sgwrs eidaleg gyntaf

Mae taid tri hogyn ein tîm yn dod o'r Eidal. (Clywais i gan y gŵr.) Roedd o'n dod i bob gêm ond roeddwn i'n teimlo'n rhy swil siarad â fo. Ond wedi'r gêm ddoe, roedd yna gyfle perffaith, a dyma benderfynu cael sgwrs sydyn efo fo yn Eidaleg. Roedd o'n hynod o glên ac yn siarad yn araf a chlir. Symudodd i'r Unol Daleithiau dros 50 mlynedd yn ôl o Ynys Ischia ger Napoli. Mae ganddo berthnasau yna o hyd ac yn ymweld â nhw o bryd i'w gilydd. Ces i sgwrs Eidaleg go iawn am y tro cyntaf!