calon Duw

"A wyf yn ymhyfrydu ym marw'r drygionus?” medd yr Arglwydd Dduw. “Onid gwell gennyf iddo droi o'i ffyrdd a byw?"

"Bwriwch ymaith yr holl droseddau a wnaethoch, a mynnwch galon newydd ac ysbryd newydd." 

"Edifarhewch a byddwch fyw.”

Eseciel 18

mae'r doethineb yn galw

Dywedir na ddylech chi byth casáu neb, ond mae'r Doethineb yn dweud y fel arall: 

"Ofn yr Arglwydd yw casáu drygioni."
 Diarhebion 8:13

"Y mae tymor i bob peth, ac amser i bob gorchwyl dan y nef."
y Pregethwr 3:1

"...amser i garu, ac amser i gasáu, amser i ryfel, ac amser i heddwch."
y Pregethwr 3:8

mae gan genie gartref

Mae Genie newydd gael ei fabwysiadu! Dim ond oriau wedi iddo fynd i'r ganolfan, daeth teulu gyda merch 11 oed i weld sut gŵn ar gael. Syrthiodd y teulu mewn cariad gyda Genie, a mynd â fo adref ar yr unwaith. Mae fy merch yn dipyn bach yn drist wrth reswm, ond roedd hi'n fodlon iddi fedru helpu'r ci druan.

pethau na ddywedodd Iesu erioed:

"Bydd Duw yn helpu'r rhai sydd yn helpu eu hunan."
"Na allwch chi garu pobl eraill oni bai eich bod chi'n caru'ch hun gyntaf."

Mae llawer mwy o bethau a gredir sydd yn y Beibl, ond ydyn nhw?

Duw sy'n fy achub i

Ti ydy'r Duw sy'n fy achub i. Dw i'n dibynnu arnat ti trwy'r dydd. 

- Salmau 25:5 (Beibl.net, YouVersion)

Dw i wedi bod yn ofnadwy o sâl am amser hir iawn. Des ar draws y bennod uchod y bore 'ma.

ci druan

Mae fy merch hynaf yn gofalu am gi arall am sbel. Roedd o'n cael ei gam-drin, ac achubwyd gan yr heddlu'n ddiweddar. Oherwydd hynny, mae o'n ofnadwy o ofnus o bob dim, ac mae o'n methu gwneud pethau normal. Mae fy merch wrthi'n ei ddysgu drwy ei garu a hyfforddi'n dyner, er mwyn iddo gael ei fabwysiadu un diwrnod.

gwin o uchder golan

Dw i newydd ddarganfod bod siop ddiodydd leol yn gwerthu gwin o Israel! Bydd prynu un botel ar y tro yn fwy cyfleus i mi yn hytrach na archebu dwsin ar y we. Medra i gefnogi busnes lleol hefyd. Dyma brynu gwin o Uchder Golan. Mae'n anhygoel bod y winllan yn dal i gynhyrchu gwinoedd tra bod Hezbollah wrthi'n lansio rocedi atyn nhw drwy'r amser. Na fydda i'n prynu gwin arall ond  hwnnw o hyn ymlaen.

ateb

Y nhw a gafodd eu hymosod, eu harteithio, eu llofruddio, a'u cipio gan derfysgwyr bron i flwyddyn yn ôl. Y nhw, fodd bynnag, sydd yn cael eu beio, eu condemnio, a galw'n anfad. Dw i'n sôn am yr Iddewon wrth gwrs. Pam? Pam mae casineb, nid cydymdeimlad tuag atyn nhw'n cynyddu'n aruthrol? Esboniodd Greg Laurie yr hyn i gyd yn ardderchog.

molwch yr Arglwydd!

Molwch yr Arglwydd sydd yn llywodraethu'r byd! Achosodd Ef ddaeargryn yn Libanus, a dinistrio twneli Hezbolllah ddyddiau'n ôl. O ganlyniad, methon nhw ymosod ar Israel mewn dial, yn ateb gweddïau cynifer o bobl, dw i'n sicr. Pam nad oes neb yn siarad amdano?

fideo newydd sbon

Mae fy merch hynaf newydd gynhyrchu fideo am ei murlun diweddaf yn yr Almaen. Cymerodd ddeg diwrnod i greu'r murlun enfawr  hwnnw mewn lle hynod o braf gyda phobl glên dros ben. 

am y fath amser â hwn

Falch o wybod bod yna ffyddloniaid yn y DU sydd yn sefyll yn gadarn gydag Israel a'r Iddewon, ac yn erbyn barn sydd yn groes i wirionedd Gair Duw.

gwin cartref

Cawson i win cartref gan ffrind ein mab ifancaf sydd newydd ddod adref. Iddewig ydy'r ffrind ac mae o a'i deulu'n credu yn Yeshua (Iesu.) Mae'r gwin yn felys a hollol kosher, wrth gwrs. Cawson ni o yn ddiolchgar gyda swper neithiwr wrth i Saboth ddechrau.

beth ddigwyddodd i'r ysgub

Mae cath feiddgar arall yn dod i mewn yn ein hiard ni'n ddiweddar. Heddiw, gwelais i hi'n eistedd ar waelod y bwydwr aderyn! Dyma fyrstio drwy'r drws cefn, a rhedeg ar er hôl gydag ysgub yn fy llaw mewn cynddaredd. Neidiodd hi dros y ffens yn gyflym. Er mwyn ei dychryn, trewais ben y ffens gyda'r ysgub yn rymus sawl tro. Gobeithio na fydd hi'n dychwelyd byth eto. Ces i sioc yn gweld beth ddigwyddodd i'r ysgub!

gydag Iesu

Buodd ffrind farw ddoe. Roedd yn 98 oed. Roeddwn i a'r gŵr ei nabod hi a'i gŵr ers i'r cwbl ddod at ein heglwys ni yn Kobe, Japan fel cenhadon flynyddoedd yn ôl. Enwon ni ein mab cyntaf a'n trydedd ferch ar eu hôl. Dilynodd y ffrind ei gŵ, a fuodd farw chwarter canrif yn ôl, at Iesu Grist. 

peidiwch â meiddio

Mae'n ymddangos nad ydy pobl Israel yn poeni am ymosodiad disgwyliedig Iran. Wir, dwedodd Duw Israel am beidio ag ofni tro ar ôl tro yn y Beibl. Wir, mae Duw yn bendithio'r IDF a rhoi buddugoliaeth iddyn nhw hyd yma, ond ynddo fo dylai pobl Israel ymddiried, nid yn nerth yr IDF, neu efallai byddai Duw yn gadael i'r IDF fethu fel y byddai'r bobl yn gorfod galw arno fo yn daer.

ni lwydda unrhyw arf

O Dduw, paid â bod yn ddistaw;
paid â thewi nac ymdawelu, O Dduw.
Edrych fel y mae dy elynion yn terfysgu,
a'r rhai sy'n dy gasáu yn codi eu pennau.
Gwnânt gynlluniau cyfrwys yn erbyn dy bobl,
a gosod cynllwyn yn erbyn y rhai a amddiffynni,
a dweud, “Dewch, inni eu difetha fel cenedl,
fel na chofir enw Israel mwyach.”
Cytunasant yn unfryd â'i gilydd,
a gwneud cynghrair i'th erbyn—  
Psalms 83

"Ond ni lwydda unrhyw arf a luniwyd yn dy erbyn..." Eseia 54:17