fel lleidr yn y nos

Fe ddaw'r Arglwydd Iesu'n fuan fel Brenin buddugol y tro hwn, nid fel Oen Duw; fe ddaw fel lleidr yn y nos. Pan fydd pobl yn dweud, “Dyma dangnefedd a diogelwch." Does dim rhaid i chi ofni, fodd bynnag, OS dych chi'n credu yn Iesu, ac yn dal yn ffyddlon hyd at y diwedd.

"Oherwydd nid i ddigofaint y penododd Duw ni, ond i feddu iachawdwriaeth drwy ein Harglwydd Iesu Grist, yr hwn a fu farw drosom, er mwyn inni gael byw gydag ef, p'run bynnag ai yn effro ai yn cysgu y byddwn."

Peidiwch â gohirio felly; Galwch ar ei enw ac edifarhewch eich pechodau tra bod y drws ar agor.

paid ag ofni

Mae murlun fy merch yn seiliedig ar hanes y Proffwyd Eliseus yn yr Hen Destament.

Roedd ceffylau a cherbydau gelyn Israel yn amgylchynu Dothan er mwyn ei ddal. Dwedodd wrth ei was ofnus, "Paid ag ofni; y mae mwy gyda ni nag sydd gyda hwy." Pan agorodd yr ARGLWYDD ei lygaid, welodd y mynydd yn llawn meirch a cherbydau tanllyd o'u cwmpas nhw.

paging hezbollah

Mae ffilm ddogfen am y gweithrediad milwrol anhygoel o feiddgar gan Israel newydd gael ei ryddhau, o'r enw Paging Hezbollah. Dechreuais a'r gŵr wylio trelar y ffilm. Yn sydyn, cawson ni olwg ar y murlun cyfarwydd. Murlun a baentiodd ein merch hynaf ar wal (yn 2019) rhwng Israel a Lebanon ydoedd! Mae twneli Hezbollah wedi mynd, ond mae'r wal a'r murlun yn dal i sefyll.

sut i gael bywyd da

Mae pawb eisiau bywyd da wrth gwrs. Y cwestiwn ydy "sut?" Y lle gorau i ddechrau ydy cael ein cymodi â Duw trwy ffydd yn Iesu Grist. Fydd hi ddim yn ddigon dechrau yn dda, fodd bynnag. Mae angen i ni barhau mewn ffydd a gorffen yn dda. Does dim pwynt os byddwn ni'n gorffen yn ddrwg.

eisiau gwybod y ffeithiau?

Roedd yn wych clywed y Llysgennad Mike Huckabee yn siarad gyda'r Parchedig Gary Hamrick yn Jerwsalem. Os ydych chi eisiau gwybod y ffeithiau am israel, dim yr hyn mae'r prif gyfryngau a'r rhai pobl yn ei ddweud, dyma'r fideo. 

clark

Aeth person arall at Iesu yn ddiweddar. Roedd Clark, ffrind i ffrind, cyn-filwr rhyfel Fietnam, yn dioddef o salwch ofnadwy ar ôl y rhyfel. Roedd yn gwrthod popeth Cristnogol yn llwyr tra oedd yn yr ysbyty. Cyffesodd ei bechodau a chredu yn Iesu, fodd bynnag, ddeuddydd cyn marw! Haleliwia!

y gorffwys go iawn

Dych chi wedi blino yn y byd prysur hwn? Mae'r Meseia yn dal i'ch gwahodd chi i ddarganfod y gorffwys go iawn:

"Dewch ataf fi, bawb sy'n flinedig ac yn llwythog, ac fe roddaf fi orffwystra i chwi," meddai Iesu.

70 neu 80

"Deng mlynedd a thrigain yw blynyddoedd ein heinioes, neu efallai bedwar ugain trwy gryfder.... 
ânt heibio yn fuan, ac ehedwn ymaith," meddai Moses.

Wrth gwrs mae rhai yn byw hirach, ond maen nhw, hyd yn oed, symud tuag at yr un diwedd â phawb arall, sef marwolaeth. Dych chi'n barod?

etholiad

"Beth sydd angen i fuddugoliaeth ddrygionus? I ddynion da wneud dim."

Dydy neb yn siŵr pwy ddwedodd hyn, ond mae'n wir beth bynnag.

Ewch bawb i bleidleisio! Dewiswch bobl dda. 

gweddi babi

Dwedodd un o fy merched yn Japan, 

"y bore yma, plygodd L (ei merch 2 oed) ei dwylo cyn brecwast, a dweud ei bod hi'n mynd i weddïo yn lle Momi. Dyma oedd ei gweddi:

“Iesu … diolch am…y cinio hwn. Helpi … Dadi. Mae o yn y swyddfa. Iesu, amen!”

"O enau babanod a phlant sugno," meddai'r Beibl!

rheswm

Dw i'n teimlo'n ddigalon yn aml wrth ddarllen hanes Israel a'i brenhinoedd yn yr Ysgrythur - sut roedden nhw'n troi eu cefnau ar eu Duw tro ar ôl tro er bod nhw'n cael eu bendithio cymaint ganddo. Mae rheswm sydd, fodd bynnag, fel dwedodd Paul:

"Y mae pob Ysgrythur wedi ei hysbrydoli gan Dduw ac yn fuddiol i hyfforddi, a cheryddu, a chywiro, a disgyblu mewn cyfiawnder." 

pan fydd ef yn ymddangos

"Gyfeillion annwyl, yn awr yr ydym yn blant Duw, ac nid amlygwyd eto beth a fyddwn. Yr ydym yn gwybod, pan fydd ef yn ymddangos, y byddwn yn debyg iddo, oherwydd cawn ei weld ef fel y mae. Ac y mae pob un y mae'r gobaith hwn ganddo, yn ei buro ei hun, fel y mae Crist yn bur," meddai Ioan.

Mae Joshua Aaron yn canu'r gobaith hwn hefyd.

Tyrd, Arglwydd Iesu!

y gobaith

Dwedodd Paul, "clywch! Yr wyf yn mynegi dirgelwch ichwi: nid ydym i gyd i huno, ond yr ydym i gyd i gael ein newid, mewn eiliad, ar drawiad amrant, ar ganiad yr utgorn diwethaf."

Dwedodd hefyd, "pan floeddir y gorchymyn, pan fydd yr archangel yn galw ac utgorn Duw yn seinio, bydd yr Arglwydd ei hun yn disgyn o'r nef; bydd y meirw yng Nghrist yn atgyfodi yn gyntaf.....
ac yna byddwn ni, y rhai byw a fydd wedi eu gadael, yn cael ein cipio i fyny gyda hwy yn y cymylau, i gyfarfod â'r Arglwydd yn yr awyr; ac felly byddwn gyda'r Arglwydd yn barhaus."

Dyma'r gobaith pawb sydd yn credu yn Iesu Grist.

peidiwch â gohirio

"Peidiwch â gohirio tan yfory'r hyn medrwch chi ei wneud heddiw."

Benjamin Franklin neu bwy bynnag dwedodd hyn, mae'n wir, yn enwedig am y dewis pwysicaf yn y bywyd, sef credu yn Iesu Grist neu beidio. Bydd yn penderfynu lle dych chi'n treulio tragwyddoldeb ar ôl i chi farw.

dewis a chanlyniad

Dwedodd y proffwyd wrth Asa, brenin Judah:
"bydd yr ARGLWYDD gyda chwi os byddwch chwi gydag ef. Os ceisiwch ef, fe'i cewch; ond os cefnwch arno, bydd yntau yn cefnu arnoch chwithau."

Mae gan bawb ddewis - dewis i geisio Duw neu beidio, i gredu ynddo neu beidio. Bydd y canlyniad yn hollol wahanol, fodd bynnag. Ac felly dewiswch yn ofalus.

dinasyddiaeth ddeuol

"Yn y nefoedd y mae ein dinasyddiaeth ni, ac oddi yno hefyd yr ydym yn disgwyl Gwaredwr, sef yr Arglwydd Iesu Grist." - y Beibl

Fel Cristnogion, dan ni'n byw yn y byd, ond dydyn ni ddim yn perthyn iddo.

hydref 7

"Byth eto," maen nhw'n dweud ers yr Holocost. Digwyddodd y gyflafan heddiw tair blynedd yn ôl fodd bynnag. Bydd yn dal i ddigwydd oni bai i bawb ddeffro a gwrthod cael ei dwyllo gan y celwydd.

angladd fy mam

Cynhaliwyd angladd fy mam ddoe yn ei heglwys yn Tokyo, mynychwyd gan y teulu a'i ffrindiau. Methais i fynd oherwydd fy nghyflwr iechyd. Gwelais bopeth, fodd bynnag, drwy Zoom, diolch i'r dechnoleg fodern. Y gwahaniaeth mawr rhwng angladdau Cristnogol a'r lleill ydy llawenydd a gobaith ymysg galaru. Llawenydd bod yr ymadawedig yn byw gydag Iesu yn y nefoedd; gobaith y byddwn ni'n cael gweld nhw eto un diwrnod.

yn ei amser

"Gwnaeth (Duw) bopeth yn hyfryd yn ei amser," meddai'r Pregethwr.

Un o'r adnodau ar wal fflat fy mam oedd hon. Hollol wir. Cafodd fy ŵyr ei eni saith mis yn ôl; bu farw fy mam pum diwrnod yn ôl. Popeth yn ei amser iawn. Boed gogoniant i Dduw tragwyddol, hollalluog, hollwybodol, cariadus, trugarog, ffyddlon, amyneddgar.

gwobr llawer mwy gwych

‘Ardderchog, fy ngwas da a ffyddlon,’ meddai ei feistr wrtho, ‘buost yn ffyddlon wrth ofalu am ychydig, fe osodaf lawer yn dy ofal; tyrd i ymuno yn llawenydd dy feistr.’ - y Beibl

Roedd fy mam wedi bod yn anelu at fyw tan 200 oed, a chael ei chofnodi yn Llyfr Guinness, yn ôl staff ei chartref henoed! Buodd hi farw'n 104 oed, ac felly methu cyrraedd ei nod. Rhaid ei bod hi wedi derbyn gwobr llawer mwy gwych, fodd bynnag, gan yr Arglwydd Iesu pan aeth ato fo.

casgliad solomon

Ar ôl popeth roedd o'n ei geisio, dyma gasgliad Solomon diwedd ei fywyd:

"ofna Dduw a chadw ei orchmynion, oherwydd dyma ddyletswydd pob un. Yn wir, y mae Duw yn barnu pob gweithred, hyd yn oed yr un guddiedig, boed dda neu ddrwg."

fel abraham

Bu farw fy mam fel Abraham:

"Anadlodd Abraham ei anadl olaf, a bu farw wedi oes hir, yn hen ac oedrannus; a chladdwyd ef gyda'i dylwyth."

1922 - 2026

Mae fy mam newydd adael ei hen gorf a mynd at Iesu. Gadawodd yn ei chwsg (ar ôl swper) heb ddioddef llawer, mae'n ymddangos. Er ei bod hi wedi cael bywyd caled, roedd hi'n byw yn llawen a bodlon yn ei chyfnod olaf. Bydd hi'n byw gydag Iesu, ynghyd â nifer o bobl a gredodd ynddo, am byth a bythoedd. Haleliwia! A'i finnau yn fuan. Disgwyl amdana i, Mam!

bloedd solomon

Rhoddodd Solomon "phryd ar astudio a chwilio, trwy ddoethineb, y cyfan sy'n digwydd dan y nef." Ni chadwodd draw "oddi wrth unrhyw beth a chwenychai ei lygaid, nac yn troi ymaith oddi wrth unrhyw bleser." 

Yn y diwedd, fodd bynnag, roedd o'n sylweddoli bod "yr un peth a ddigwydd iddo ac i'r ffôl: marw y mae'r doeth fel y ffôl." Dyna pam roedd o'n gweiddi yn yr Ysgrythur, “gwagedd llwyr yw'r cyfan.”

gwers

"Pan heneiddiodd Solomon, hudodd ei wragedd ef i ddilyn duwiau estron, ac nid oedd ei galon yn llwyr gyda'r ARGLWYDD ei Dduw, fel y bu calon ei dad Dafydd..... Gwnaeth ddrwg yng ngolwg yr ARGLWYDD...."

Er ei fod wedi cael ei fendithio'n fawr gan Dduw, trodd Solomon ei gefn arno Fo wrth iddo heneiddio. Gwers i ni yma; rhaid i ni fod yn wyliadwrus, a ffyddlon hyd at y diwedd.

"Felly, bydded i'r sawl sy'n tybio ei fod yn sefyll, wylio rhag iddo syrthio."

oerni a gwres, haf a gaeaf

Roedd yr haf yn arbennig o boeth eleni, ond mae o'n dechrau cilio o'r diwedd. Mae'n wych gweld (a theimlo) y tymheredd yn gostwng o 90au i 80au. Cyn hir, fodd bynnag, byddwn ni'n crynu o oerfel.

“Tra pery'r ddaear, ni pheidia pryd hau a medi, oerni a gwres, haf a gaeaf, dydd a nos," meddai'r Arglwydd Duw.

y cwestiwn pwysicaf

"Pa elw a gaiff rhywun o ennill yr holl fyd a fforffedu ei fywyd? Oherwydd beth a all rhywun ei roi'n gyfnewid am ei fywyd?" gobynnodd Iesu.

Wrth i chi heneiddio, meddyliwch hyn o ddifri. Dych chi ddim yn gwybod pryd byddwch chi'n marw.

angen gwaed

Mae'n ddiwrnod mwyaf sanctaidd yn Iddewiaeth ydy hi heddiw, sef Yom Kippur. Mae nifer o Iddewon yn gweddïo, ymprydio a gwneud pethau dros achosion da - hyn i gyd er mwyn cael maddeuant gan Dduw am eu pechodau yn y flwyddyn flaenorol. Yn ôl gair Duw (eu hysgrythur,) fodd bynnag, mae angen gwaed, a gwaed un heb bechod er mwyn cael maddeuant. Dw i'n gweddïo bob dydd y byddan nhw'n dod i ganfod mai ond Iesu, eu Meseia eu hunan, a all wneud hyn.

paentiad newydd

Cafodd fy merch hynaf hoe fach rhag celf am flwyddyn wedi cael ei babi cyntaf. Treuliodd hi a'i theulu'r haf yn Oklahoma, ac maen nhw newydd ddychwelyd i Japan. O dipyn i beth daeth ysbrydoliaeth yn ôl. A dyma hi'n gorffen (rhwng newid a bwydo ei babi) paentiad newydd.

fy mam

Wedi cael niwmonia, a chael ei chludo i'r ysbyty ar frys, roedd fy mam wedi gwella, a dychwelyd i'r cartref henoed. Yn ôl fy mrawd a ymwelodd â hi ddoe, mae hi'n medru siarad yn normal, ac yn ymddangos yn hollol iawn. Bendith Duw!

lle? sut?

Maen nhw'n dweud, "Heddwch! Heddwch!’—ac nid oes heddwch," 

- Lle cewch chi ddarganfod yr heddwch go iawn?

“Gwagedd llwyr,” meddai'r Pregethwr, “gwagedd llwyr yw'r cyfan.”
"Pa elw sydd i neb yn ei holl lafur, wrth iddo ymlafnio dan yr haul?"

- Sut cewch chi ddarganfod ystyr eich bywyd?

yr unig ateb: Iesu Grist

pwy ydy Iesu?

Ni alwodd Iesu ei hun yn un athro ysbrydol ymysg llawer. Dwedodd, “Myfi yw’r ffordd, y gwirionedd a’r bywyd.” Mae Cristnogaeth yn sefyll ar bwy ydy o. 

- Biblical Creation

peth melysach na mêl

"Fy mab, bwyta fêl, oherwydd y mae'n dda, ac y mae diliau mêl yn felys i'th enau," meddai'r Brenin Solomon.

Ond mae peth melysach na mêl.

"Felly y mae deall a doethineb i'th fywyd; os cei hwy, yna y mae iti ddyfodol, ac ni thorrir ymaith dy obaith," ychwanegodd.

A lle cei deall a doethineb? 
- yn Air Duw

y dyn doethaf

Y dyn doethaf oedd y Brenin Solomon; adawodd gynifer o ddiarhebion doeth. Roddwyd ei ddoethineb gan Dduw. Ac eto, roedd ei ddiwedd yn ofnadwy. Dylai fo fod wedi gwrando ar ei ddiarhebion ei hun. Dw i newydd wybod bod yna enw ar gyfer y peth felly, sef Paradocs Solomon.

fy amcan

"Beth bynnag yr ydych yn ei wneud, gweithiwch â'ch holl galon, fel i'r Arglwydd, ac nid i neb arall."
"Gwasanaethwch Grist, eich Meistr chwi."

Hyn ydy fy amcan beunyddiol.

profi'r dihareb

"Nid Iesu Grist ydy'r ffordd i'r gwirionedd," dwedodd yr ymgeisydd Democrataidd yn Senedd Texas. "Gall Allah a llwybrau crefyddol eraill arwain pobl at yr un gwirionedd dwyfol," ychwanegodd.

Mae o'n profi'r dihareb a bostiais ddoe:
"Y mae ffordd sy'n ymddangos yn union, ond sy'n arwain i farwolaeth yn ei diwedd."

Beth ddwedodd Iesu Grist?
"Myfi yw'r ffordd a'r gwirionedd a'r bywyd. Nid yw neb yn dod at y Tad ond trwof fi."

ffordd union?

Dywedir yn ddiweddar bod gan bawb ei wirionedd. Ydy hynny'n iawn fodd bynnag? Nid felly yn ôl doethineb Duw.

"Y mae ffordd sy'n ymddangos yn union, ond sy'n arwain i farwolaeth yn ei diwedd." Diarhebion 14:12

Gair Duw

"Yn union fel mae pawb yn mynd i farw un waith, a wynebu barn ar ôl hynny, buodd y Meseia farw un waith yn aberth, a chario pechodau llawer iawn o bobl iddyn nhw gael eu maddau." - Beibl.net

bod yn diolchgar

Mae'r tywydd hynod o boeth yn parhau, ond dw i'n cael aros mewn tŷ gydag awyrydd. Ddiolchgar ydw i wrth y bobl sydd yn cynhyrchu trydan a dŵr clên, y criw cynnal a chadw, heb sôn am y bobl a ddyfeisiodd y cyfleustra modern. Dw i'n ddiolchgar wrth gwrs fy mod i'n cael byw yn Unol Daleithiau America.

hydref ar drothwy

Mae'n haf hynod o boeth eleni, ond mae'r hydref yn yr awyr yn bendant.

 "Ef (Duw) sy'n newid amserau a thymhorau, yn diorseddu brenhinoedd a'u hadfer, yn rhoi doethineb i'r doeth a gwybodaeth i'r deallus," meddai Daniel.

y dasg olaf

Mae fy mam newydd ddychwelyd at y cartref henoed. Rhaid iddi fwyta bwyd hylif bellach, ond mae'n anhygoel ei bod hi wedi gwella digon iddi gael gadael yr ysbyty. Dw i'n credu'n sicr bod gan Dduw dasg iddi, y dasg olaf efallai cyn iddo ei galw hi'n adref.

fy mam anhygoel

Cafodd fy mam ei chludo i'r ysbyty, wedi tagu ar fwyd. Mae ganddi niwmonia dyhead, ac mae hi'n cael maeth yn fewnwythiennol bellach. Pan ymwelodd fy mrawd â hi, roedd hi'n edrych yn ofnadwy o fregus a hyd yn oed agos at ei diwedd. Wedi clywed y newyddion, brysiodd fy nwy ferch ati. Roedd hi'n wan ar y dechrau, ond adfywiodd hi wrth dreulio amser gyda nhw. Dwedodd wrthyn nhw ddiwedd eu hymweliad, "see you again" yn Saesneg!

ewch ato

"Y mae'r ARGLWYDD yn agos at bawb sy'n galw arno, at bawb sy'n galw arno mewn gwirionedd," meddai Dafydd.

"Nesewch at Dduw, ac fe nesâ ef atoch chwi," meddai Iago.

Galwch ar Dduw; ewch ato heb oedi tra bod y porth ar agor. Mae o eisiau i bawb ddod ato (drwy Iesu.)

ni allwch fynd â fo gyda chi

"Yn noeth y deuthum o groth fy mam, ac yn noeth y dychwelaf yno," meddai Job.

"A'r ffaith yw, na ddaethom â dim i'r byd, ac felly hefyd na allwn fynd â dim allan ohono," dwedodd Paul wrth Timotheus.

Clywais hyn hefyd (nid yn y Beibl) : "ni chewch chi dynnu U-Haul tu ôl eich elorgerbyd." 

mae'r nefoedd yn adrodd

"Y mae'r nefoedd yn adrodd gogoniant Duw,a'r ffurfafen yn mynegi gwaith ei ddwylo." Y Salmau 19:1

Ces i fy nharo gan yr olwg hon y bore 'ma. Mae'n amhosib gwadu Duw pan welir ei greadigaeth ogoneddus. Mae o'n haeddu gogoniant, addoli ac anrhydedd. 

cynllun gwahanol

Fu farw mab ffrind teulu yn sydyn. 20 oed oedd. Roedd o a'i deulu newydd ddychwelyd o wyliau. Cafodd pawb sioc erchyll wrth gwrs. Yn ei alar dwedodd y tad, fodd bynnag, "rhaid i mi ymddiried yn Nuw; roedd ganddo gynllun gwahanol dros fy mab rhag yr hyn roedden ni'n ei ddisgwyl."

o ble y daw cymorth i mi?

"Codaf fy llygaid tua'r mynyddoedd; o ble y daw cymorth i mi?" gofynnodd y Salmydd.
Ei gasgliad: "daw fy nghymorth oddi wrth yr ARGLWYDD, creawdwr nefoedd a daear."

Dwedodd yr Arglwydd: "paid ag ofni, yr wyf fi gyda thi; paid â dychryn, myfi yw dy Dduw. Cryfhaf di a'th nerthu, cynhaliaf di â llaw dde orchfygol."

Diolch i ti, fy Arglwydd Duw am dy addewid.

gair Duw

"Yn y dechreuad creodd Duw y nefoedd a'r ddaear."
"Felly creodd Duw ddyn ar ei ddelw ei hun; ar ddelw Duw y creodd ef; yn wryw ac yn fenyw y creodd hwy." - Genesis

Ni all dim cliriach na hyn: Duw a greodd bopeth; yn wryw ac yn fenyw y creodd hwy. 

Mae gair Duw'n rhoi deall i'r syml.

enaid anniddig

"Y mae fy enaid yn anniddig gan ofid, cryfha fi yn ôl dy air," ymbilodd y Salmydd.

Os ydych chi'n teimlo fel y Salmydd hwn, clywch beth ddwedodd Iesu:

"yn y byd fe gewch orthrymder, ond codwch eich calon, yr wyf fi wedi gorchfygu'r byd.”

hefyd:

"...yr wyf fi gyda chwi yn wastad hyd ddiwedd amser."

yn nydd cyfyngder

"Os gelwi arnaf yn nydd cyfyngder fe'th waredaf, a byddi'n fy anrhydeddu,” meddai Duw.

Does angen petruso; mae Duw eisiau i ni alw arno yn nydd cyfyngder. A sut dylen ni ei anrhydeddu? 

Dyma ei ateb: "y sawl sy'n cyflwyno offrymau diolch sy'n fy anrhydeddu."

Ac felly, gadewch i ni alw arno yn nydd cyfyngder yn hyderus, a chyflwyno offrymau diolch iddo.

dechrau doethineb

Ofn yr ARGLWYDD yw dechrau doethineb, ac adnabod y Sanctaidd yw deall. (Diarhebion 9:10)

Bydded ichwi gael bendith gan yr ARGLWYDD a wnaeth nefoedd a daear. (Y Salmau 115:15)

666

Mae'n anodd gwahanu'r Wenynen o Ddim-y-Wenynen yn aml. Hon ydy erthygl arall o'r fath. Does rhyfedd, fodd bynnag, wrth i'r byd yn mynd o ddrwg i waeth yn gyflym. Mae nifer o bethau'n digwydd drwy’r byd fel proffwydwyd gan y Beibl.

blinedig?

"Y mae tymor i bob peth, ac amser i bob gorchwyl dan y nef:
amser i eni, ac amser i farw....," meddai'r Pregethwr yn y Beibl.

Os ydych chi'n teimlo'n anobeithiol, blinedig yn wynebu'r dirwedd lom hon, clywch beth ddwedodd Iesu:

"Dewch ataf fi, bawb sy'n flinedig ac yn llwythog, ac fe roddaf fi orffwystra i chwi."

coed yn canmol Duw

"Canwch i'r ARGLWYDD, bendithiwch ei enw...
oherwydd mawr yw'r ARGLWYDD, a theilwng iawn o faw...
Llawenyched y maes a phopeth sydd ynddo. Yna bydd holl brennau'r goedwig yn canu'n llawen." (y Salmau 96)

Cynlluniwyd yr holl greadigaeth i ogoneddu Duw, gan gynnwys coed!

cyfrif ein dyddiau

Gweddïodd Moses, gŵr Duw ar yr Arglwydd, yn datgan:

"Cyn geni'r mynyddoedd, a chyn esgor ar y ddaear a'r byd, o dragwyddoldeb hyd dragwyddoldeb, ti sydd Dduw."

Hefyd:
"y mae mil o flynyddoedd yn dy olwg fel doe sydd wedi mynd heibio..."

Ni waeth pa mor hir bod ni'n cael byw, byddwn ni i gyd yn hedfan i ffwrdd fel gwellt yn y diwedd. 
y casgliad:

"Dysg ni i gyfrif ein dyddiau, inni gael calon ddoeth."

Dydd yr Arglwydd

"Fe ddaw Dydd yr Arglwydd fel lleidr, a'r Dydd hwnnw bydd y nefoedd yn diflannu â thrwst, a'r elfennau yn ymddatod gan wres, a'r ddaear a phopeth sydd ynddi yn peidio â bod."

"Gan fod yr holl bethau yma ar gael eu datod fel hyn, ystyriwch pa mor sanctaidd a duwiol y dylai eich ymarweddiad fod," medd Pedr yn ei lythyr.

A dim ond drwy Iesu Grist gall ni fod yn sanctaidd a duwiol.

un drws

"Mae dilyw Noa yn ein hatgoffa ni bod Duw yn barnu pechod. Mae'r arch yn ein hatgoffa ni bod Duw wedi darparu ffordd achub. Yr union fel roedd ond un drws i'r arch, mae ond un drws i iachawdwriaeth dragwyddol. Iesu Grist, yr Arglwydd ydy'r drws." Ken Ham

Cytuno'n llwyr. 

fy nghryfder

"Er i'm calon a'm cnawd ballu, eto y mae Duw yn gryfder i'm calon ac yn rhan imi am byth," meddai un o'r Salmyddion.

Cytuno'n llwyr. Dw i'n teimlo'n wan yn gorfforol mwyfwy yn ddiweddar, ond mae Iesu, fy Nuw sydd yn rhoi nerth i mi fwrw ymlaen un dydd ar y tro.

y fendith

“Bydded i'r ARGLWYDD dy fendithio a'th gadw; 
bydded i'r ARGLWYDD lewyrchu ei wyneb arnat, a bod yn drugarog wrthyt;
bydded i'r ARGLWYDD edrych arnat, a rhoi iti heddwch."

Er mai i bobl Israel mae'r fendith hon yn wreiddiol yn yr Hen Destament, dw i'n credu gallwn ni gael ein cynnwys ni fel dilynwyr Iesu Grist.

lle mae o bellach?

Bydd "viewing" nos Wener ar gyfer teulu'r dyn a fu farw'n ddiweddar, gan ddilynir angladd ddydd Sadwrn. Dw i ddim yn bwriadu barnu'r traddodiad. Ond wir i chi; nad ydy o yn y corff mewn arch ond gydag Iesu yn y nef bellach. Dim ond cragen wag ydy hwnnw. Bydd o, ynghyd â phawb a oedd yn credu yn Iesu Grist, yn byw gyda'r Arglwydd am byth a bythoedd yn yr heddwch perffaith.

peth pwysicaf

Beth ydy'r peth pwysicaf yn eich bywyd chi?

Meddai Iesu, "Beth ydy'r pwynt o gael popeth sydd gan y byd i'w gynnig, a cholli'r enaid?" (Beibl.net)

croeso cynnes

Aeth hen ddyn annwyl arall at Iesu ddoe. Un o aelodau ffyddlon ein heglwys ni oedd, ac roedd o wrthi gyda'i wraig dros Dduw yn Ne Affrica ers blynyddoedd cyn ymddeol yn y dref hon. Dw i'n credu'n sicr iddo gael croeso cynnes gan yr Arglwydd, a chlywed, "Ardderchog, fy ngwas da a ffyddlon."

bwrw dy faich

“Bwrw dy faich ar yr ARGLWYDD, ac fe'th gynnal di; ni ad i'r cyfiawn gael ei ysgwyd byth," meddai Duw. 

Mae adnod debyg yn un o lythyrau Peder; efallai ei fod wedi meddwl am yr adnod hon pan ysgrifennodd ei lythyr. Mae hi'n rhoi nerth i mi bob tro.

ni chymer ddim

"Paid ag ofni pan ddaw rhywun yn gyfoethoga phan gynydda golud ei dŷ,
oherwydd ni chymer ddim pan fo'n marw, ac nid â ei gyfoeth i lawr i'w ganlyn.
Er iddo yn ei fywyd ei ystyried ei hun yn ddedwydd, a bod pobl yn ei ganmol am iddo wneud yn dda, fe â at genhedlaeth ei hynafiaid, ac ni wêl oleuni byth mwy," meddai'r Beibl.

hyd yn oed Solomon

"A pham yr ydych yn pryderu am ddillad? Ystyriwch lili'r maes, pa fodd y maent yn tyfu; nid ydynt yn llafurio nac yn nyddu. Ond rwy'n dweud wrthych, nid oedd gan hyd yn oed Solomon yn ei holl ogoniant wisg i'w chymharu ag un o'r rhain," meddai Iesu.

chwa o wynt

"...... yn wir, chwa o wynt yw pob un byw, ac y mae'n mynd a dod fel cysgod; 

yn wir, ofer yw'r holl gyfoeth a bentyrra, ac ni ŵyr pwy fydd yn ei gasglu," 

meddai'r Brenin Dafydd.

"Gwyn ei fyd y sawl sy'n rhoi ei ymddiriedaeth yn yr ARGLWYDD," meddai hefyd.

Amen.

enw hebreig

Mae un o fy merched yn gweithio'n rhan amser mewn tŷ bwyta poblogaidd yn Sydney. Mae hi newydd ddarganfod mai dyn o Israel ydy un o'r cwsmeriaid rheolaidd. Pan glywodd ei henw hi, gofynnodd ydy hi'n gwybod ei ystyr yn ei iaith. Wrth gwrs! Y fi a ddewisodd yr enw oddi wrth lyfr enwau babis Hebreig. Cafodd y cwsmer ei synnu'n fawr pan glywodd ei hanes (yn naturiol,) ac roedd o'n edrych yn hynod o falch. 

pryder

Mae fy merch hynaf yn bwriadu dod i America gyda'i gŵr a'u babi mewn pythefnos, ac yn aros tan ddiwedd mis Awst. Mae ganddi ofn o bob math. Un ohonyn nhw ydy byddai ei babi'n crio'n angysuradwy yn yr awyren. Gofynnodd i'w theulu am weddïo. Atgoffais i hi'r adnod gyfarwydd hon:

"Bwriwch eich holl bryder arno ef, oherwydd y mae gofal ganddo amdanoch." 

Ydy, mae!

torri gwallt

Cafodd fy ŵyr pedwar mis oed dorri ei wallt am y tro cyntaf yn broffesiynol, gan driniwr wallt gwych, sef ei fodryb. Roedd yn aros heb gwyno tra oedd hi'n gweithio. Mae o'n edrych yn reit daclus rŵan.

250 oed (ddoe)

Mae teyrnasoedd wedi dod a mynd; dim ond  "y genedl y mae'r ARGLWYDD yn Dduw iddi" yn llwyddo. Bydded i'w enw Ef ddyrchafu. 

bendith babi

Ymwelodd fy merch hynaf, gyda'i theulu, â'i nain yn ei chartref henoed. Roedd ei nain wrth ei bodd yn gweld ei gor-ŵyr 4 mis oed. Roedd o'n gwenu a chwerthin ati drwy'r amser. Dwedodd fy merch bod ei nain yn ymddangos yn ei iawn bwyll bron yn sydyn. 

sut i fod yn fam

Dwedodd fy merch hynaf nad ydy hi'n gwybod sut i fod yn fam oherwydd mai ond plentyn ydy hi ei hun; er ei bod hi'n gwybod bod gan Dduw dasgau dros ei babi ac i hithau, mae hi'n reslo yn erbyn dymuniad i ffoi o'i bywyd presennol.

Dw i'n deall ei theimladau'n dda iawn. Dyna sut oeddwn i'n meddwl tra oeddwn i'n magu fy mhlant. Drwy Ei drugaredd, fodd bynnag, maen nhw i gyd wedi tyfu'n weision ffyddlon Duw.

croesi'r afon

"Un diwrnod bydda i'n croesi'r afon,
ac yn ymladd rhyfel olaf yn erbyn poen.
Wrth i farwolaeth ildio i fuddugoliaeth,
bydda i'n gweld goleuadau gogoniant,
ac yn gwybod Ei fod yn fyw."

Dw i'n hoff iawn o drydydd pennill yr emyn hwn.

mellt a tharanau

Cawson ni gymaint o law yn y misoedd diwethaf, a bydd glaw yn dod gyda mellt a tharanau bob tro. Dychrynllyd ydy'r taranau yn yr ardaloedd 'ma.

"Tywalltodd y cymylau ddŵr, 
ac yr oedd y ffurfafen yn taranu;
fflachiodd dy saethau ar bob llaw.
Yr oedd sŵn dy daranau yn y corwynt,
goleuodd dy fellt y byd;
ysgydwodd y ddaear a chrynu."

"Bydded i'r holl ddaear ofni'r ARGLWYDD,

ac i holl drigolion y byd arswydo rhagddo."

Amen!

ydych chi'n barod?

Mae mwy a mwy o ddaeargrynfeydd drwy'r byd yn ddiweddar. Roedd o leiaf chwech cryf yr wythnos hon, dwy yn Venezuela, un yn California, pedair yn Japan, un yn Philippines ac un arall yn New Guinea. Beth all hyn yn ei olygu? 

Gofynnodd disgyblion i Iesu, "beth fydd yr arwydd o'th ddyfodiad ac o ddiwedd amser?"
Atefodd, "bydd daeargrynfâu dirfawr, a newyn a phlâu mewn mannau....."

Fe ddaw yn ôl yn fuan, fel brenin buddugol i farnu'r byd y tro hwn, nid fel oen di-nam i fod yn aberth er pechodau'r byd. Ydych chi'n barod?

yn lle edrych ar y ffôn

Mae'n ymddangos bod yn hynod o anodd i nifer o bobl fodern aros munud hyd yn oed heb edrych ar eu ffôn. Es i at ddeintydd y bore 'ma. Fel mae'n digwydd, roedd o mor brysur fel roedd rhaid i mi aros yn hir iawn er bod gen i apwyntiad. Yn lle edrych ar fy ffôn, penderfynais wneud dim. Roeddwn i'n ceisio "ymlonyddu a deall mai O sydd Dduw."

mae tymor i bob peth

Cafodd cwpl ifanc ein heglwys ni ei fabi cyntaf wythnosau'n ôl. Fu farw hen aelod annwyl yr wythnos diwethaf, fel ysgrifennais. Bydd merch ein ffrind yn yr eglwys yn priodi ddydd Sul nesaf. 

"Y mae tymor i bob peth, ac amser i bob gorchwyl dan y nef," meddai'r Pregethwr yn y Beibl.

cwpan y byd

Daeth breuddwyd fy mab hynaf yn wir ddoe, hynny ydy gweld gêm tîm UDA yng Nghwpan y Byd. Mae o a'i deulu yn Seattle am wyliau rŵan, ac aeth (ar ben ei hun) i'r stadiwm i weld y gêm rhwng UDA ac Awstralia. Roedd yn brofiad byth cofiadwy, meddai! 

Cyn y gêm, cannodd y tîm a chefnogwyr UDA'r anthem gyda'u holl galonnau, a'u llais yn atseinio'r stadiwm enfawr.

synnu'n bleserus

Daeth llawer o bobl dros y byd i America'r wythnos hon i gefnogi eu timau pêl-droed sydd yn cystadlu yng Nghwpan y Byd. Cafodd nifer mawr ohonyn nhw eu synnu'n bleserus i ddarganfod pa mor gyfeillgar a chymwynasgar ydy'r Americanwyr, yn hollol groes i'r hyn a glywon nhw gan y prif gyfryngau. Cawson nhw eu taro gan Buc-ee's hefyd (wrth reswm!)

rysáit bara

Rhaid bod y rysáit hwn yn berffaith iach oherwydd mai gan Dduw a roddwyd. 

"Cymer iti wenith a haidd, ffa a phys, miled a cheirch, a'u rhoi mewn un llestr, a gwna fara ohonynt."

Mae cwmni yn gwerthu'r bara hwn hyd yn oed, ac mae nifer o fideos ar YouTube. Gobeithio, fodd bynnag, bod neb yn dilyn y dull a roddwyd yn y Beibl! (Eseciel 4:9-15)

hwyl am y tro

Cafodd y nef aelod newydd eto. Ces i sgwrs sydyn gyda fo ond pythefnos yn ôl. Yna, clywais fod fy hen ffrind annwyl wedi mynd at Iesu'n barod. Dwedodd ei wraig nad oedd yn dioddef wrth iddo fynd. Dim ond dweud a wnaeth, "dw i'n mynd adref" cyn tynnu ei anadl olaf. Hwyl am y tro, fy ffrind. 

80 oed

Mae o'n 80 oed heddiw, ac yn ysgwyddo, gyda brwdfrydedd ac egni, cymaint o bwysau a all lorio rhai ifanc. Dw i'n credu'n sicr mai Duw sydd yn rhoi nerth iddo fo, drwy weddïau gan bobl ddi-rif drwy'r byd. 

Penblwydd hapus i'r Arlywydd Trump annwyl!

cân y brenin Dafydd

"Trwot ti y gallaf oresgyn llu;
trwy fy Nuw gallaf neidio dros fur.
Y Duw hwn, y mae'n berffaith ei ffordd,
ac y mae gair yr ARGLWYDD wedi ei brofi'n bur;
y mae ef yn darian i bawb sy'n llochesu ynddo.
Byw yw'r ARGLWYDD, bendigedig yw fy nghraig,
dyrchafedig fyddo'r Duw sy'n fy ngwaredu," canodd Dafydd. 

Amen!

criw nos

Roedd yn stormus neithiwr. Pan ddeffrais yn ystod y nos, roeddwn i'n sylweddoli nad oedd trydan. Es i'r tŷ bach gyda fflach lamp. Methais fynd yn ôl i gysgu. Wedi hanner awr, fodd bynnag, clywais y ficrodon yn gwneud sŵn gwan tu ôl y mur. Roeddwn i'n gwybod bod y trydan wedi dychwelyd, diolch i'r criw a ddatrysodd y broblem yng nghanol nos.

un newydd yn y nef

Fu farw nain wraig fy mab hynaf o gancro yn Taiwan neithiwr. Hedfanodd ei mab o Texas pan glywodd ei bod hi ar fin marw wythnosau'n ôl. Doedd ganddi ddiddordeb yn Nuw yn ystod ei bywyd, ond wrth iddi nesáu at farwolaeth, meddalodd ei chalon. Gyda chymorth ei mab a gweinidog yr ysbyty, rhoddodd ffydd yn Iesu Grist. Gadawodd y byd hwn yn y tangnefedd perffaith. Mae hi gydag Iesu bellach. Haleliwia!

Itai y Gethiad

Roedd y Brenin Dafydd yn ceisio ffoi o'i fab, Absalom, a gadael Jerwsalem. Yn ymysg y rhai a'i dilynodd oedd Itai y Gethiad, a'i 600 o ddynion gyda'u teuluoedd. Er bod y Brenin yn annog i Itai i fynd at y brenin newydd (Absalom,) gwrthod a wnaeth Itai gan fynnu, "ple bynnag yr â f'arglwydd frenin, i farw neu i fyw, yno'n sicr y bydd dy was hefyd.” 

Dyn ffyddlon a chryf - un o fy hoff gymeriadau ydy o. 

dŵr bywiol

Oes syched arnoch chi? Hynny ydy, syched yr ysbryd. Dyma fo, y dŵr bywiol:

“Pwy bynnag sy'n sychedig, deued ataf fi ac yfed. Allan o'r sawl sy'n credu ynof fi, fel y dywedodd yr Ysgrythur, y bydd ffrydiau o ddŵr bywiol yn llifo,” meddai Iesu

bro fy mebyd

Mae fy ail ferch yn Japan newydd bostio'r lluniau a dynnodd yn ystod ymweliad ei thad y mis diwethaf. Hwn ydy un ohonyn nhw, glan Afon Tama ym mro fy mebyd. Mae'n rhyfeddol bod fy merch yn byw mewn ardal digon agos at y lle a ges i fy magu.

doethineb babi

Gofynnodd fy wyres, ddwy a hanner oed, i'w mam wrth weld llun o'i rhieni cyn iddi gael ei geni, "lle ydw i?" 

Atebodd ei mam, "doeddet ti ddim yna. Dw i ddim yn gwybod lle oeddet ti cyn i ti ddod tu mewn i fy stumog. Lle oeddet ti? Oeddet ti gyda Duw? Oeddet ti'n arnofio rhywle?" 

"Ar y dŵr," meddai.

llythyr at fy mam

Dw i newydd anfon llythyr at fy mam sydd yn byw mewn cartref henoed yn Tokyo. Dw i'n ysgrifennu llythyr ati ar y cyntaf o bob mis ers blynyddoedd. Yn ddiweddar mae ei chof wedi gwaethygu'n arw fel nad ydy hi'n cofio ei theulu'n dda hyd yn oed. Dw i ddim yn sicr ydy hi'n fy nghofio i chwaith. Dw i'n dal i ysgrifennu ati hi, fodd bynnag wrth obeithio adfywio ei hymennydd. Bydda i'n cynnwys adnod neu ddwy bob tro. Dewisais hon (eto) y tro 'ma, sydd yn addas i mi hefyd:

"Am hynny, nid ydym yn digalonni. Er ein bod yn allanol yn dadfeilio, yn fewnol fe'n hadnewyddir ddydd ar ôl dydd." 2 Corinthiaid 4:16

o dragwyddoldeb hyd dragwyddoldeb

"Y mae dyddiau dyn fel glaswelltyn;
y mae'n blodeuo fel blodeuyn y maes—
pan â'r gwynt drosto fe ddiflanna,
ac nid yw ei le'n ei adnabod mwyach," meddai Dafydd.

Ond....

"Cyn geni'r mynyddoedd,
a chyn esgor ar y ddaear a'r byd,
o dragwyddoldeb hyd dragwyddoldeb, ti sydd Dduw," meddai Moses.

Amen!

yn fewnol

Fydda i wedi blino'n llwyr yn ddiweddar, dim ond ar ôl cerdded chwarter awr yn y gymdogaeth. Anodd credu i mi gerdded am oriau bob dydd yng Nghymru ac yn yr Eidal rhyw ugain mlynedd yn ôl. Dringais i at ben Cwpola Brunelleschi hyd yn oed. Dw i ddim yn digalonni fodd bynnag. Mae'r adnod hon yn iawn:

"Am hynny, nid ydym yn digalonni. Er ein bod yn allanol yn dadfeilio, yn fewnol fe'n hadnewyddir ddydd ar ôl dydd."

hanes ceidwad y carchar

Gofynnodd ceidwad y carchar i Paul a Silas, “Foneddigion, beth sy raid imi ei wneud i gael fy achub?” Dywedasant hwythau, “Cred yn yr Arglwydd Iesu, ac fe gei dy achub, ti a'th deulu.”

A dyna beth wnaeth y ceidwad a'i deulu. Mae stori gynhyrfus ynglŷn â'r hanes hwnnw. Darllenwch Actau 16:19 - 34.

yr unig ateb

Mae'r byd yn dal i fynd o ddrwg i waeth. Does dim angen chwilio am ddatrysiad, fodd bynnag. Mae'r unig ateb yng Ngair Duw:

"Do, carodd Duw y byd gymaint nes iddo roi ei unig Fab (Iesu,) er mwyn i bob un sy'n credu ynddo ef beidio â mynd i ddistryw ond cael bywyd tragwyddol. Oherwydd nid i gondemnio'r byd yr anfonodd Duw ei Fab i'r byd, ond er mwyn i'r byd gael ei achub trwyddo ef," meddai'r Beibl.

oherwydd eu dewrder

Dydy rhyddid ddim yn rhydd. 

"Ar Ddiwrnod i Gofio, dyn ni'n anrhydeddu'r arwyr America a oedd  wedi colli eu bywydau yn anhunanol er mwyn amddiffyn ein rhyddid," meddai'r Arlywydd Trump. 

44fed

Dw i a'r gŵr yn dathlu ein 44fed penblwydd priodas heddiw. Trwy drugaredd Duw, dan ni'n dal gyda'n gilydd, wedi cael a magu 6 o blant. Y peth gorau i ni fel rhieni ydy gweld ein plant i gyd yn rhodio'n ffyddlon gydag Iesu Grist, ein Harglwydd ni.  

"Iddo ef y bo'r gogoniant am byth!" - Llythyr at y Rhufeiniaid

well ufuddhau

"Mae'n well ufuddhau nag aberthu.
Dw i ddim eisiau dy bres di ond dy fywyd di.
Clywaist ti'n dweud y do' i'n ôl yn fuan.
Ond ti'n ymddwyn fel bydda i byth yn dychwelyd.
Dw i eisiau mwy na Suliau a nosweithiau Mercher.
Oherwydd os na all di ddod ata i bob dydd,
yna, paid â thrafferthu dod o gwbl."

Mae hen gân Keith Green yn dal i alw ar Gristnogion i ddilyn Iesu o ddifri.

byw ein ffydd ni

Mae ein gweinidog dros dro yn pregethu ar bwnc penodol ers wythnosau, sef byw ein ffydd ni, nid dim ond dweud bod gannon ni ffydd. Mewn geiriau eraill, dylen ni fyw fel dilynwyr Iesu bob munud gan adlewyrchu ei gymeriadau.

anrheg sul y mamau

Ces i bres gan un o fy mhlant ar gyfer Sul y Mamau. Mae'n anodd penderfynu beth i'w gael bob tro. Does dim llawer angen arna i wrth i mi heneiddio. Ces i syniad da - prynais flodau a gwin o Israel. Dw i byth yn prynu blodau i fi fy hun, ac felly dewis perffaith oedd. Gwin o Israel - does dim eisiau esbonio; hyfryd cael mwynhau gwin da, a chefnogi economi Israel ar yr un pryd.

heddwch perffaith

Oes gynnoch chi eisiau heddwch perffaith yn y byd cythryblus hwn? Dyma fo!

"Yr wyt (Duw) yn cadw mewn heddwch perffaith
y sawl sydd â'i feddylfryd arnat,
am ei fod yn ymddiried ynot.
Ymddiriedwch yn yr ARGLWYDD o hyd,
canys craig dragwyddol yw'r ARGLWYDD Dduw," meddai Eseia.

pan fydd ofn

Pan fydd ofn a phryder gen i, ceisia' i gofio addewid Duw hwn.

"Paid ag ofni, yr wyf fi gyda thi;
paid â dychryn, myfi yw dy Dduw.
Cryfhaf di a'th nerthu,
cynhaliaf di â llaw dde orchfygol," meddai Duw.

erchylltra yn y Beibl

Mae rhannau o'r Beibl yn anodd darllen oherwydd yr erchylltra a ddisgrifiwyd. Mae Pennod 19 o'r Barnwyr ydy un ohonyn nhw. Roedd gan Dduw amcan, fodd bynnag, ar gyfer y rhain. Maen nhw'n dangos pa mor erchyll gall y byd fod pan fydd pobl yn troi eu cefnau ar Dduw, ac yn anwybyddu ei Air. Cewch chi weld yr un canlyniadau yn glir o'n cwmpas ni heddiw. Yr unig ddatrysiad ydy troi at Dduw, a byw drosto fo.

heb olygu

Roedd gan yr arweinwyr yn y Beibl yn llawn o namau. Yn aml iawn methon nhw gyflawni'r tasgau a roddodd Duw. Hefyd, mae hanes Israel yn yr Hen Destament yn hanes eu hanffyddlondeb i Dduw, tra bod Duw'n dal i'w caru nhw gan alw arnyn nhw i ddychwelyd ato fo. Dw i'n cael fy synnu'n aml fod yr Iddewon wedi gwarchod yr Ysgrythur heb geisio ei "olygu" drwy'r canrifoedd. Mae hyn yn profi mai gwir ydy o. 

dim ond un ffordd

Mae cynifer o "grefyddau" yn y byd. Cwestiwn cyffredin ydy, "fydd yr holl ffyrdd yn arwain at Dduw?" Mae rhai pobl yn bendant y bydd. Tra bod Duw'n caru pawb, ac eisiau i bawb ddod ato fo, mae dim ond un ffordd.

"Myfi yw'r ffordd a'r gwirionedd a'r bywyd. Nid yw neb yn dod at y Tad ond trwof fi," meddai Iesu.

"Nid oes iachawdwriaeth yn neb arall, oblegid nid oes enw arall dan y nef, wedi ei roi i'r ddynolryw, y mae'n rhaid i ni gael ein hachub drwyddo." - y Beibl

gorffwys go iawn

Mae nifer o bobl yn y byd wedi blino a dan bwysau heddiw er bod y bywyd yn galetach yn yr hen ddyddiau. Newyddion da - mae ateb, sef yr unig fodd i gael gorffwys go iawn:

"Dewch ataf fi, bawb sy'n flinedig ac yn llwythog, ac fe roddaf fi orffwystra i chwi," meddai Iesu.

tra bod amser

Mae'n amlwg bod nifer o bobl yn meddwl bydd y byd yn parhau am byth. Nid felly, yn ôl Gair Duw:

"Mae dydd yr Arglwydd yn dod. Ond bydd yn dod yn gwbl ddirybudd, fel lleidr. Bydd popeth yn yr awyr yn diflannu gyda sŵn rhuthr mawr. Bydd yr elfennau yn cael eu dinistrio gan dân, a phopeth ddigwyddodd ar y ddaear yn dod i’r golwg i gael ei farnu."  (Beibl.net)

Mae'r byd yn ymddangos yn para fel mae o, meddech chi. Dydy Duw ddim yn hwyr yn cyflawni ei addewidion, fodd bynnag:

"Bod yn amyneddgar gyda chi mae e. Does ganddo ddim eisiau i unrhyw un fynd i ddistryw. Mae e am roi cyfle i bawb newid eu ffyrdd." (Beibl.net)

Ac felly, ewch ato fo heddiw tra bod amser. 

adar gwyllt

Dw i'n hoff iawn o'r adar gwyllt yn y gymdogaeth. Mae'n braf clywed eu cân felys o gwmpas y tŷ, ac wrth i mi fynd am dro bob bore. Un peth ofnadwy amdanyn nhw ydy hwn fel gweler yn y llun. Dw i'n credu'n siŵr eu bod nhw'n anelu at ein blwch post ni, (ac unrhyw gar wedi'r barcio tu allan.)

addewid

"Os byddwch chi’n chwilio amdana i o ddifri, â’ch holl galon, byddwch chi’n fy ffeindio i." Beibl.net

Un o addewidion Duw ydy hwn. Mae o'n ffyddlon yn ei holl eiriau. Fe fedrwch chi ymddiried arno fo yn gyfan gwbl.

dim byd cuddiedig

"Nid oes dim a grewyd yn guddiedig o'i olwg, ond y mae pob peth yn agored ac wedi ei ddinoethi o flaen llygaid yr Un yr ydym ni i roi cyfrif iddo." - y Beibl

Mae'n amhosibl cuddio dim byd o olwg Duw. Mae o'n gweld a gwybod popeth.

ffyddlon hyd y diwedd

Heddiw gorffennon ni Llyfr Josua (Darllen y Beibl cyfan gyda Tony Perkins). 

"Rhaid i ni ddewis Duw neu "dduwiau" eraill, sydd mewn gwirionedd yn rymoedd cythreulaidd. Does dim tir niwtral ysbrydol. Mae pawb yn gwasanaethu rhywun," meddai Tony.
Mae Josua yn un o fy hoff gymeriadau yn y Beibl nawr. Arhosodd yn ffyddlon i Dduw hyd y diwedd, gan ufuddhau iddo ar unwaith, a rhoi gogoniant iddo, byth iddo'i hun.

"Byddaf fi a'm teulu yn gwasanaethu'r ARGLWYDD." - Josua 24:15

(Fy hoff gymeriadau eraill ydy Nehemeia, Benaia, Phinees, Jael.)

gwyn fel yr eira

"Os ydy’ch pechodau chi’n goch llachar,
gallan nhw droi’n wyn fel yr eira;
os ydyn nhw’n goch tywyll,
gallan nhw fod yn wyn fel gwlân," meddai'r Arglwydd Duw. (Beibl.net)

"Carodd Duw y byd gymaint nes iddo roi ei unig Fab (Iesu,) er mwyn i bob un sy'n credu ynddo ef beidio â mynd i ddistryw ond cael bywyd tragwyddol."

Ewch at Iesu, Duw mewn cnawd, sydd yn medru maddau eich pechodau i gyd. Ewch, tra bod y drws ar agor; bydd yn cau un diwrnod.

104 oed

Penblwydd hapus i fy mam yn Japan sydd yn troi'n 104 oed heddiw. Mae hi'n dal yn iach er gwaethaf ei dementia, ac yn dweud wrth ei hymwelwyr pa mor hapus mae hi bob dydd. Yn ei bywyd hir a chaled, rhaid y peth gorau a ddigwyddodd oedd iddi gredu yn Iesu. Mae hi'n gwybod ei fod o wedi maddau ei phechodau i gyd, a bydd hi'n mynd ato fo i fyw gyda fo am byth.

joshua a caleb

O holl genedl Israel, dim ond Joshua a Caleb wedi dilyn yr Arglwydd, Duw Israel gyda'u holl galonnau wrth i'r bobl fynd i'r tir addawedig. Bendithiodd Duw nhw yn enfawr iawn oherwydd eu ffyddlondeb. Esiampl ragorol i Gristnogion i gyd mae'r ddau.

78 oed

"Fe'ch casglaf o blith y bobloedd, a'ch dwyn ynghyd o'r gwledydd lle gwasgarwyd chwi, a rhoddaf ichwi dir Israel," meddai'r Arglwydd Dduw drwy Eseciel.

Mae cynifer o adnodau'r Beibl a broffwydodd y byddai Duw'n dod â'i bobl yn ôl at y tir a roddodd i Abraham. Fe'i cyflawnwyd yn 1948. Does modd i atal ewyllys Duw.

Penblwydd Hapus i Israel!

addewid

"Yn y byd fe gewch orthrymder," meddai Iesu.

Wir, mae'n amhosib osgoi gorthrymder yn y byd, ond does dim rhaid colli eich calonnau os ydych chi'n credu yn Iesu, oherwydd ei fod o wedi addo:

"ond codwch eich calon, yr wyf fi wedi gorchfygu'r byd."

"Yr wyf fi gyda chwi yn wastad hyd ddiwedd amser.”

Hefyd:

"Paid ag ofni, yr wyf fi gyda thi;
paid â dychryn, myfi yw dy Dduw.
Cryfhaf di a'th nerthu,
cynhaliaf di â llaw dde orchfygol."

dychweliad at Air Duw

Cynhelir America Reads the Bible ar hyn o bryd. Mae nifer o arweinwyr, gan gynnwys yr Arlywydd Trump, yn darllen yn uchel adnodau'r Beibl (o Genesis i Ddatguddiad) yn gyson drwy'r dydd am wythnos. Yr amcan ydy annog dinasyddion America i weddïo, pleidleisio ac ymgysylltu er lles ein cenedl ni. Bydd adnewyddiad parhaol yn dechrau ond drwy ddychweliad at Air Duw.

"Gwyn ei byd y genedl y mae'r Arglwydd yn Dduw iddi." - Beibl

paid ag arswydo

"Paid ag arswydo na dychryn, oherwydd yr wyf fi, yr Arglwydd dy Dduw, gyda thi ple bynnag yr ei," meddai'r Arglwydd wrth Johsua. 

Mae ei eiriau hyn yn rhoi nerth i mi pan oes ofn arna i oherwydd mai â ni hefyd mae o'n siarad.

un sydd yn cadw yfory

Dyma fy hoff hen emyn arall:

Dw i ddim yn gwybod beth fydd yn digwydd yfory. 

Dw i ond yn byw o ddydd i ddydd.
Dw i ddim yn pryderu am yfory oherwydd fy mod i'n gwybod beth ddwedodd Iesu.
Dw i ddim yn deall llawer o bethau,
ond dw i'n gwybod pwy sydd yn cadw yfory, a phwy sydd yn cadw fy llaw.

gobaith cadarn

Fu farw mam gŵr fy merch hynaf neithiwr o ganser. Er bod yn drist i'r teulu ffarwelio â hi (am y tro) wrth gwrs, maen nhw'n cael eu cysuro gan wybod ei bod hi gydag Iesu bellach, wedi cael ei rhyddhau o ddioddefaint corfforol. Dyma'n gobaith cadarn ni sydd yn credu yn Iesu a'i addewidion sicr.

tra pery'r ddaear

Mae ein iris ni newydd flodeuo.

“Tra pery'r ddaear,
ni pheidia pryd hau a medi, oerni a gwres,
haf a gaeaf, dydd a nos," meddai'r Arglwydd.

y genedl ddedwydd

"Gwna'r Arglwydd gyngor y cenhedloedd yn ddim,
a difetha gynlluniau pobloedd.
Ond saif cyngor yr Arglwydd am byth,

a'i gynlluniau dros yr holl genedlaethau.
Gwyn ei byd y genedl y mae'r Arglwydd  yn Dduw iddi." 

- Gair Duw

lili'r dyffryn

Mae'r Lili'r Dyffryn yn ein hiard ni yn blodeuo’n hardd. Dyma un o fy hoff emynau:

"Ynddo Ef yn unig y bydda i'n gweld popeth sydd angen 

i mi gael fy nglanhau ac yn fod yn hollol gyfan.
Mewn galar, Ef yw fy nghysur.

Mewn trafferth, Ef yw fy arhosfan.

Ef yw Lili'r Dyffryn, y Seren Fore Ddisglair."

mae'n amlwg

"Codwch eich llygaid i fyny."

"Y mae'r nefoedd yn adrodd gogoniant Duw,
a'r ffurfafen yn mynegi gwaith ei ddwylo."

"Ond yn awr gofyn i'r anifeiliaid dy ddysgu,
ac i adar y nefoedd fynegi i ti,
neu i blanhigion y tir dy hyfforddi,
ac i bysgod y môr dy gyfarwyddo.
Pwy na ddealla oddi wrth hyn i gyd
mai llaw'r Arglwydd a'u gwnaeth?"

- y Beibl

da yw

"Da yw Duw." 

Hyn ydy'r geiriau cyntaf a ddaeth oddi wrth geg yr awyrennwr a achubwyd o Iran yn y cynllun achub beiddgar.

Ydy, mae o!

gwanwyn

"Y mae tymor i bob peth, ac amser i bob gorchwyl dan y nef:
amser i eni, ac amser i farw,
amser i garu, ac amser i gasáu,
amser i ryfel, ac amser i heddwch."

A dyna sut fydd y byd yn bwrw ymlaen, nes i Iesu ddod yn ôl un diwrnod.

hanes Tomos

Doedd Tomos ddim yno pan wnaeth Iesu ymddangos. Dyma’r lleill yn dweud wrtho, “Dŷn ni wedi gweld yr Arglwydd!”

Ond ei ymateb oedd, “Nes i mi gael gweld ôl yr hoelion yn ei arddyrnau, a rhoi fy mys yn y briwiau hynny a rhoi fy llaw i mewn yn ei ochr, wna i byth gredu’r peth!”

Wythnos yn ddiweddarach roedd y disgyblion yn y tŷ eto, a’r tro hwn roedd Tomos yno gyda nhw. Er bod y drysau wedi’u cloi, daeth Iesu i mewn a sefyll yn y canol a dweud, “Shalôm!” Trodd at Tomos a dweud, “Edrych ar fy arddyrnau; rho dy fys i mewn ynddyn nhw. Estyn dy law i’w rhoi yn fy ochr i. Stopia amau! Creda!”

A dyma Tomos yn dweud, “Fy Arglwydd a’m Duw!”   -  Beibl.net

dal i fyw

Syrthiodd coeden ar y cae cyfagos yn ystod storm gref y llynedd. Cafodd hi ei thynnu allan wrth y gwreiddiau. Roedd yn edrych yn farw yn ystod y gaeaf, ond dyma hi! Mae hi'n egino dail newydd sbon! Rhaid bod rhan o'r gwreiddiau'n dal i fyw.

good friday?

Pam gelwir "good" pan groeshoeliwyd Iesu? - oherwydd ei fod wedi marw dros ein pechodau ni; oherwydd cymerodd y gosb droston ni fel cawn ni faddeuant gan Dduw. Nid diwedd y stori hon fodd bynnag. Atgyfododd wedyn, ac mae o'n byw; fe ddaw yn ôl un diwrnod.

pesach

Wrth i'r Arglwydd fynd o gwmpas yr Aifft, gwelodd o'r gwaed, nid y bobl tu mewn. Dim ond gwaed Iesu allu'n gorchuddio ni.

wythnos sanctaidd

"Llawenha'n fawr, ferch Seion;
bloeddia'n uchel, ferch Jerwsalem.
Wele dy frenin yn dod atat
â buddugoliaeth a gwaredigaeth,
yn ostyngedig ac yn marchogaeth ar asyn,
ar ebol, llwdn asen."  Sechareia 9:9

Cyflawnwyd y broffwydoliaeth 2,000 o flynyddoedd yn ôl; daeth Iddew o'r enw Iesu i Jerwsalem ar ebol asen, tra bod tyrfa gweiddi "Hosanna" a thaflu canghennau palmwydd ar y ffordd.

peidiwch â phryderu am yfory

"Peidiwch felly â phryderu am yfory, oherwydd bydd gan yfory ei bryder ei hun. Digon i'r diwrnod ei drafferth ei hun," meddai Iesu.

Wir, mae gan heddiw ddigonedd o drafferth. Does angen ychwanegu mwy drwy bryderu am yfory. Digon i mi ei ras o.

ni bydd eisiau arnaf

Yr Arglwydd yw fy mugail, ni bydd eisiau arnaf.
Gwna imi orwedd mewn porfeydd breision, 

a thywys fi gerllaw dyfroedd tawel, 

ac y mae ef yn fy adfywio....

Er imi gerdded trwy ddyffryn tywyll du, nid ofnaf unrhyw niwed,
oherwydd yr wyt ti gyda mi.
- y Brenin Dafydd

casgliad

Cyflogodd y brenin Balac o Foab Balam i felltithio pobl Israel o gwmpas 1400 C.C. Methodd Balam bedair gwaith, fodd bynnag. Daeth fendith o'i geg yn lle melltith bob tro. Daeth i’r casgliad yn y diwedd, ac ailadrodd addewid Duw i Abraham:

"Bydded bendith ar bawb a'th (Israel) fendithia, a melltith ar bawb a'th felltithia."

Dyna fo.

aros i glywed

“Er mwyn hyn yr wyf fi wedi cael fy ngeni, ac er mwyn hyn y deuthum i'r byd, i dystiolaethu i'r gwirionedd,” meddai Iesu. Meddai Pilat wrtho, “Beth yw gwirionedd?” Wedi iddo ddweud hyn, daeth allan eto..... (yn ôl Efengyl Ioan)

Drueni nad oedd Pilat wedi aros i glywed ateb gan Iesu i'w gwestiwn. Roedd o'n siarad gyda Gwirionedd ei hun, sef Duw mewn cnawd.

chuck norris

"Mae'n bwysig gwneud eich heddwch â Christ tra bo cyfle. Mae bywyd mor fregus fel nad ydych chi byth yn gwybod pryd bydd yn gorffen." - Chuck Norris

Cytuno'n llwyr.

doniol

"Penderfynon ni rannu'r môr gydag Iran, a dyn ni weddi rhoi iddyn nhw hanner gwaelod ohono fo." - Yr Ysgrifennydd Rhyfel Pete Hegseth

Mae o'n wych!

tymor i bob peth

"Y mae tymor i bob peth, ac amser i bob gorchwyl dan y nef:
amser i ryfel, ac amser i heddwch."

"Bendigedig yw yr Arglwydd, fy nghraig;
ef sy'n dysgu i'm dwylo ymladd, ac i'm bysedd ryfela."

Geiriau Duw

wele fe'n dod

"Pan fydd yr archangel yn galw ac utgorn Duw yn seinio, bydd yr Arglwydd ei hun yn disgyn o'r nef; bydd y meirw yng Nghrist yn atgyfodi yn gyntaf, ac yna byddwn ni, y rhai byw a fydd wedi eu gadael, yn cael ein cipio i fyny gyda hwy yn y cymylau, i gyfarfod â'r Arglwydd yn yr awyr; ac felly byddwn gyda'r Arglwydd yn barhaus." - 1 Thesaloniaid 4

Dyma ein gobaith ni sydd yn credu yn Iesu ac yn byw drosto fo.

bendith Duw

“Bydded i'r Arglwydd dy fendithio a'th gadw;
bydded i'r Arglwydd lewyrchu ei wyneb arnat, a bod yn drugarog wrthyt;
bydded i'r Arglwydd edrych arnat, a rhoi iti heddwch." - Numeri 6

Mae Duw wrth ei fodd yn bendithio ei bobl. Cewch heddwch go iawn ganddo.

blodeuyn yn gwywo

"Y mae'r glaswellt yn crino, a'r blodeuyn yn gwywo;
ond y mae gair ein Duw ni yn sefyll hyd byth," meddai Eseia.

addewid Duw

Y mae ef (Duw, sef Iesu Grist) wedi dweud, 

“Ni'th adawaf fyth, ac ni chefnaf arnat ddim.” 

Am hynny dywedwn ninnau'n hyderus:
“Yr Arglwydd yw fy nghynorthwywr, ac nid ofnaf; beth a wna pobl i mi?”

Iesu Grist, yr un ydyw ddoe a heddiw ac am byth.
- Hebreaid 13

Diolch i ti, yr Arglwydd am dy addewid. 

dynes haearn japaneaidd

Mae Prif weinidog Japan newydd gyhoeddi y byddai'n rhyddhau casgenni o olew o'i gronfeydd wrth gefn. Hynod o anarferol i Japan i wneud peth beiddgar o flaen neb arall. Fel arfer, maen nhw'n edrych o gwmpas a dilyn y mwyafrif.  Dynes haearn Japaneaidd mae hi yn bendant.

Gwelais fod IEA wedi penderfynu gwneud yr un peth.

er mwyn i genedl dderbyn bendith

"Gwna'r Arglwydd gyngor y cenhedloedd yn ddim, a difetha gynlluniau pobloedd.
Ond saif cyngor yr Arglwydd am byth, a'i gynlluniau dros yr holl genedlaethau.

Gwyn ei byd y genedl y mae'r Arglwydd yn Dduw iddi,
y bobl a ddewisodd yn eiddo iddo'i hun."    Salm 33:10 - 12