cerdyn penblwydd

Bydd fy mam yn troi'n 103 oed mewn dyddiau. Byddwn ni'n gwneud cerdyn penblwydd gyda lluniau'r teulu bob blwyddyn. Dyma'r llun o'r gŵr a fi. Bydd fy merch hynaf yn casglu lluniau oddi wrth bawb a gwneud cerdyn er mwyn ei roi i'w nain ar ei phenblwydd yn berson.

te dant y llew

Casglais dant y llew yn ein hiard ni er mwyn gwneud te. Wedi eu golchi nhw'n drylwyr, tywallt dŵr poeth arnyn nhw, a'u mwydo am ryw ddeg munud, dyma gael te perlysieuyn gwych; mae ganddo lawer o fanteision iechyd.

cleddyf yr Ysbryd

Yn yr eglwys yn Tokyo lle mae'r teulu yn mynd, pregethodd y gweinidog ynglŷn ag arfogaeth Duw. Wrth iddo sôn am gleddyf yr Ysbryd, dangosodd gleddyf Japaneaidd, wrth reswm!

yr awen wedi dychwelyd

Roedd fy merch hynaf wedi blino'n lan cyn y siwrnai fel byddai'n barod i roi'r gorau i gelf yn gyfan gwbl. Roedd hi wrth ei modd i gael hoe rhag celf, a mwyhau ei gwyliau i'r eithaf yn Japan. Wedi treulio mis mewn llefydd a blodau hardd, bwyta bwyd Japaneaidd blasus, gweld ei theulu yno, fodd bynnag, mae'r awen wedi dychwelyd. Dyma ei pheintiad newydd sbon a wnaed ar gyfer Clwb Americanaidd Tokyo. Mae blodau ceirios yn edrych fel pe baen nhw'n tyfu o'r cynfas.

dihareb

"Fe fydd drygioni yn ffynnu pan na fydd pobl dda yn gwneud dim."

Mae'r ddihareb hon yn profi'n wir bob amser, yn enwedig heddiw.

mwy o ffynnonnau poeth

Trodd y tywydd yn oer yn Tokyo yn sydyn. Dim ffiars - mae nifer o sento (baddonau cyhoeddus) ac onsen (ffynnonnau poeth) lle mae fy merch a'i gŵr yn aros. Dyma nhw'n cael eu cynhesu'n braf ddiwedd y diwrnod. Hoffwn pe gallwn i ymuno â nhw!

hanami

Aeth fy nheulu yn Japan i ardal enwog i wneud hanami, sef edmygu blodau ceirios. Fel arfer mae hanami yn cynnwys picnic dan goeden geirios flodeuog. Dyma nhw, hyd yn oed fy wyres fach, ynghyd â'u ffrindiau, yn mwynhau'r blodau a bwyd yn nhywydd braf.

siop unigryw

Aeth fy merch a'i gŵr at siop elusen yn Tokyo. Elfen unigryw'r siop ydy nad oes neb yn gweithio tu mewn. Bydd y cwsmeriaid yn dewis dillad a thalu yn ôl y tagiau, yn taflu pres mewn blwch. Na fydd y system honno byth yn gweithio ond yn Japan!

ffaith arall

Dyma'r gwledydd a roddodd "anrhegion" i rai prifysgolion yn UDA. O le cafodd y gwledydd "tlawd" hyn gymaint o bres i roi yn rhoddion i brifysgolion yn y wlad gyfoethocaf yn y byd, ac i beth, tybed?

ffaith

Yn yr holl Ddwyrain Canol, mae gan ond 1.6 miliwn o bobl Arabaidd ryddid cyflawn yn wleidyddol ac yn grefyddol. Maen nhw i gyd yn byw yn Israel.

anhygoel o ryfeddol

Mae gan y moleciwlau DNA yn ein corff ni wybodaeth anhygoel o ddwys a manwl. Mae eu cod mor gymhleth fel pe baech chi'n argraffu'r holl “lythrennau” cemegol mewn llyfrau, bydden nhw'n llenwi Grand Canyon hanner can gwaith!

"Dw i'n dy ganmol di am fy mod i wedi cael fy nghreu yn anhygoel o ryfeddol." - y Salmau 139:14

3.2 miliwn

Dileodd Elon Musk a'i dîm 3.2 miliwn o enwai oddi wrth y rhestr pensiwn. Cawson nhw i gyd wedi'u rhestru fel 120 oed a hŷn. Bellach maen nhw'n cael marcio yn ymadawedig. Go da, DOGE!

billy

Cafodd Billy, pyped, ei ddarganfod o ddyfnder cwpwrdd yr eglwys yn ddiweddar. Roedd fy mab ynghyd â'i ffrindiau yn arfer perfformio sioe byped ar gyfer plant yr eglwys flynyddoedd yn ôl, a chael llawer o hwyl. Dyma sylwi bod Billy yn y tywyllwch am bron i 20 mlynedd!

sianel youtube newydd

Mae fy merch newydd gychwyn prosiect yn Tokyo, sef sianel YouTube sydd yn cynnig cerddoriaeth ysgafn gyda fideo a ffilmiodd ei hun. Y cysegr Shinto o flaen ei llety ydy'r safle ar y sgrin. Mae'r gerddoriaeth anymwthiol yn berffaith i glywed tra ydych chi'n gweithio at y ddesg.

adeilad heulwen

Mae fy merch a'i gŵr yn dal i fwynhau eu gwyliau yn Japan, yn gweld y teulu, ffrindiau, llefydd newydd, a bwyta bwyd gwych Japaneaidd wrth gwrs. Dyma nhw'n mynd i Adeilad Heulwen (60 llawr) am y tro cyntaf. Pan oeddwn i'n gweithio yn Tokyo, roedd yr adeilad newydd orffen yn agos at y swyddfa. Aeth yn atyniad mawr yr unwaith ar adeg honno, yn 1978!

datrysiad hawdd

"Os ydych chi eisiau i'r rhyfel ddod i ben, mynnwch i Hamas ryddhau'r gwystlon. Na fydd Israel yn stopio tan hynny," meddai Danny Danon, Llysgennad Israel i'r Cenhedloedd Unedig

syml dros ben

Os nad ydych chi eisiau rhyfel, peidiwch ag ymosod ar Israel - syml dros ben. Cytuno'n llwyr. Diolch i Hananya Naftali am y post hwn.

purim

Er nad oes Duw yn ymddangos yn Llyfr Esther, mae o yno yn dylanwadu pobl ac asio popeth at ei gilydd er mwyn achub ei bobl rhag cael eu dinistrio. Dewisodd ferch ifanc i chwarae rhan hollbwysig gan roi dewrder iddi.

Purim Hapus!

silffoedd am ddim

Maen nhw wedi setlo i lawr mewn llety a alwir yn shared house yn Tokyo. Er bod eu hystafell wely yn glyd, does dim digon o silffoedd. Mae'n hynod o boen cael gwared ar ddodrefn yn Japan. Dim ond tri mis byddan nhw'n aros beth bynnag. Cafodd fy merch syniad gwych: ffeindiodd flychau cardbord am ddim, a'u troi'n silffoedd. Bydd hi'n medru cael gwared arnyn nhw'n hawdd pan ddaw'r amser i fynd adref.

ffynnon boeth

Arhosodd fy merch a'i gŵr mewn gwesty yn y maes awyr yn hytrach na cheisio cyrraedd y llety ar ôl y siwrnai hir. Syniad call wir! Cawson nhw ymlacio mewn onsen (ffynnon boeth) hyfryd yn y gwesty i doddi eu blinder cyn taclo eu gwyliau. 

3 mis yn japan

Ar ôl oedi am oriau a phroblem dechnegol, goroesodd fy merch hynaf a'i gŵr siwrnai awyren hir, ac maen nhw newydd gyrraedd Tokyo. Aeth fy merch sydd gan basbort Japan drwy'r tollau mewn fflach tra oedd ei gŵr yn gorfod aros mewn ciw. Dyma nhw yn Japan beth bynnag yn gweld y teulu a ffrindiau, a mwynhau diwylliant a bwyd Japan am dri mis.

mae hi'n dod

"Well i'r gwrth-Semitiaethwyr yn y CU fod yn barod oherwydd fy mod i'n dod," meddai Elise Stefanik, Darpar Lysgennad yr Unol Daleithiau i'r Cenhedloedd Unedig. Mae hi'n ymddangos yn ddynes glyfar, bwerus, ymroddedig i gyfiawnder. Pob bendith!

caru Duw

"Fedrwch chi ddim caru Duw heb garu'r bobl Iddewig." - Corrie Ten Boom

Cytuno'n llwyr. Mae gormod o bobl yn galw eu hunan yn Gristion heb garu'r bobl Iddewig. 

gair pwy a saif

"Chaiff holl weddill Jwda, a ddaeth i wlad yr Aifft i aros yno, ystyried gair pwy a saif, fy ngair i ynteu eu gair hwy." - Jeremeia 44:28

Concrodd Brenin Babilon yr Aifft 18 mlynedd wedyn, a gwneud yr union beth i'r Iddewon a broffwydwyd drwy Jeremeia. Dim ond gair Duw sydd yn sefyll am byth.

gwledd i'r wenynen

Roedd y Wenynen yn ofni y byddai hi'n mynd allan o fusnes ar ôl yr etholiad y llynedd. Mae'n amlwg nad oes rhaid iddi boeni. Cafodd hi wledd neithiwr ar ôl araith yr Arlywydd Trump gan ddweud na fedrai aros i weld pa ddeunydd y byddai'r Democratiaid yn ei roi iddi dros y pedair blynedd nesaf.

arsylwi doeth

"Dydy'r rhan fwyaf o boblogaeth gyffredinol ddim yn gwybod beth sydd yn digwydd, a dydyn nhw ddim hyd yn oed yn gwybod nad ydyn nhw'n gwybod." Noam Chomsky

arsylwi doeth

diwrnod merched

Diwrnod Merched ydy hi yn Japan. Dyma fy noliau sydd yn yr un oed â fi. Mae'r merched yn fy nheulu a'r teuluoedd estynedig yn dathlu ein merched, o'r ifancaf (Evelyn, un diwrnod oed) i'r hynaf (fy mam, 102 oed) a phawb arall rhyngddyn nhw.

sioe blanedau

Roedd sioe blanedau brin (er mod i wedi methu ei gweld yn anffodus.) Pan es i allan, gwelais ond y nef lawn o seren a phlanedau a dynnodd fy anadl i ffwrdd.

"Y mae'r nefoedd yn adrodd gogoniant Duw, a'r ffurfafen yn mynegi gwaith ei ddwylo." y Salmau 19:1

"Er pan greodd Duw y byd, y mae ei briodoleddau anweledig ef, ei dragwyddol allu a'i dduwdod, i'w gweld yn eglur gan y deall yn y pethau a greodd." Rhufeiniaid 1:20

nanw siôn

"D ydi amsar diodda nag amsar petha braf ddim yn para'n hir." - Te yn y Grug

Unwaith eto, mae geiriau Nanw Siôn yn adleisio yn fy meddwl. Mae hi'n llygad ei lle. Bydd popeth yn pasio mor gyflym. 

cuddio

"Nid oes dim a grewyd yn guddiedig o'i olwg, ond y mae pob peth yn agored ac wedi ei ddinoethi o flaen llygaid yr Un yr ydym ni i roi cyfrif iddo." Hebreaid 4:13

Mae'n hollol bosib cuddio beth ydyn ni'n ei wneud o olwg pobl, ond byth o olwg Duw hollwybodol. Ac un diwrnod byddwn ni i gyd yn sefyll o'i flaen. 

dau fodd

Dwedodd dyn doeth o Ddenmarc:
Mae dau fodd i gael ein twyllo - 
gan gredu'r hyn anghywir, gan wrthod credu'r hyn cywir.
Soren Kierkegaard

Mae'n llygad ei le.

troseddu pwy?

"Mae gan y byd obsesiwn â pheidio â throseddu pobl, ond dylen ni ymdrechu i beidio â throseddu Duw," meddai rhywun. Cytuno'n llwyr.

meddwl

Mae'r pregethwyr heddiw yn tueddu i beidio â sôn am bynciau anghyfforddus. Na chlywir pregethau yn aml yn annog pobl i edifarhau eu pechodau nhw. Maen nhw'n sôn am ras, cariad, tosturi Duw (er eu bod nhw i gyd yn wir.) Maen nhw'n ein gwneud ni'n meddwl bod popeth yn iawn, a bydd Duw yn ein derbyn ni fel ydyn ni, heb i ni newid ein ffyrdd ni.Y neges glir drwy'r Ysgrythur, fodd bynnag, ydy dylen ni edifarhau'n pechodau ni, troi at Iesu Grist, a byw drosto fo gyda'n holl galon, enaid, meddwl a nerth.

peth "gwarthus"

Gwarthus! Creulon! Disgwylir i DOGE ddileu enwau'r bobl hŷn na 120 oed oddi ar restr bensiwn er mwyn cael gwared ar wastraff y llywodraeth. Sut byddan nhw'n mynd i ymdopi? Dyma nifer yr hen bobl hynny druan.

gwahardd rasio milgwn

Falch o glywed y bydd Cymru'n gwahardd rasio milgwn cyn gynted ag sydd yn bosib. Wrth i fy merch hynaf ddechrau eu maethu dros dro, dw i wedi dod i ymwybodol o'u triniaeth greulon. Mae rasio milgwn yn dal yn gyfreithiol mewn sawl talaith yn America (nid yn Oklahoma!) Gobeithio y bydd yn cael ei gwahardd yn gyfan gwbl yn fuan.

ysbrydoliaeth

Dyma'n Ysgrifennydd Amddiffyn newydd ni, Pete Hegseth. Mae o'n cyflawni ei swydd yn egnïol bob dydd, ac yn hyfforddi gyda'r milwyr hefyd. Mae'n sicr mai o ydy yn un o'r rhesymau bod nifer uchaf erioed o bobl ifanc yn cofrestru i ymuno â'r lluoedd arfog ers mis Rhagfyr.

cwestiwn ac ateb

Byddwn ni'n gofyn yn aml wrth weld beth sydd yn digwydd yn y byd; 
"am ba hyd, Arglwydd, y gwaeddaf am gymorth, a thithau heb wrando, ac y llefaf arnat, 'trais!' a thithau heb waredu?" Habacuc 1:2

Ateb Duw;
"oherwydd fe ddaw eto weledigaeth yn ei hamser - daw ar frys i'w chyflawni, a heb ball. Yn wir nid oeda; disgwyl amdani, oherwydd yn sicr fe ddaw, a heb fethu." Habacuc 1:3

Gadewch i ni gofio;
"oherwydd nid fy meddyliau i yw eich meddyliau chwi, ac nid eich ffyrdd chwi yw fy ffyrdd i,” medd yr Arglwydd. “Fel y mae'r nefoedd yn uwch na'r ddaear, y mae fy ffyrdd i yn uwch na'ch ffyrdd chwi, a'm meddyliau i na'ch meddyliau chwi." Eseia 55:8,9

ruby

Mae fy merch hynaf yn gofalu am gi arall. Greyhound ydy hi o'r enw Ruby. Wedi pasio anterth ei gyrfa fel ci rasio yn Awstralia, byddai hi wedi cael ei lladd (fel Levi) oni bai am y bobl sydd yn helpu'r cŵn tebyg. Clywais nad oes digon o sefydliadau sydd yn achub hen gŵn rasio yn Awstralia, ac felly cafodd ei gyrru i Oklahoma City dros y môr. Truan o Ruby. Mae hi'n caru fy merch a byth yn gadael ei hochor hi. Gobeithio y bydd hi'n ffeindio cartref cariadus.

hoff feddyg

Dr. Suneel Dhand ydy'n hoff feddyg ni. Cafodd ei eni yn Llundain, a mynd i Brifysgol Caerdydd. Mae o'n byw yn UDA bellach. Mae o'n adnabyddus am ei angerdd dros les pobl heb feddyginiaethau presgripsiwn. Mae ganddo ddi-ri o elynion hefyd sydd yn casáu ei farn feiddgar yn erbyn y sefydliad meddygol. Dyna pam dw i a'r gŵr yn hoff iawn ohono fo! Mae'r hyn mae o'n ei ddweud yn gwneud synnwyr yn llwyr. Hoffwn i pe bai'n ein meddyg teulu ni! 

art of the deal

Y syniad gorau ydy symud ffoaduriaid Gaza i'r Aifft ac Iorddonen. Mae'r gwledydd hyn yn agos ac enfawr; mae ganddyn nhw'r un grefydd. Gwrthod maen nhw fodd bynnag. I'r gwrthwyneb, mae gan yr Aifft wal ffin anferth rhwng Negev a Gaza. Wedi i Frenin Iorddonen gyfarfod â'r Arlywydd Trump yn ddiweddar fodd bynnag, cynunodd derbyn 2,000 o blant Gaza. Mae'r olalf yn hyderus y bydd yr Aifft yn newid eu meddyliau, a derbyn ffoaduriaid Gaza hefyd. Art of the Deal i'r eithaf!

gwastraff

Mae Elon Musk a'i dîm o bobl gyda chyflwr awtistiaeth yn cyflawni gwaith ardderchog tu hwnt yn darganfod gwastraff yn y llywodraeth. Anghredadwy ydy rhestr wastraff USAID er mai ond rhan fach o'r holl wastraff mae o. Nid dim ond twp, ond bygythiad diogelwch cenedlaethol ydy'r asiantaeth. Rhoddwyd bron i 20 biliwn o ddoleri i'r gwladwriaethau terfysgol yn y byd yn y pum mlynedd diweddaf! 

addewid

"ac yna bod fy mhobl, a elwir wrth fy enw, yn ymostwng ac yn gweddïo, yn fy ngheisio ac yn dychwelyd o'u ffyrdd drygionus, yna fe wrandawaf o'r nef, a maddau eu pechod ac adfer eu gwlad."  2 Cronicl 7:14

Mae'r adewid hwn yn dal heddiw. Gadewch i ni felly, ymostwng o flaen Duw trugarog yn cyffesu ac edifarhau'n pechodau ni, a dychweled ato fo.

anrheg

Derbynnedd yr Arlywydd Trump anrheg hynod o ddoniol gan y Prif Weinidog o Israel. Dyma hi - galwr euraid. Gwenodd a dweud mai strategaeth wych ydoedd. Wir, strategaeth greadigol a feiddgar, cynllwyniwyd a gweithredwyd yn fedrus tu hwnt.

gydag Iesu

Aeth hen ddynes annwyl dw i a'r gŵr yn adnabod at Arglwydd Iesu ddyddiau'n ôl. Fu farw yn ei chwsg gyda'i merch wrth ei hochr mewn cartref henoed. Roedd hi'n awyddus i fynd ato fo dros flynyddoedd. A rŵan, o'r diwedd, wedi gadael ei hen gorf mae hi'n cael gweld wyneb Iesu a byw gyda fo am byth ynghyd â diri o'r ffyddloniaid. 

croeso mawr

Croeso mawr i'r Prif Weinidog Netanyahu. Braf gweld y ddau arweinydd yn cyfarfod yn swyddogol eto i drafod y pynciau pwysig, a chadarnhau cefnogaeth gadarn tuag at i gilydd. Dw i'n hapus cadw'r llun a ges i yn ystod tymor cyntaf yr Arlywydd Trump. (Dydyn nhw ddim wedi newid llawer!)

babi newydd sbon

Cafodd chwaer wraig fy mab hynaf fabi neithiwr. Malachi ydy ei enw. Mae o'n edrych yn fabi iach a hapus. Y peth rhyfeddol ydy iddo gael ei eni ar yr un diwrnod â fy wyres yn Japan sydd weddi troi'n flwydd oed. Rhyw gefndryd ydyn nhw mae'n rhaid.  

levi

Mae fy merch hynaf yn gofalu am gi arall am gyfnod. Enwodd hi o yn Levi. Roed rhaid iddo gael llawdriniaeth, profion gwaed a sawl phigiad ar yn un pryd er mwyn gael ei fabwysiadu. Rhaid ei fod o'n brifo oherwydd ei fod o'n ceisio llyfu'r clwyf, druan ohono fo. Mae o'n caru fy merch yn fawr iawn, ac eisiau bod yn agos ati drwy'r amser. Mae hi'n cael ei chysuro yn ei thro ganddo. Mae hi'n dal i golli ei chi a fuodd farw ddwy flynedd yn ô; mae Levi'n ei hatgoffa hi ohono fo.

adnod addas

Des i ar draws adnod sydd yn disgrifio beth mae'r Arlywydd Trump yn ei wneud yn frwd ers cychwyn ei swydd. Dyma hi:

"Y mae brenin doeth yn nithio'r drygionus, ac yn troi'r rhod yn eu herbyn."  Diarhebion 20:26

A dweud y gwir, mae'r cyfieithiad Saesneg yn mynegi'r ystyr yn llawer gwell:
"A wise king winnows out the wicked; he drives the threshing wheel over them."

brenin cyrus

Mae'r Arlywydd Trump yn dal i weithio'n galed dros America yn anhygoel o benderfynol a chyflym ers iddo gychwyn dyddiau'n ôl. Mae'r rhan fwyaf o bobl America yn llawenhau yn gweld popeth yn gwella yn anghredadwy o gyflym. Dw i'n credu'n siŵr mai Brenin Cyrus arall ydy o, a ddewiswyd a chomisiynwyd gan Dduw ar gyfer y fath amser â hwn.

tra gellir ei gael

Amyneddgar ydy'n Duw ni; mae o'n aros am y person olaf a ddewisodd i ddod ato fo. Na fydd o'n aros am byth, fodd bynnag. Beth ddylen ni ei wneud felly? Yr ateb:

"Ceisiwch yr Arglwydd tra gellir ei gael, galwch arno tra bydd yn agos. Gadawed y drygionus ei ffordd, a'r un ofer ei fwriadau, a dychwelyd at yr Arglwydd, iddo drugarhau wrtho, ac at ein Duw ni, oherwydd fe faddau'n helaeth." Eseia 55:6-8

gwellhau'n cyffyrddadwy

"Pan fydd y cyfiawn yn llywodraethu, llawenha'r bobl,
ond pan fydd y drygionus yn rheoli, bydd y bobl yn griddfan." Diarhebion 29:2

Fedrai ddim atal meddwl am yr adnod hon bob dydd yn ddiweddar. Bob tro gwelaf newyddion (dilys, dim ffug,) bydd erthyglau am sut mae'r Arlywydd Trump yn cyflawni'i addewidion ymgyrch, un ar ôl y llall. Mae polisïau hyfryd yn cael eu gweithredu'n anhygoel o gyflym, ac America'n gwellhau'n gyffyrddadwy. 

gweddi

"Boed i'n calonnau ni droi at dy lais di. Na all America byth fod yn rhagorol eto os ydyn ni'n troi ein cefnau arnoch chi. Gofynnwn am dy gymorth," galwodd Franklin Graham ar Arglwydd Dduw. Amen!

awyr adfywiol

Cyn gynted ag y daeth y dathliadau cenedlaethol i ben, aeth yr Arlywydd newydd at ei waith ar yr unwaith yn Nhŷ Gwyn. Mae'n anhygoel o braf ac adfywiol gweld iddo arwyddo rhyw ddau gant o orchmynion swyddogol arlywyddol "prydferth." Mae'r effaith yn cymryd lle yn barod! Cafodd 1,500 o'r gwystlon gwleidyddol, sef y carcharorion 6 Ionawr dieuog, eu rhyddhau; cafodd y ffin ddeheuol ei gau ar wynebau'r mewnfudwyr anghyfreithlon a oedd wrth y wal. Dirymodd lu o'r gorchmynion niweidiol yn erbyn Israel hefyd. Hwrê!

cyfnod newydd

Dyma eiriau amserol a chraff y Gweinidog Greg Laurie - bydded Duw arwain, amddiffyn a bendithio'r Arlywydd Trump. Cyfrifoldeb yr Eglwys ydy gwneud America yn dduwiol eto.

"Pan fydd y cyfiawn yn llywodraethu, llawenha'r bobl, ond pan fydd y drygionus yn rheoli, bydd y bobl yn griddfan." Diarhebion 29:2

digon o bobl/bethau hurt

Cyhoeddodd y Wenynen fyddai'n cau'r wefan wrth i'r Arlywydd Trump gychwyn swyddogol mewn dyddiau gan na fydd ei weinyddiaeth yn darparu targed werth chweil ar gyfer dychan dilys. Dw i ddim yn sicr ydy hyn ei gellwair arall. Gobeithio ddim, oherwydd bod yna ddigonedd o bobl/bethau hurt o hyd i'r Wenynen i ysgrifennu amdanyn nhw!

distawrwydd Duw

Dydy distawrwydd Duw ddim yn golygu ei fod o'n cymeradwyo pechodau. Yn aml mae'n adlewyrchu ei amynedd, ac mae o eisiau i bobl edifarhau yn hytrach na iddo eu condemnio nhw ar unwaith.

"Nid yw'r Arglwydd yn oedi cyflawni ei addewid, fel y bydd rhai pobl yn deall oedi; bod yn amyneddgar wrthych y mae, am nad yw'n ewyllysio i neb gael ei ddinistrio, ond i bawb ddod i edifeirwch." 2 Pedr 3:9

rhinweddau exodus 18:21

Wrth i'r Senedd ddechrau'r gwrandawiad, gadewch i ni weddïo y bydd yr aelodau'n cadarnhau, gyda dirnadaeth a dewrder, yr arweinwyr wedi eu penodi. Rhaid i arweinwyr arddangos rhinweddau Exodus 18:21:

"Ethol o blith yr holl bobl wŷr galluog a gonest, sy'n parchu Duw ac yn casáu llwgrwobrwyo, a'u penodi dros y bobl yn swyddogion ar unedau o fil, o gant, o hanner cant ac o ddeg."

newydd gychwyn

Fel Cristnogion, doedd ein cyfrifoldeb ni ddim yn dod i ben gydag etholiad 2024. Dylen ni ddim ei drosglwyddo i'r llywodraeth. Mae'r gwaith a ymddiriedwyd gan Dduw i ni newydd gychwyn.  - Decision Magazine

Cytuno'n llwyr.

heddwch go iawn

"Gweddïwch am heddwch i Jerwsalem." y Salmau 122:6

Dyma wydr lliw a greodd un o fy merched pan oedd hi yn yr ysgol uwchradd. Ffeindiais y le delfrydol i'w osod. Bydd heddwch go iawn yn dod, fodd bynnag, ond drwy Iesu Grist.

"Yr wyf yn gadael i chwi dangnefedd; yr wyf yn rhoi i chwi fy nhangnefedd i fy hun. Nid fel y mae'r byd yn rhoi yr wyf fi'n rhoi i chwi." Ioan 14:27

heulwen!

Wedi eira anarferol o drwm, dan ni'n cael heulwen ac awyr las heddiw. Mae'r eira'n disgleirio'n llachar fel gemwaith; mae popeth yn edrych yn siriol. Diolch i ti, yr Arglwydd am yr heulwen.

eira!

Deffrais ym myd gwyn y bore 'ma. Na chawson ni gymaint o eira ers blynyddoedd yn yr ardal hon. Fe wnes i siopa'n barod ac mae gynnon ni ddigon o fwyd am sbel. Mae'r tŷ yn gynnes gyda'r stôf llosgi coed. Dw i'n ddiolchgar i bawb sydd yn gwneud y gwaith cynnal a chadw ar y llinellau trydan, ar y strydoedd, a mwy.

tŷ cynnes

Mae tywydd Arctig ar ran helaeth yr Unol Daleithiau. Dan ni'n disgwyl eira y prinhawn 'ma yn fy ardal hefyd. Mae'r tŷ yn gynnes braf, fodd bynnag, diolch i'r stôf llosgi coed. Cyneuodd y gŵr dân cyn gynted ag y daeth yn ôl o Japan ddyddiau'n ôl. Dw i'n ddiolchgar yn arw i Mr. Begley a drwsiodd y gwres canolog tra bod y gŵr oddi cartref.

tŷ cynnes

Wedi cyfnod o dywydd mwyn, mae'r gaeaf wedi dychwelyd gyda gwynt ac eirlaw. Dw i mor ddiolchgar bod yr angel, sef Mr. Begley wedi dod i drwsio'r gwres canolog ddeuddydd yn ôl. Er fy mod i'n gosod y tymheredd llawer is na'r rhan fwyaf o'r Americanwyr, mae'n ymddangos yn foethus cynhesu'r tŷ cyfan, a does dim rhaid i mi ddioddef oerfel lle bynnag bydda i yn y tŷ. 

angel i'r adwy

Torrodd y gwres canolog (yr unig ffordd i gynhesu'r tŷ ar hyn o bryd.) Wedi cael cip, dwedodd y dyn trwsio fod o'n gorfod archebu darnau. Roedd dyma ddibynnu ar reiddiadur bach am wythnos, ac aros yn yr ystafell wely'r rhan fwyaf o'r amser. Roeddwn i'n gobeithio'r dyn yn dod yn fuan oherwydd byddai'r tymheredd i fod i ddisgyn at 13F/-10C nos Sul. Daeth o ddoe o'r diwedd (roedd o'n edrych fel angel) a thrwsio popeth. Hwrê! Roeddwn i eisiau crio o lawenydd!

myfi yw

"Myfi yw'r cyntaf, a'r olaf hefyd.
Fy llaw a sylfaenodd y ddaear,
a'm deheulaw a daenodd y nefoedd;
pan alwaf arnynt, ufuddhânt ar unwaith.” 

"Fel hyn y dywed yr Arglwydd, dy Waredydd, Sanct Israel:
Myfi yw'r Arglwydd dy Dduw,
sy'n dy ddysgu er dy les,
ac yn dy arwain yn y ffordd y dylit ei cherdded."

Eseia 48:13, 17

blwyddyn neidr

Dw i newydd bostio llythyr cyntaf y flwyddyn hon i fy mam yn Japan. Mae hi'n byw mewn cartref henoed. Er ei bod hi'n holl iach yn ei chorf, mae ei chof yn gwaethygu’n sylweddol yn ddiweddar. Dim yn rhy ddrwg i berson 102 oed fodd bynnag. Dw i'n dal i sgrifennu ati hi bob mis er bod hi'n methu sgrifennu yn ôl ata i bellach. Ychwanegais ddarlun o neidr gyda chyfarchion yn Japaneg oherwydd mai Blwyddyn Neidr ydy hi eleni.

gair duw

Does dim byd gwell na chychwyn blwyddyn newydd gyda Gair Duw.

"Nid oes Duw ond myfi, Duw cyfiawn, a gwaredydd.
Nid oes neb ond myfi. Chwi, holl gyrrau'r ddaear, edrychwch ataf i'ch gwaredu, canys myfi wyf Dduw, ac nid oes arall."  

Eseia 45:21,22