gwin o israel

Prynais win arall o Israel (Winllan Lwyfandir Golan.) Ces fy synnu i weld bod y winllan yn dal i gynnyrch gwinoedd er gwaethaf ymosodiadau erchyll gan rocedi Hezbollah. Bydded i angylion Duw Israel amgylchi pobl Israel a'u hamddiffyn nhw.

y brenin nebukadnezar

Rhaid bod Llyfr Daniel un o ffefrynnau nifer o Gristnogion, am ddewrder, ffyddlondeb, ostyngeiddrwydd Daniel. Mae un peth newydd a fy nharo i'r bore 'ma wrth ddarllen Pennod 1 drwy 3 -  rhoddodd Duw frenin ofnadwy o seciwlar a gorhyderus gymaint o anrhydedd ac arglwyddiaeth helaeth dros bobl ac anifeiliaid. 

Fel dwedodd Pastor Gary, mae Duw yn defnyddio pobl dda a phobl ddrwg er mwyn cyflawni Ei ewyllys. 

"Oherwydd nid fy meddyliau i yw eich meddyliau chwi,
ac nid eich ffyrdd chwi yw fy ffyrdd i,” medd yr Arglwydd." Eseia 55:8

9/11/2001

 

cadw yn ddistaw

Mae cadw yn ddistaw yn wyneb drygioni ei hun yn ddrygioni: na fydd Duw yn ein hystyried yn ddieuog. Mae peidio â siarad yn golygu siarad. Mae peidio â gweithredu yn golygu gweithredu. - Dietrich Bonhoeffer

Mae'r Beibl yn glir hefyd:
Achub y rhai a ddygir i farwolaeth;
rho gymorth i'r rhai a lusgir i'w lladd.
Os dywedi, “Ni wyddem ni am hyn”,
onid yw'r un sy'n pwyso'r galon yn deall?
Y mae'r un sy'n dy wylio yn gwybod,
ac yn talu i bob un yn ôl ei waith. - Diarhebion 24:11, 12

doethineb Duw

Mae Llyfr Diarhebion yn llawn o ddoethineb Duw. Adnod heddiw: 
"Does gan ffŵl ddim awydd o gwbl i ddeall,
dim ond lleisio'i farn ei hun." 18:2 (Beibl.net)

Mae yna gynifer o bobl yn ddiweddar yn union fel uchod, sef pobl sydd yn lleisio barn rhywun arall, heb feddwl drostyn nhw eu hunain.

llythyr at fy mam

Bydda i'n ysgrifennu llythyr at fy mam sydd yn byw mewn cartref henoed yn Tokyo bob mis. Mae hi'n iach a mwynhau ei bywyd syml er bod hi wedi dechrau dangos symptomau dementia. Dw i ddim yn sicr cymaint mae hi'n deall fy llythyrau, ond dw i'n dal ati bob mis yn adrodd newyddion diweddaraf y teulu. Bydda i'n ychwanegu adnodau'r Beibl bob tro er mwyn ei hatgoffa hi addewidion hyfryd y Duw. Dewisais y Galarnad 3:23, 24 y tro hwn:

"Nid oes terfyn ar gariad yr Arglwydd,
ac yn sicr ni phalla ei dosturiaethau.
Y maent yn newydd bob bore,
a mawr yw dy ffyddlondeb."