![](https://blogger.googleusercontent.com/img/b/R29vZ2xl/AVvXsEiinb0xTI29MCMCZ93DvMvWefqq6Xyd32nSUTVWd2YaUlh5rlEWx1UJ9pkyHDrt20k03omCZYBUWr2h5R8pldvNJqeKbX7PZM_7O1lrTl1XFl2ski7bUGgLDFwpqaMILYRmxR7NWp86Oyo/s200/thomas.jpg)
![](https://blogger.googleusercontent.com/img/b/R29vZ2xl/AVvXsEj55wk56P9OFIvL6ErwQTjNlrBxP2K9vdBYmK4YUdXzAxpaVHv35ZDYQHu_Gc2Q0HSLZGNyPO0xbKxJLRBwaMnV6JPbRhnXCMbU8X5uNaypKfdCToYVVKhGVaSe5-ycGCLNWAXtA7WIv3Y/s200/tomen.jpg)
Wedi darfod eisteddfota, es i i weld o gwmpas y Bala. Tref fach ddel gyda hen adeiladau diddorol ym mhob man ydy hi.
Gofynnais i un o Siop Spar lle oedd cerflun Thomas Charles. Doedd y ferch ddi-Gymraeg ddim yn gwybod na lle oedd y cerflun na phwy oedd Thomas Charles. (Ces i fraw sydyn yn cofio'r darn o Wythnos yng Nghymru Fydd.) Roedd yna ddwy fam ifanc yn siarad Cymraeg tu allan y siop. Dyma ofyn iddyn nhw a chael y cyfeiriad. Phiw!
Ces i bicnic wrth Lyn Tegid ar ôl gweld ty Thomas Charles wedi 'i droi'n fanc gyda phlaciau i gofio Mary Jones, Tomen y Bala, Coleg y Bala, Ty Michael Jones yn ogystal â hanner dwsin o hen adeiladau o fri.
Rhaid prynu anrhegion i'r teulu. Dyma fynd i mewn i siop fach. Prynais ddau grys Cymru i'r gwr a'r mab hyna. (Sôn am ddiwydiant twristiaeth Cymru wedi cael haf llwyddiannus eleni!) Roedd perchenogion y siop wrth eu boddau'n clywed un o Oklahoma'n siarad Cymraeg.