdures ei hun! Dw i'n rhyw feddwl mai i Neil a'i ffrind y dylwn i ddiolch am y fraint. Dymuniadau gorau i Sian.

yn y tŷ hwn

2011-10-31T14:04:00.003-05:00

Dyma un o'r nofelau prin, Gymraeg neu ieithoedd eraill; medra i weld ffilm yn fy mhen wrth ei darllen. Pa fath o ddrama a allwch chi ei hadrodd ynglŷn hen dŷ a dynes gyffredin sy'n tynnu ymlaen? Ond llwyddo a wnaeth Sian Northey'n hynod o fedrus. Dydy'r pwnc ddim yn unigryw, ond mae ei modd i blethu'r gorffennol efo'r presennol, ac i gario popeth tuag at y datguddiad annisgwyl yn anhygoel. Mae'r sioc a ges i'n fy atgoffa i o Rebecca gan Daphne du Maurier ( heb lofruddiaeth a phartion gwyllt!)

Heb os hon ydy'r nofel Gymraeg orau a ddarllenais i'n ddiweddar. Edrycha' i ymlaen at waith arall gan yr awdures.

pryd o fwyd wedi'i ailgylchu

2011-10-30T13:41:00.003-05:00

Dw i'n siŵr bod yna ddulliau ym mhob diwylliant i ailgylchu pryd o fwyd a'i droi'n un arall. Dyma ddau, un Japaneaidd a'r llall Eidalaidd sef ojiya a spaghetti frittata.

Ojiya: Coginir reis plaen wedi'i stemio mewn cawl soia. Mae'n drwchus iawn. Yn y llun hwn, fe wnes i ychwanegu wy a shiitake (madarch Japaneaidd) i mewn i gawl soia efo gwymon.

Spaghetti frittata: Spaghetti wedi'i ffrio efo wyau a chaws Parmezan.

Fydden nhw ddim yn ennill cystadleuaeth goginio ond maen nhw'n flasus beth bynnag ac arbed gwastraffu bwyd.

¢19

2011-10-29T15:07:00.002-05:00

Gwelais i un daten goch fach yn y troli. Doeddwn i ddim yn meddwl dim byd amdani hi pan wnes i afael yn y troli a bwrw ymlaen efo'r gwaith siopa. Aeth i'r til wedyn a gosod y nwyddau ar y cludydd gwregys. Gosodais i'r daten hefyd yn bwriadu ei rhoi hi'n ôl i'r siop. Yna sylweddolais i fod yr hogan wrth y til yn meddwl mod i wedi ei phrynu achos bod hi ddim yn sôn am y daten. Ddylwn i ei bwyta? Na, dydw i ddim eisiau cymryd siawns. Gadawais i hi yn y troli. Gwelais i'r dderbynneb ar ôl dod adref ; do, mi wnes i dalu amdani hi - ¢19.

carpedi glân

2011-10-28T10:25:00.003-05:00

Dw i ddim yn hoffi carpedi wal i'r llall (wall to wall?) Er nad ydyn ni'n gwisgo esgidiau yn y tŷ, mae'n amhosib eu cadw nhw'n lân heb eu hwfro'n aml. (Dydw i ddim, cofiwch!) Rhaid cael eu golchi'n broffesiynol o bryd i'w gilydd hefyd. (Mae'n hen bryd i ni gael un!)

Cafodd fy merch briod olchi ei charpedi brwnt ddoe o'r diwedd a gyrru llun ohoni hi'n gorwedd ar lawr mewn gorfoledd!

Byddwn i'n hoffi cael llawr caled.

lliwiau'r hydref

2011-10-27T16:41:00.004-05:00

Er gwaetha' tywydd cyfnewidiadol Oklahoma, mae'r hydref yma ac mae'r dail yn prysur droi eu lliwiau. Cawson ni law trwm y bore 'ma ond mae'n ddigon sych i mi gerdded. Roeddwn i eisiau tynnu lluniau'r coed hardd cyn iddyn nhw droi'n frown. Ac felly fu.

mae rina'n dod!

2011-10-25T13:04:00.002-05:00

Mae Rina'n mynd yn gryfach bob munud ac yn anelu at Ciwba. Mae'n gorwynt graddfa 3 efo gwyntoedd yn chwythu 120 m.y.a. bellach. Gobeithio na fydd hi'n achosi dinistroedd difrifol fel Irene a Catrina. Mae un o fy merched sef Rina'n teimlo'n chwith iawn gweld ei henw hi mor aml ar newyddion tywydd!

blas tymhorol

2011-10-24T18:04:00.002-05:00

Mae gan Braum's (siop hufen iâ) flasau tymhorol yr adeg yma sef eggnog, gingerbread a pumpkin. Roeddwn i'n llygadu ar eggnog wrth ddewis cupccino chunky chocolate y tro diwethaf. Roeddwn i'n bwriadu prynu eggnog y tro nesa. Ond pan es i i Braum's heddiw ces i wybod fod eggnog a gingerbread wedi mynd am y tro! Doeddwn i ddim yn siŵr am flas pwmpen ond ei brynu wnes i beth bynnag (rhag ofn iddo fynd hefyd.) Roedd rhaid i mi ei flasu wrth gwrs; mae gen i gyfrifoldeb! Mae o'n dda iawn wedi'r cwbl!

sioe

2011-10-18T22:16:00.004-05:00

Es i i sioe heno efo fy nwy ferch. Roedd côr yr ysgol uwchradd yn trio codi pres i helpu hogan fach un o'r staff. Dim ond tair oed ydy hi ac mae ganddi gancr.

Dawnsiodd a channodd aelodau'r côr yn hudo'r gynulleiddfa am awr. Roeddwn i wrth fy modd efo'r tap dance yn enwedig. Roedd y sioe'n llwyddiannus ysgubol. Gobeithio bod y côr wedi llwyddo i godi llawer o bres i'r hogan druan.

Codwyd dros $1,600!

llong danfor felen

2011-10-17T20:17:00.003-05:00

Wel, ces i sioc wrth wrando ar bodlediad Pigion diweddaraf (17 Hydref) a chlywed cân Japaneg yn sydyn - cyfieithiad o Yellow Submarine. Roedd y Beatles yn ofnadwy o boblogaidd (a dal i fod) yn Japan fel gweddill y byd, felly does ryfedd bod eu caneuon i gyd wedi eu cyfieithu i'r Japaneg. Ond doeddwn i ddim yn disgwyl clywed un ar raglen Dafydd a Caryl. Chwarae teg i Euron Griffiths am drio siarad Japaneg.

kit kat o japan

2011-10-15T10:39:00.004-05:00

Mae fy ail ferch a oedd yn dysgu Saesneg yn Japan am flwyddyn a hanner newydd ddod adref. Daeth â nifer o anrhegion a dillad a brynodd hi yno. Mae'n rhyfeddol gweld o newydd pa mor ddyfeisgar a medrus ydy pobl Japan. Dyma enghraifft - Kit Kat efo blas te gwyrdd. Mae yna hufen iâ efo'r un flas ond mae cyfuniad efo Kit Kat yn annisgwyl. Roedd o'n dda gyda llaw!

gair o japan

2011-10-14T08:23:00.003-05:00

Ces i gip ar glawr rhifyn diweddaraf y Wawr ar wefan Gwales.com a gweld "Gair o Japan." Pwy ydy awdur yr erthygl? Cyrhaeddodd fy nghopi ddoe a chwiliais i'r erthygl yn awyddus - Catharine Nagashima wrth gwrs!

Mae'n braf cael gweld lluniau ohoni hi a'i theulu yn ogystal â'i thŷ hynafol gwych. Maen nhw'n fy atgoffa i o fy ymweliad pleserus efo hi'r llynedd. Wedi darllen yr erthygl, ces i fy nharo gan y ffaith pa mor Japaneaidd ydy bywyd Catharine. Mae ei brecwast yn fwy Japaneaidd na'r rhan fwyaf o'r Japaneaidd eu hun! Hefyd doeddwn i ddim yn sylweddoli mai merch Edrica Huws ydy hi,

siwrnai am ddim i japan

2011-10-10T08:54:00.004-05:00

Mae'r nifer o ymwelydd i Japan yn lleihau'n sylweddol ers y trychineb niwclear ym mis Mawrth er bod hi'n ddiogel ym mhob man bellach ond yn yr ardal adweithydd. (Mae'n rhyfedd bod rhai sydd wedi canslo eu siwrnai i Japan yn mynd i'r traeth yn ddihitio lle cewch chi lawer mwy o ymbelydredd!)

Er mwyn hyrwyddo twristiaeth penderfynodd Llywodraeth Japan gynnig tocynnau awyren yn rhad ac am ddim i 10,000 o ymwelydd yn 2012 y byddai eu cynlluniau teithio'n pasio'r prawf. Disgwylir yr ymwelydd anfon negeseuon e-bost i'r byd tra bydden nhw'n aros yn Japan. Bydd yna hysbysebion gan y Llywodraeth nes ymlaen.

camgymeriad

2011-10-09T15:20:00.005-05:00

Mae'n ddiwrnod braf yn yr hydref. Es i i weld gêm gartref tîm y brifysgol leol pnawn 'ma. Yn ystod y gêm roeddwn i'n sylwi bod tri a oedd yn eistedd agos ata i'n siarad iaith estron efo'i gilydd weithiau. Roedd yn anodd eu clywed yn dda ymysg y cefnogwyr brwd ond roeddwn i bron yn siŵr fy mod i wedi clywed gair Eidaleg - perche (oherwydd, pam.) Tybed a allai hi fod yn yr athrawes o'r Eidal sy'n dysgu cwrs yn y brifysgol yma? Dyma ddechrau adolygu rhai cyfarchion Eidaleg yn sydyn! Dechreuodd fy nghalon giro'n wyllt. Aeth y gêm allan o fy mhen. Es i ati hi ar ôl y gêm i ofyn, "scusi, lei è Loredana?" - esgusodwch fi, Loredana dach chi? "No, I'm from Peru," atebodd hi.

2 - 2 oedd y sgôr gyda llaw.

yabusame

2011-10-08T12:34:00.007-05:00

Wedi darllen Tokyobling am yabusame (traddodiad Japaneaidd o saethu â bwa oddi ar geffyl) des i ar draws fideo hynod o ddiddorol am Americanwr a aeth i Japan am wers Yabusame sydyn. Fydd o'n llwyddo? Rhaid gweld y fideo. Mae ei Japaneg yn eitha' da. Ond peidiwch â dilyn ei esiampl yn plymio mewn bath Japaneaidd os bydd yna gyfle i chi fynd i Japan! Tabŵ marwol ydy hynny!

gormod o de

2011-10-07T09:53:00.002-05:00

Cysgais i'n dda iawn neithiwr am y tro cyntaf ers dyddiau. Roeddwn i'n deffro yng nghanol nos a methu mynd yn ôl i gysgu bob tro. Dw i bellach yn siŵr mai te oedd y bai, te gwyrdd. Roeddwn i'n meddwl byddai'n iawn achos nid te te ond un gwyrdd roeddwn i'n ei yfed gyda'r hwyr. Ond mae'n amlwg mai hwnnw oedd yn fy nghadw'n effro. Dw i'n cael fy nhe olaf tua hanner dydd o hyn ymlaen.

colled

2011-10-06T10:58:00.003-05:00

Colled genedlaethol ydy marwolaeth Steve Jobs, neu golled ryngwladol mwy tebyg. Mae fy ngŵr yn teimlo mwy na fi achos fod o'n hoff iawn o MAC a'r un oed oedd Jobs â fo. Wrth gwrs bod yna rywbeth arbennig i gefndir Jobs sy'n eich ysbrydoli. Gobeithio y bydd Apple'n dal ati. Dan ni'n dal yn deulu MAC.

hambwrgr eidalaidd

2011-10-04T10:49:00.002-05:00

Mae'n swnio'n flasus iawn! Er fy mod i bron byth yn mynd i Mcdonald's, byddwn i'n awyddus i drio hwn pe bai o ar gael yma.

bara a thiwlipau

2011-10-02T14:54:00.004-05:00

Neithiwr gwelais i ffilm Eidalaidd ddiddorol o'r enw Pane e Tulipani. Roeddwn i wedi clywed amdano fo a chwilio am DVD ond doedd o ddim ar gael ond un ail-law sy'n costio $22. Penderfynais i rentio un gan Amazon am $3, a'i weld ar gyfrifiadur. Aeth popeth yn hwylus a mwynheais i noson ffilm.

Mae'r stori'n hynod o ddiddorol; mae'r cymeriadau'n ddoniol. Ces i gip ar Venecia o ddrws cefn yn hytrach na'r golygfeydd arferol i dwristiaid. Ac wrth gwrs roedd yn wych o safbwynt dysgu Eidaleg.