pa loches?

Chwythodd y seiren yn sydyn, ond doedd y bobl ddim yn gwybod beth i'w wneud. Dim rhyfedd; mae'r Japaneaid heb brofiad o'r fath ers yr Ail Ryfel Byd er bod nhw'n hen gyfarwydd â daeargrynfeydd. Does dim modd diplomyddol i annog Gogledd Corea i stopio profion niwclear, neu lansio taflegryn, ac felly rhaid i'r bobl ddysgu sut i amddiffyn eu hunan, meddai'r llywodraeth. Beth ddylen nhw wneud os bydd Gogledd Corea'n penderfynu anelu eu taflegryn at Japan yn hytrach na'r môr?