yn y ddinas newydd

Dw i a'r gŵr yn dilyn rhaglen "ddarllen y Beibl mewn dwy flynedd," gan Tony Perkins. Dyn ni newydd orffen Llyfr Eseciel. Mae'n gorffen gyda'r adnod hyfryd sydd yn sôn am y ddinas newydd yn y dyfodol:

"Ac enw'r ddinas o'r dydd hwn fydd, ‘Y mae'r Arglwydd yno’.” Eseciel 48:35

bwyd cwyr

Yn aml, mae'n anodd gwybod pa fath o fwyd a gewch chi drwy edrych ar fwydlen mewn tŷ bwyta. Dyma ateb perffaith i ddatrys y broblem hon fel gwelir yn y llun. Mae gan Japan sgil anhygoel o fri ar gyfer bwyd a wnaed gan gwyr. (y llun gan fy merch)

myfyrdod heddiw

“Ac nid oes iachawdwriaeth yn neb arall, oblegid nid oes enw arall dan y nef, wedi ei roi i'r ddynolryw, y mae'n rhaid i ni gael ein hachub drwyddo.” Actau 4:12

Does dim enw arall o gwbl dan y nef - dim ond enw Iesu allu'n hachub ni.

103 oed

Dathlodd fy mam ei phenblwydd yn 103 oed heddiw, gyda'i wyres hynaf a'i gŵr. Er bod ei chof braidd yn fregus yn ddiweddar, mae hi'n byw bywyd hapus mewn cartref henoed braf. Dwedodd ei bod hi'n gweddïo dros ei theulu bob dydd.

gall yr esgyrn hyn fyw

"All yr esgyrn hyn fyw?" Eseciel 37:3

Diwrnod Cofio'r Holocost ydy hi. Dyn ni'n cofio'r 6 miliwn o Iddewon a lofruddiwyd yn yr Holocost. 

Ar ôl un o'r troseddau mwyaf erchyll yn yr hanes, digwyddodd gwyrth - aileni cenedl Israel. Mae llawer yn gweld defodau cenedlaethol fel Diwrnod Cofio'r Holocost yn seciwlar, ond cyflawniad proffwydoliaeth Feibl ydyn nhw yn wir. Neges agoriad llygad gan Amir Tsarfati 

mae'r blodeuyn yn gwywo

Y mae'r glaswellt yn crino, a'r blodeuyn yn gwywo;
ond y mae gair ein Duw ni yn sefyll hyd byth.
Eseia 40:8

ôl yr hoelion yn ei ddwylo

"Dydy'r Beibl ddim yn dweud bod Iesu wedi’i hoelio ar groes. Mae ysgolhaig Beibl efengylaidd yn meddwl efallai mai rhaffau a ddefnyddiwyd," cyhoeddodd Christianity Today. Ofnadwy o drist bod y cylchgrawn a sefydlwyd gan y diweddar Billy Graham wedi ildio i'r byd cymaint.

Ioan 20:25 -
Ond meddai ef (Thomas) wrthynt, “Os na welaf ôl yr hoelion yn ei ddwylo, a rhoi fy mys yn ôl yr hoelion, a'm llaw yn ei ystlys, ni chredaf fi byth.”

y llysgennad newydd

Ar ôl bron i dri mis, cafodd Mike Huckabee ei gadarnhau gan y Senedd fel Llysgennad UDA i Israel, a brysio i'r Tir Sanctaidd er mwyn cychwyn ei swydd. Y lle cyntaf aeth oedd y Wal yn gosod mewn bwlch darn o bapur gyda gweddi'r Arlywydd Trump dros Israel. Rhoddodd neges y Pasg ddoe; "Jerwsalem ydy prawf clir nad ydy Duw wedi rhoi'r gorau inni eto."

Pasg

“Gwn mai ceisio Iesu, a groeshoeliwyd, yr ydych. Nid yw ef yma, oherwydd y mae wedi ei gyfodi, fel y dywedodd y byddai; dewch i weld y man lle y bu'n gorwedd." Matthew 28:5,6

gwarchodlu wrth y bedd

Trannoeth, y dydd ar ôl y Paratoad, daeth y prif offeiriaid a'r Phariseaid ynghyd at Pilat a dweud, "Syr, daeth i'n cof fod y twyllwr yna, pan oedd eto'n fyw, wedi dweud, ‘Ar ôl tridiau fe'm cyfodir.’ Felly rho orchymyn i'r bedd gael ei warchod yn ddiogel hyd y trydydd dydd, rhag i'w ddisgyblion ddod a'i ladrata a dweud wrth y bobl, ‘Y mae wedi ei gyfodi oddi wrth y meirw’, ac felly bod y twyll olaf yn waeth na'r cyntaf." 

Dywedodd Pilat wrthynt, "Cymerwch warchodlu; ewch a gwnewch y bedd mor ddiogel ag y gallwch." Aethant hwythau a diogelu'r bedd trwy selio'r maen, a gosod y gwarchodlu wrth law. 

Matthew 27:62-66

dydd gwener y groglith

"Ac eto, cymerodd ein salwch ni arno’i hun, a diodde ein poenau ni yn ein lle.

Roedden ni’n meddwl ei fod yn cael ei gosbi,va’i guro a’i gam-drin gan Dduw.

Do, cafodd ei anafu am ein bod ni wedi gwrthryfela,vcafodd ei sathru am ein bod ni ar fai.

Cafodd ei gosbi i wneud pethau’n iawn i ni;vac am iddo fe gael ei guro cawson ni ein hiacháu.

Dŷn ni i gyd wedi crwydro fel defaid –vpob un wedi mynd ei ffordd ei hun;

ond mae’r ARGLWYDD wedi rhoivein pechod ni i gyd arno fe." Eseia 53:4-6 (Beibl.net)

agwedd tuag at israel

".....medd yr Arglwydd Dduw, fe wnaf â thi yn ôl y dig a'r eiddigedd a ddangosaist ti yn dy gasineb tuag atynt (Israel).... Yna, byddi'n gwybod i mi, yr Arglwydd, glywed yr holl bethau gwaradwyddus a leferaist yn erbyn mynyddoedd Israel...." Eseciel 35:11 - 12

Dywedodd Duw dro ar ôl tro, byddai fo'n ein trin ni yn ôl sut ydyn ni'n trin Israel. Dydyn Israel ddim heb nam wrth gwrs, ond ar ffyddlondeb Duw mae popeth yn dibynnu, nid ar eu ffyddlondeb nhw. 

yr efengyl gryno

Mewn cyfweliad byr, pregethodd Franklin Graham yr Efengyl yn dra chryno. Falch o weld hefyd ei fod o'n cefnogi'r Arlywydd Trump yn gyfan gwbl bellach.

gwahaniaeth trawiadol

Dylen ni fod yn ddiolchgar bod yr Arlywydd Trump yn parchu'r ffydd Gristnogol.

Sul Atgyfodiad 2024 - Dathlodd Biden Ddiwrnod Trawsrywiol. 
Wythnos cyn Sul Atgyfodiad 2025 - Dathlodd yr Arlywydd Trump groeshoeliad ac atgyfodiad ein Harglwydd a Gwaredwyr Iesu Grist.

pesach

"...yddant yn cymryd peth o'r gwaed a'i daenu ar ddau bost a chapan drws y tai lle y bwyteir hwy....Bydd y gwaed yn arwydd ar y tai y byddwch chwi ynddynt; pan welaf y gwaed byddaf yn mynd heibio i chwi, ac ni fydd y pla yn eich difetha pan drawaf wlad yr Aifft." Exodus 12:7, 13

Mae hyn i gyd yn cyfeirio at Iesu - bydd ei waed yn ein hachub ni rhag ein pechodau ni.

Pesach Hapus!

cerdyn penblwydd

Bydd fy mam yn troi'n 103 oed mewn dyddiau. Byddwn ni'n gwneud cerdyn penblwydd gyda lluniau'r teulu bob blwyddyn. Dyma'r llun o'r gŵr a fi. Bydd fy merch hynaf yn casglu lluniau oddi wrth bawb a gwneud cerdyn er mwyn ei roi i'w nain ar ei phenblwydd yn berson.

te dant y llew

Casglais dant y llew yn ein hiard ni er mwyn gwneud te. Wedi eu golchi nhw'n drylwyr, tywallt dŵr poeth arnyn nhw, a'u mwydo am ryw ddeg munud, dyma gael te perlysieuyn gwych; mae ganddo lawer o fanteision iechyd.

cleddyf yr Ysbryd

Yn yr eglwys yn Tokyo lle mae'r teulu yn mynd, pregethodd y gweinidog ynglŷn ag arfogaeth Duw. Wrth iddo sôn am gleddyf yr Ysbryd, dangosodd gleddyf Japaneaidd, wrth reswm!

yr awen wedi dychwelyd

Roedd fy merch hynaf wedi blino'n lan cyn y siwrnai fel byddai'n barod i roi'r gorau i gelf yn gyfan gwbl. Roedd hi wrth ei modd i gael hoe rhag celf, a mwyhau ei gwyliau i'r eithaf yn Japan. Wedi treulio mis mewn llefydd a blodau hardd, bwyta bwyd Japaneaidd blasus, gweld ei theulu yno, fodd bynnag, mae'r awen wedi dychwelyd. Dyma ei pheintiad newydd sbon a wnaed ar gyfer Clwb Americanaidd Tokyo. Mae blodau ceirios yn edrych fel pe baen nhw'n tyfu o'r cynfas.

dihareb

"Fe fydd drygioni yn ffynnu pan na fydd pobl dda yn gwneud dim."

Mae'r ddihareb hon yn profi'n wir bob amser, yn enwedig heddiw.

mwy o ffynnonnau poeth

Trodd y tywydd yn oer yn Tokyo yn sydyn. Dim ffiars - mae nifer o sento (baddonau cyhoeddus) ac onsen (ffynnonnau poeth) lle mae fy merch a'i gŵr yn aros. Dyma nhw'n cael eu cynhesu'n braf ddiwedd y diwrnod. Hoffwn pe gallwn i ymuno â nhw!

hanami

Aeth fy nheulu yn Japan i ardal enwog i wneud hanami, sef edmygu blodau ceirios. Fel arfer mae hanami yn cynnwys picnic dan goeden geirios flodeuog. Dyma nhw, hyd yn oed fy wyres fach, ynghyd â'u ffrindiau, yn mwynhau'r blodau a bwyd yn nhywydd braf.