Tai Chi ydy'r peth! Mae canolfan ffitrwydd newydd agor yn y dre, ac dw i a fy merch 22 oed wedi ymaelodi. Rhesymol iawn ydy'r ffî, dim ond $30 y mis i deulu i gyd. Mae 'na wersi amrywiol ar gael hefyd.
Es i wers Tai Chi am y tro cynta erioed heno. Roedd y ganolfan dan ei sang. Dôn i ddim yn meddwl bod gan cymaint o bobl yn y dre ma ddiddordeb mewn cadw'n heini. Roedd 'na ryw 20 o bobl yn nosbarth Tai Chi. Mr. a Mrs. Wu o Taiwan ydy'r tiwtoriaid. Mi ges i hwyl ac rôn i'n teimlo'n dda ar ôl y wers. Syndod ydy bod fy nghoes yn flinedig braidd er bod y symudiadau mor araf.
Dw i'n bwriadu mynd i wers arall bore Mercher.
7 comments:
Pob hwyl gyda'ch tai chi! Gobeithio y byddan nhw mor gyfforddus a'm ty^ i!
(^^)
(sori!)
??? Be wyt ti'n feddwl???
gair mwys bach twp, 'na i gyd:
"tai chi" fel lluosog "(eich) ty^ chi"
(does gen i mo'r egni am fwy nac un)
Da gweld dy fod ti wedi mwynhau dy hun !
Linda: Do wir. Edrycha i ymlaen at y wers nesa.
szczeb: ^o^
Rôn i'n meddwl am wneud Tai Chi - bydd 'na ddosbarth newydd yn ystod y dydd yn y coleg (Dw i'n meddwl) Pa fath o ymarfer corff ydy o? Fydd o'n addas ar gyfer rhywun efo problemau anadlu?
Mae'r symudiadau'n araf iawn. Clywes i bod Tai Chi yn gwneud lles i'r bobl efo asma.
Post a Comment