ble mae'r arlywydd go iawn?

"Ga' i siarad â Trump? Ble mae o? Hoffwn gael cyfarfod ag arlywydd go iawn," meddai prif weinidog Israel, wedi cyrraedd America. Hollol gredadwy! Go da, y Wenynen unwaith eto!

Gwahodd a wnaeth Donald Trump Bibi Netanyahu i Mar-a-Lago wedi'r cwbl.

mae'r addewid yn dal

"Bendithiaf y rhai sy'n dy fendithio, a melltithiaf y rhai sy'n dy felltithio, ac ynot ti bendithir holl dylwythau'r ddaear.” Genesis 12:3

Mae rhai yn gwrthwynebu bendith Duw ar ddisgynyddion Abraham oherwydd hanes anffyddlondeb Israel. Ond nid dyna'r pwynt. Mae dewis Duw'n dibynnu ar Ei ras ac er mwyn Ei enw Ei hun. Mae'r addewidion yn dal. Bydd y rhai sy'n bendithio Israel yn cael eu bendithio, a bydd y rhai sy'n gwneud niwed iddyn nhw'n wynebu dicter Duw. I rai pobl, gall fod yn anodd sefyll a siarad dros Israel yn yr hinsawdd gyfredol, ond mae eisiau ffrindiau ar Israel rŵan yn fwy nag erioed. Well i ni fod ar ochr Dduw yn hytrach na ar ochr Ei gelynion.

llwyddodd buwch ddringo i'r do ar oleddf

Yn erbyn esgus gwirion Pen Gwasanaeth Cudd yr Unol Daleithiau, wedi iddyn nhw fethu amddiffyn y cyn arlywydd Trump, mae memes doniol yn mynd o gwmpas yn helaeth. Hwn ydy fy ffefryn. Mae angen chwerthin arnon ni yn y byd tywyll hwn, nag oes?

canlyniad annisgwyl

Mae Donald Trump yn edrych yn wahanol, wedi'r ymosodiad ar ei fywyd yn ddiweddar; mae o'n ymddangos yn feddylgar a llai cellweirus. Fel dwedodd Franklin Graham yn y confensiwn Gweriniaethol, "pan fyddwch chi'n mynd drwy’r profiadau felly, byddan nhw'n eich newid chi. Gellir gwneud i chi ail-feddwl am eich bywydau a'ch blaenoriaethau chi."

Un peth yn amlwg. Dygodd canlyniad hollol groes i gynllun y drygionus - unodd y trosedd erchyll bobl America. Bellach, mae mwy a mwy ohonyn nhw'n cefnogi Donald Trump.

dewis delfrydol

Mae'n rhaid i Donald Trump ddewis dyn delfrydol ar gyfer yr ymgeisydd is-lywydd, oherwydd bod ei elynion yn gwylltio'n lân ac yn ofnus tu hwnt.

y llun: J.D. Vance wrth Wal Jerwsalem

"Rho inni gymorth rhag y gelyn, oherwydd ofer yw ymwared dynol.
Gyda Duw fe wnawn wrhydri; ef fydd yn sathru ein gelynion."
Y Salmau 60:11, 12

bwrw dy faich

"Bwrw dy faich ar yr Arglwydd, ac fe'th gynnal di."
y Salmau 55:22

gras Duw

Dim ond gras Duw a gweddïau taer ei bobl achubodd bywyd y cyn Arlywydd Trump. "Bydded i ein cenedl ni fod yn rhagorol unwaith eto yng ngolwg Duw." Amen.

hwb aruthrol i boblogrwydd mr. biden

Cafodd dementia Mr. Biden ei weld yn glir gan y byd yn ddiweddar er gwaethaf ymdrechion y Democratiaid a'r prif gyfryngau i'w guddio rhag y cyhoedd. Trodd y Wenynen ei "gaffe" enwog yn erthygl ofnadwy o ddoniol. Un o'i gorau mae hi!

coginio er gwaethaf rocedi

Hyd yn oed wedi'r holl drigolion eu gwacáu oherwydd ymosodiadau rocedi Hezbollah, mae'r gynulleidfa Fesianaidd yn Kiryat Shmona, yng ngogledd Israel yn dal i wasanaethu milwyr y IDF gan goginio prydau o fwyd poeth bob dydd. Goleuni mewn tywyllwch maen nhw. 

ugain addewid y blaid weriniaethol

Mae'r blaid wedi mabwysiadu polisïau hynod o syml a chlir y cyn Arlywydd Trump. Maen nhw'n ardderchog a hollol resymol. Dw i'n eu cefnogi nhw cant y cant.

murlun yn yr almaen

Yn yr Almaen bydd fy merch hynaf yn peintio'r murlun nesaf. Bydd hi a’i gŵr yn hedfan i Wuppertal ger Cologne i greu murlun mawr ar wal adeilad 4 llawr, murlun mwyaf iddi. Mae'r trefnydd trefnus wrthi'n trin y wal ar ei chyfer hi ar hyn o bryd. (clên iawn!)

y porth

“Pe bai eich pechodau fel ysgarlad, fe fyddant cyn wynned â'r eira;
pe baent cyn goched â phorffor, fe ânt fel gwlân." Eseia 1:18

"Carodd Duw y byd gymaint nes iddo roi ei unig Fab, er mwyn i bob un sy'n credu ynddo ef beidio â mynd i ddistryw ond cael bywyd tragwyddol."  Ioan 3:16

Mae'r porth agor i bawb, ond cul.

Dywedodd Iesu wrtho, “Myfi yw'r ffordd a'r gwirionedd a'r bywyd. Nid yw neb yn dod at y Tad ond trwof fi." Ioan 14:6

y gwir ryddid

Gwlad y Rhydd, Cartref y Dewr...

Wir, mae America yn wlad rydd, brin yn yr hanes dynol. Mae ond un gwir ryddid, fodd bynnag, sef rhyddid drwy Iesu Grist.

"Felly os yw'r Mab yn eich rhyddhau chwi, byddwch yn rhydd mewn gwirionedd". - Ioan 8:36

248 oed

Penblwydd Hapus i America!

“Mae America yn odidog oherwydd bod America yn dda, os bydd America yn peidio â bod yn dda, bydd America yn peidio â bod yn odidog.” - Alexis de Tocqueville

mae'n amlwg

"Y mae'r nefoedd yn adrodd gogoniant Duw, a'r ffurfafen yn mynegi gwaith ei ddwylo." - y Salmau 19:1

Mae bodolaeth Duw yn amlwg drwy ei greadigaeth. Does gan neb esgus peidio â'i gredu.

canmoliaeth

Mae mwy a mwy o bobl yn gwylio fideos Hebraeg ac Arabeg One for Israel. Mae'r sefydliad yn derbyn llwyth o ymatebion bob dydd oddi wrth yr Iddewon yn Israel, a'r Mwslemiaid o bedwar ban byd gan gynnwys Gaza. Mae nifer ohonyn nhw'n cael eu denu gan fideos cerddoriaeth. Nerthol ydy canmoliaeth! Mae eu hundod hefyd yn arf ysbrydol pwerus iawn.

paid â llawenhau pan syrth dy elyn

Wedi'r ddadl rhwng y Cyn-arlywydd Trump a Mr. Biden, mae rhai pobl yn gwawdio'r olaf, ond byddwch chi'n ofalus, a gwybod beth mae Gair Duw yn ei ddweud:

"Paid â llawenhau pan syrth dy elyn, nac ymfalchïo pan feglir ef, rhag i'r Arglwydd weld, a bod yn anfodlon, a throi ei ddig oddi wrtho." Diarhebion 24:17,18

Hefyd:

"Na fydd ddig wrth y rhai drygionus, na chenfigennu wrth y rhai sy'n gwneud drwg. Oherwydd nid oes dyfodol i neb drwg, a diffoddir goleuni'r drygionus."
Diarhebion 24:19, 20

dydy Iesu ddim ar y bleidlais

Dyma bregeth gan Gary Hamrick ar Rufeiniaid 13, ynglŷn â llywodraethau a Christnogion - y bregeth orau ar y pwnc a glywais erioed.

"Pleidleisiwch dros y rhai sydd yn rhannu ein hegwyddorion ni mor agos â phosibl, oherwydd nad ydy Iesu ar y bleidlais."

paid ag ofni

"Paid ag ofni" - dywed y geiriau hyn cynifer o amser yn y Beibl. Roedd gan hyd yn oed Elias a oedd mor ddewr yn erbyn y Brenin Ahab a'r proffwydi Baal ac Asera, ofn pan fygythiwyd gan y Frenhines Jesebel; ffoi a wnaeth am ei fywyd. Mae gan bawb ofn. Dyna pam roddodd Duw i ni gynifer o addewidion. Does dim rhaid inni ofni oherwydd bod Iesu wedi gorchfygu'r byd, ac mae O gyda ni.

9 arwydd

Mae nifer o Gristnogion ifanc yn chwilio am eu darpar priod, mae'n siŵr. Dydy hi ddim yn hawdd bob amser dod o hyd i'r un sydd yn addas i chi. Dyma gyngor doniol gan y Wenynen. Mae'r rhan fwyaf ohono fo'n ddefnyddiol mewn gwirionedd. Dw i'n hoffi rhif 4!

bendithiaf y rhai sy'n dy fendithio

Geert Wilders: "Mae Israel yn ein ffrind annwyl a chynghreiriad. Yr unig ddemocratiaeth yn y Dwyrain Canol sydd yn ymladd dros fodolaeth y famwlad Iddewig maen nhw. Ac i derfysgwyr Hamas a charfanau radical Palestinaidd, dywedaf; pan ddych chi'n dechrau rhyfel, peidiwch â chwyno os byddwch chi'n ei golli."

Diolch i Geert Wilders am ei ddewrder. Bydded i Dduw Israel ei fendithio yn ôl Ei addewid.

y naill neu y llall

Beth mae'n ei olygu, "caru Iesu"?

Meddai, "Os yw rhywun yn fy ngharu i, bydd yn cadw fy ngair i... Nid yw'r sawl nad yw'n fy ngharu i yn cadw fy ngeiriau i...." - Ioan 15:23, 24

Felly, allwch chi ddim dweud eich bod chi'n caru Iesu os dach chi'n  anwybyddu ei air. Naill ai Iesu eich Arglwydd chi neu dydy o ddim; does dim tir canol.

dyn doethaf yn y byd

"A phan welodd brenhines Sheba holl ddoethineb Solomon, a'r tŷ a adeiladodd, ac arlwy ei fwrdd, eisteddiad ei swyddogion, gwasanaeth ei weision a'i drulliaid yn eu lifrai, a'r poethoffrymau y byddai'n eu hoffrymu i'r Arglwydd, diffygiodd ei hysbryd." - 1 Brenhinoeddd 10:4,5

"Wedi clywed y cyfan, dyma swm y mater: ofna Dduw a chadw ei orchmynion, oherwydd dyma ddyletswydd pob un." - y Pregethwr 12:13

Roedd y Brenin Solomon yn ddyn doethaf yn y byd, a bendithiwyd gan Dduw yn fawr iawn. Trueni na chymerodd o'i gynghorion doeth ei hun.

ailgylchu arwyddion

Mae'r ci drws nesaf yn mynnu dod i'n hiard ni drwy ddringo'r ffens. Mae'r perchennog yn gwrthod ateb y drws pan aeth y gŵr i siarad â fo. Ces i syniad da - Mae gynnon ni hen arwyddion iard ymgeiswyr gwleidyddol yn y garej. Dyma ni yn eu hailgylchu nhw er mwyn atal y ci rhag dringo'r ffens.

mae gan obaith enw

Gobaith - yr elfen bwysicaf mewn bywyd

Pwy gall fyw hebddo fo? Ond beth ydy gobaith? Mae rhai yn dweud mai agwedd meddyliol cadarnhaol ydy o, ond mae'r Beibl yn dweud mai dibyniaeth gadarn ar Dduw ydy gobaith. Ac mae gan obaith enw, sef Iesu.

safonau dwbl

Lladdwyd miliynau yn y Congo - dim penawdau
Bu farw hanner miliwn yn Syria - dim dicter
Collwyd 77,000 o fywydau yn Yemen - distawrwydd
Lladdwyd 236,000 yn Afghanistan - wedi'u hanwybyddu
Llofruddiwyd 500,000 yn Swdan - dim ymateb
Lladdwyd 300,000 o Yezidi yn Irac - wedi'u hanwybyddu
Lladdwyd 62,000 o Gristnogion yn Nigeria - dim sylw

Mae Israel yn amddiffyn ei hun ar ôl i Hamas oresgyn a llofruddio sifiliaid - ysgelerder byd-eang

Gwarthu ydy'r safonau dwbl hyn. 

(Y post gwreiddiol yn Saethneg gan Hananya Naftali)

gweddi dros Israel

"O Arglwydd, gwared fi rhag pobl ddrygionus;
cadw fi rhag rhai sy'n gorthrymu,
rhai sy'n cynllunio drygioni yn eu calon,
a phob amser yn codi cythrwfl." - Salmau 140:1,2

Penblwydd hapus i'r cyn arlywydd trump

Does dim angen cymryd y cyfrifoldeb enfawr arno fo; mae o'n medru ymddeol ac ymlacio’r gweddill o'i fywyd yn gyfforddus. Dewisodd, fodd bynnag, i frwydro dros America. Dw i'n credu iddo gael ei ddewis gan Dduw i gyflawni Ei ewyllys ar gyfer y fath amser â hwn. Dewisodd ddyn oedrannus, yn hytrach na dyn ifanc, er mwyn dangos mai O sydd yn rhoi nerth, dw i'n credu.

"Oherwydd trwot ti y gallaf oresgyn llu;
trwy fy Nuw gallaf neidio dros fur." - y Salm 18:29

blaen y mynydd iâ

Mae 30,000 Iddewon sydd yn credu yn eu Meseia yn Israel heddiw. Yn ôl One for Israel, mae'n debyg mai blaen y mynydd iâ maen nhw yn ystyried y nifer o ymatebion a thystiolaethau a dderbynnir bob dydd. Mae gan y credinwyr newydd ofn dangos eu ffydd yn Iesu. Mae OFI yn gofyn am weddi drostyn nhw fel bydd Gair Duw yn byw'n llawn ynddyn nhw drwy'r gwasanaethau a deunyddiau ar-lein.

heddwch ar bob cyfrif

 "Heddwch os yn bosibl, gwirionedd ar bob cyfrif."
 - dywediad doeth gan Martin Luther

Mae'r byd yn gofyn am heddwch ar bob cyfrif gan anwybyddu gwirionedd y dyddiau hyn.

"Y mae tymor i bob peth, ac amser i bob gorchwyl dan y nef:
amser i eni, ac amser i farw,
amser i ryfel, ac amser i heddwch." - y Pregethwr 3:1, 8b

beth bynnag y mae rhywun yn ei hau

Y mae'n sicr na chaiff un drwg osgoi cosb,
ond caiff plant y cyfiawn fynd yn rhydd. - Diarhebion 11:21

Peidiwch â chymryd eich camarwain; ni chaiff Duw mo'i watwar, oherwydd beth bynnag y mae rhywun yn ei hau, hynny hefyd y bydd yn ei fedi. - Galatiaid 6:7

beth mae'r Arglwydd yn ei gasáu

Dau beth sy'n gas gan yr Arglwydd –
gollwng yr euog yn rhydd a chosbi'r dieuog.
Diarhebion 17:15 (Beibl.net)

Gwae'r rhai sy'n galw drwg yn dda, a da yn ddrwg,
sy'n gwneud tywyllwch yn oleuni, a goleuni yn dywyllwch,
sy'n gwneud chwerw yn felys a melys yn chwerw.
Eseia 5:20

diwrnod jerwsalem

Mae'n coffáu ailuno Jerwsalem o dan sofraniaeth Iddewig yn 1967. Yn anffodus, roddodd Moshe Dayan, Gweinidog Amddiffyn ar y pryd, y sofraniaeth i Iorddonen yn gyfnewid am heddwch na ddaeth. Un diwrnod, fodd bynnag, bydd Jerwsalem dan sofraniaeth yr Arglwydd Iesu, a bydd tangnefedd go iawn yno.

ofn yr Arglwydd yw

Ofn yr Arglwydd yw casáu drygioni.
Diarhebion 8:13

Dywedir yn aml ddylech chi ddim casáu dim, ond dydy Gair Duw ddim yn cytuno â'r farn boblogaidd hon.

Y mae tymor i bob peth, ac amser i bob gorchwyl dan y nef.
Y Pregethwr 3:1

dagrau mefus

Mae fy merch hynaf newydd orffen murlun arall. Roedd dwsinau o artistiaid wrthi'n creu murluniau lliwgar yn Ŵyl Furlun yn Ponca City, Oklahoma penwythnos diwethaf. Cafodd gymorth gwerthfawr gan ei gŵr a'i ffrind o Japan. Dagrau Mefus ydy teitl y murlun. Roedd yn hynod o boblogaidd ymysg ymwelydd benywaidd.

$53 miliwn o ddoleri

Cododd y Cyn Arlywydd Trump 53 miliwn o ddoleri mewn 24 awr, wedi iddo gael ei ddyfarnu'n euog. Pobl newydd oedd 1/3 o'r rhoddwyr. Dyma farn cynifer o Americanwyr. Digon ydy digon. Mae'r system gyfiawnder yn ddychrynllyd o lygredig. Do, rhoddais bres i'r achos hefyd - 34 doler er mwyn symboleiddio 34 cyfrif o'r ffeloniaethau bondigrybwyll.

Cangarŵ druan! Mae'n mynd o ddrwg i waeth iddyn nhw.

cangarŵ druan

Maen nhw'n cael hi'n anodd ymdopi'n ddiweddar. Cafodd eu henw ei gipio a'i faeddu gan bobl ddifeddwl. Os gwelwch chi'n dda, stopio ei ddefnyddio i ddisgrifio system gyfiawnder llwgr Unol Daleithiau! Da iawn eto, y Wenynen!

arbed ynni neu beth

Roedden ni'n gorfod prynu peiriant sychu dillad wythnosau'n ôl. Roedd ein hen un ni'n gweithio'n dda nes iddo gyrraedd diwedd ei fywyd. Cafodd yr un newydd ei wneud yn ôl rheolau arbed ynni'r llywodraeth. Mae hyn yn golygu nad ydy dillad yn sychu'n dda. Rhaid iddyn nhw aros yn y peiriant yn hirach, yn defnyddio mwy o ynni.

llewys pwff

Mae fy merch hynaf newydd orffen paentiad wedi'i gomisiynu. Dyma ferch Ffilipinaidd sydd yn gwisgo ffrog gyda llewys pwff traddodiadol. Sampaguita ydy'r blodyn gwyn (blodyn cenedlaethol Ynysoedd y Philipinau.)

dydd cofio

Nad ydy rhyddid yn rhad ac am ddim.

cynhesu byd-eang eithaf

"Mae dydd yr Arglwydd yn dod. Ond bydd yn dod yn gwbl ddirybudd, fel lleidr. Bydd popeth yn yr awyr yn diflannu gyda sŵn rhuthr mawr. Bydd yr elfennau yn cael eu dinistrio gan dân, a phopeth ddigwyddodd ar y ddaear yn dod i'r golwg i gael ei farnu. Am fod popeth yn mynd i gael ei ddinistrio fel hyn, mae'n amlwg sut bobl ddylen ni fod! Dylen ni fyw bywydau glân sy'n rhoi Duw yn y canol, ac edrych ymlaen yn frwd i ddiwrnod Duw ddod."
- 2 Peder 3:10-12 (Beibl.net)

Tyrd, Arglwydd Iesu!

42fed

Roedd yn ein 42fed penblwydd priodas ni ddoe. Dathlon ni gan gael swper yn Napoli's, ac archebu Tiramisu. (Dan ni byth yn archebu pwdin fel arfer.) Dw i'n diolch i Dduw bob dydd am y gŵr sydd yn caru Iesu o'i galon, a gweithredu Gair Duw yn ddidwyll.

y rheswm

Esgorodd y Duw grŵp ethnig, sef Iddewon, drwy Abraham, er mwyn datgeli Meseia a'i gynllun iachawdwriaeth. Dyna pam dylai'r Cristnogion i gyd fendithio ac anrhydeddu Israel ac Iddewon. Trwy wneud hyn, byddan nhw'n bendithio ac anrhydeddu Duw.

- Gary Hamrick, Cornerstone Chapel, Virginia

datganiad Duw

Dywed Arglwydd y Lluoedd:

"Bendithiaf y rhai sy'n dy fendithio, a melltithiaf y rhai sy'n dy felltithio ...." Genesis 12:3

".... am fod pob un sy'n cyffwrdd â chwi yn cyffwrdd â channwyll ei lygad." Sechareia 2:8

gweiddi llawen

Pan mae'r cyfiawn yn llwyddo mae'r ddinas wrth ei bodd;
mae gweiddi llawen ynddi pan mae'r rhai drwg yn cael eu dinistrio.
Diarhebion 11:10 (beibl.net)

does dim lle yn y llety

Cyrcydodd gwesty yn Nashville mewn ofn dan fygythiad gan grŵp gwrth-semitiaeth. Does dim lle yn y llety.

cyngor doeth

"Mae pobl synhwyrol yn rheoli eu tymer; maent yn ennill parch trwy anwybyddu sarhad."

Diarhebion 19:11

Mewn geiriau eraill: peidiwch â chwysu pethau bychain.

dihareb yn ddarluniad

Dyma ddarluniad gan fy merch hynaf, wedi iddi glywed y ddihareb a bostiais Ddydd Llun! Ces i fy synnu ei bod hi wedi ei throi hi yn gelf, ac ar unwaith hefyd. Rhaid bod y ddihareb danio ei dychymyg.

76 a 3,000 oed

Penblwydd hapus i Israel yn 76 a 3,000 oed. 
Mae ffyddlondeb Duw Israel yn para am byth. Bydd o'n cyflawni ei addewidion heb fethu nac oedi.
"Fel hyn y dywed yr Arglwydd Dduw: O fy mhobl, yr wyf am agor eich beddau a'ch codi ohonynt, ac fe af â chwi'n ôl i dir Israel. Yna, byddwch chwi fy mhobl yn gwybod mai myfi yw'r Arglwydd...." Eseciel 37:12, 13

heb eu dweud

Mae dywediad hynod o ddoeth yn Japaneg. Dw i ddim yn gwybod a oes un tebyg yn Gymraeg. 
Hwn ydy cyfieithiad syml: Heb eu dweud - blodyn.
Mae'n golygu bod yna rai pethau gwell gadael heb eu dweud.
Doeth iawn.

blodau coffi

Doeddwn i ddim yn gwybod pa mor hardd ydy blodau coffi nes gweld y fideo hwn gan Job yn Honduras. Mae o a'i deulu'n rhedeg fferm er mwyn dangos i'r ffermwyr lleol ffordd llawer gwell i ffermio. Mae hyn yn agor drws iddo rannu'r Efengyl gyda nhw hefyd. Cafodd help gan griw o Iowa'n ddiweddar.

gor-wyres

Cafodd fy mam ymwelydd arbennig, sef ei gor-wyres. Aeth fy merch â'i babi i weld ei nain am y tro cyntaf ers cael y babi dri mis yn ôl. Roedd fy mam wrth ei bodd wrth gwrs, ac yn mynnu y byddai ei gor-wyres yn tyfu'n ferch hardd!

datrysiad

Mae gen i syniad gwych i ddatrys problem gyfredol yn Gaza: dylai'r Aifft agor y porth ar groesfan Rafah, a gadael i bobl Gaza lochesi yn eu gwlad. Wedi'r cwbl, mae cyd Mwslemiaid mae pobl Gaza, heb sôn am ba mor enfawr ydy Penrhyn Sinai. Mae yna fwy na digon o le i groesawi ffoaduriaid. Os nad ydy'r Aifft eisiau ei wneud o, dylai'r Cenhedloedd Unedig, neu'r Unol Daleithiau orchymyn i'r Aifft ei wneud o, fel maen nhw'n bob amser orchymyn i Israel wneud hyn a'r llall. Yna, gall yr IDF ddinistrio Hamas yn llwr heb boeni am y bobl.

diwrnod yr holocost

Mae Israel yn cofio heddiw'r 6 miliwn a gafodd eu llofruddio. Mae'r byd yn condemnio beth wnaeth y Natsiaidd bryd hynny, ond mae'n anwybyddu’r peth ofnadwy o waeth yn digwydd ers 7 Hydref. Mae Byth Eto yn golygu Rŵan.

ieir iâr yn honduras

Mae Job, un o genhadon fy eglwys, yn dosbarthu ieir iâr yn rhad ac am ddim ymysg teuluoedd yn ei ardal yn Honduras. Mae'r wyau yn darparu maeth pwysig i'r bobl dlawd yno. Yna, bydd Job yn mynd o gwmpas yn prynu'r wyau sydd ar ôl, eu cludo at y farchnad yn y dref, a'u gwerthu. Mae o'n talu pris y farchnad i'r teuluoedd, ac felly cymorth enfawr iddyn nhw; maen nhw'n cael ennill pres a heb fynd i'r farchnad eu hun.

tipyn bach o erledigaeth

Mae cynifer o Gristnogion yn y gwledydd gorllewinol yn dal i gysgu. Naill ai mae ganddyn nhw ofn cefnogi'r cyfiawnder a gwirionedd, neu maen nhw'n rhy brysur gyda phethau beunyddiol. Dyma fideo ardderchog gan One for Israel am y pwnc llosg. "Bydd tipyn bach o erledigaeth yn gwneud lles i Eglwys America." Cytuno'n llwyr.

blodeuyn yn gwywo

Y mae'r glaswellt yn crino, a'r blodeuyn yn gwywo;
ond y mae gair ein Duw ni yn sefyll hyd byth. (Eseia 40:8)

cynllun anhygoel y Duw.

Cafodd coesyn iris yn yr iard ei dorri'n ddau gan storm gref. Achubodd y gŵr y planhigyn druan neithiwr, a dyma fi'n ei osod mewn ffiol. Ces i fy synnu'n bleserus y bore 'ma yn gweld y blaguryn yn blodeuo. Wrth weld y blodyn yn fanwl, ces i fy nharo i sylwi'r harddwn a chynllun anhygoel y Duw.

gŵyl redyn coch

Mae Gŵyl Redyn Coch yn cael ei chynnal yn y dref yma ddoe a heddiw. Digwyddiad poblogaidd ymysg y bobl tu allan yn hytrach na'r trigolion ydy o, y dweud y gwir. Mae mwy na 40,000 o bobl yn cael eu disgwyl eleni! (16,000 ydy'r boblogaeth.) Achosodd glaw trwm oedi ddoe, ond mae'n heulog ysbeidiol heddiw. Gobeithio y bydd y bobl yn cael hwyl.

felly sut dylen ni fyw?

Deng mlynedd a thrigain yw blynyddoedd ein heinioes, neu efallai bedwar ugain trwy gryfder, ond y mae eu hyd yn faich ac yn flinder; ânt heibio yn fuan, ac ehedwn ymaith. - y Salmau 90:10

Felly, gwyliwch eich ymddygiad yn ofalus, gan fyw, nid fel rhai annoeth ond fel rhai doeth. - Effesiaid 5:15

Gwnewch yn siŵr beth sy'n gymeradwy gan yr  Arglwydd. Gwrthodwch ymgysylltu â gweithredoedd diffrwyth y tywyllwch, ond yn hytrach dadlennwch eu drygioni. - Effesiaid 10:11

102 oed

Bydd fy mam yn troi'n 102 oed 25 Ebrill. Collodd rywfaint o'i chof ond mae'n rhyfeddol o iach am ei hoed. Gyda gofal clên staff y cartref henoed, mae'n dal i fwynhau'r bywyd bob dydd. Y peth hyfrytaf ydy ei bod hi'n credu yn Iesu Grist, ac ynddo fo mae ganddi obaith tragwyddol.

pesach hapus

"Yna bydd pob aelod o gynulleidfa Israel yn eu lladd fin nos, byddant yn cymryd peth o'r gwaed a'i daenu ar ddau bost a chapan drws y tai lle y bwyteir hwy.... Pan welaf y gwaed byddaf yn mynd heibio i chwi, ac ni fydd y pla yn eich difetha pan drawaf wlad yr Aifft." Exodus 12)

Yn union fel roedd gwaed oen perffaith yn amddiffyn yr Israeliaid rhag y pla, bydd gwaed Iesu yn amddiffyn pawb sy'n credu ynddo rhag digofaint Duw.

Pesach Hapus - hapus go iawn i bawb sydd yn credu.

peidiwch â chydymffurfio

Peidiwch â chydymffurfio â'r byd hwn, ond bydded ichwi gael eich trawsffurfio trwy adnewyddu eich meddwl, er mwyn ichwi allu canfod beth yw ei ewyllys, beth sy'n dda a derbyniol a pherffaith yn ei olwg ef. (Rhufeiniaid 12:2)

yr iris cyntaf

Ces i fy nghyfarch gan yr iris cyntaf yn yr iard y bore 'ma. Ceith ei ddilyn gan nifer o eraill. Maen nhw'n dda; dydyn nhw ddim angen gofal o gwbl bron. Dyma flodau i mi!

adfyd neu ffyniant

"Bydd hwn yn pasio hefyd."
- arwyddair craff a chryno ar gyfer adfyd neu ffyniant a roddwyd gan Solomon i'r Swltan, yn ôl y traddodiad. Mae'n taro deuddeg yn bendant. 

Dwedwyd hwn yn dda mewn ffordd arall, gan Nanw Siôn yn "Te yn y Grug":
"D' ydi amsar diodda nag amsar petha braf ddim yn para'n hir."

Hwn sydd yn para'n hir, neu am byth -

Gair Duw

melltithiaf y rhai sy'n dy felltithio

Lansiodd Iran dros 300 o daflegrau balistig gan gynnwys dronau o Iran, Irac, ac Yemen tuag at ddinasoedd Israel. Cafodd y rhan fwyaf ohonyn nhw eu dinistrio gan Awyrlu Israel yn yr awyr cyn iddyn nhw gyrraedd eu cyrchfan, gyda chymorth rhai gwledydd eraill. Rhaid Iran a phwy bynnag sydd eisiau niweidio Israel cofio geiriau Duw:

"Bendithiaf y rhai sy'n dy fendithio, a melltithiaf y rhai sy'n dy felltithio..."

paid ag ofni

Pan gododd gwas gŵr Duw yn y bore bach, a mynd allan, dyna lle'r oedd byddin a meirch a cherbydau o amgylch y dref, ac meddai, “O feistr, beth a wnawn ni?” Dywedodd yntau, “Paid ag ofni; y mae mwy gyda ni nag sydd gyda hwy.

2 Brenhinoedd 6: 15,16

y rheswm

“Mae America yn wych oherwydd ei bod hi’n dda. Os bydd America yn peidio â bod yn dda, bydd America yn peidio â bod yn wych.” Alexis de Tocqueville

Mae'n llygad ei le.

i Dduw y bo'r gogoniant

Yna dywedodd Duw, “Bydded goleuadau yn ffurfafen y nefoedd i wahanu'r dydd oddi wrth y nos, ac i fod yn arwyddion i'r tymhorau, a hefyd i'r dyddiau a'r blynyddoedd." - Genesis 1:14, 15

Teilwng wyt ti, ein Harglwydd a'n Duw,
i dderbyn y gogoniant a'r anrhydedd a'r gallu,
oherwydd tydi a greodd bob peth.
Datguddiad 4:11

Amen!

diffyg yr haul o oklahoma

Roedd yr awyrgylch yn od dros ben wrth i'r haul tywyllu yng nghanol dydd. Aeth goleuadau cyntedd y cymdogion ymlaen yn awtomatig. Roedd y gŵr yn barod i weld diffyg yr haul mewn modd diogel, heb niweidio'r llygaid. (Optometrydd wedi ymddeol mae o.) Roedd y ddelwedd yn glir ar bapur. Yna, aeth popeth drosodd, ac mae'r haul wedi "dychwelyd."

bandit

Mae fy merch hynaf yn gofalu am gi arall am sbel, i helpu'r lloches cŵn lleol. Bandit ydy ei enw. Er ei fod o'n edrych yn ffyrnig, swil ac ofnus ydy o. Mae'n debyg ei fod o wedi cael ei gam drin o'r blaen. Mae o'n caru fy merch yn fawr bellach. Gobeithio y bydd o'n ffeindio cartref parhaus yn fuan, ond bydd yn drist ffarwelio gyda fo hefyd.

pobl dda

Yn eistedd wrth oleuadau traffig y tu ôl i gar Heddlu Dinas Oklahoma, methodd y gyrrwr weld beth oedd y swyddog yn ei wneud. Er bod y golau'n troi'n wyrdd, stopiodd y swyddog y traffig gyda golau coch ymlaen ar ben y car. Yna, gwelodd y gyrrwr hwyaden a'i babis yn croesi'r stryd.

"Mae pobl dda yn gofalu am eu hanifeiliaid,

ond mae hyd yn oed ‘tosturi’ pobl ddrwg yn greulon."

Diarhebion 12:10 (Beibl.net)

ffeithiau neu beidio

Mae rhai pobl yn hoffi cyhuddo Israel am ei pholisi apartheid, heb wybod dim byd am y ffeithiau. Neu efallai eu bod nhw'n ymwybodol ohonyn nhw, ond does dim ots gyda nhw.

penawdau o amser y beibl

Dan ni angen chwerthin, yn ddyddiau hyn yn enwedig. Pwy sydd yn well na'r Wenynen sydd yn darparu ffynhonnell yn ddi-baid?

Dau o fy ffefrynnau yn yr erthygl hon:

"Israeliaid yn griddfan wrth i Dafydd ychwanegu cytgan diangen at Ganiad Moses"
"Timotheus, wrth chwysu, yn gofyn i Paul gân nhw ddweud wrth bobl ei fod wedi'i enwaedu."

ffŵl ebrill

Does dim rhaid i rai pobl ddweud celwydd wrth ddathlu'r diwrnod hwn. Mae'r llywodraeth (America yn yr achos hwn) yn hen gyfarwydd â thwyllo ei bobl yn ddiweddar fel bydd yn syniad ffres iddo ddweud y gwir heddiw am newid.

buddugoliaeth

"Pam yr ydych yn ceisio ymhlith y meirw yr hwn sy'n fyw? Nid yw ef yma; y mae wedi ei gyfodi."
Luc 24:5

(y llun gan Charles Gardner)

cawsom ni iachâd drwy ei gleisiau ef

Eto, ein dolur ni a gymerodd,
a'n gwaeledd ni a ddygodd—
a ninnau'n ei gyfrif wedi ei glwyfo
a'i daro gan Dduw, a'i ddarostwng.
Ond archollwyd ef am ein troseddau ni,
a'i ddryllio am ein camweddau ni;
roedd pris ein heddwch ni arno ef,
a thrwy ei gleisiau ef y cawsom ni iachâd.

Eseia 53:4,5

brwdfrydedd nehemeia

Wedi trefnu popeth yn Jerwsalem ar ôl y wal wedi cael ei adfer, dychwelodd Nehemeia i Bersia. Yna, aeth i Jerwsalem unwaith eto i weld sut mae pethau. Yn ystod ei absenoldeb o ddeg mlynedd, roedd y bobl yn esgeuluso eu cyfrifoldeb yn annioddefol - y Deml, y degwm, Saboth a phriodas. Roedd dyma Nehemeia gychwyn wrthi'n annog y bobl i siapio hi!

Rhybuddiais hwy a dweud, “Pam yr ydych yn gwersyllu yn ymyl y mur? Os gwnewch hyn eto fe'ch cosbaf chwi.” (Nehemeia 13:21) 
Ceryddais hwy a'u melltithio, a tharo rhai ohonynt a thynnu eu gwallt. (Nehemaia 13:25)

llyfr nehemeia

Roedd Nehemeia'n ymddiried ar Dduw, a gweddïo drwy'r amser. Roedd yn gwneud yn siŵr i arfogi'r gweithwyr tra eu bod nhw'n gweithio. Gorffennwyd y wal o gwmpas Jerwsalem mewn 52 diwrnod dan ei arweinyddiaeth ddewr er gwaethaf cynllwynion y gelynion. Un o'r gwersi y gallwch eu dysgu o Lyfr Nehemeia - byddwch yn weddigar ac yn ymarferol.

fwyn na digon

Mae'n ymddangos nad oedd neb yn talu sylw ar fy Hamantaschen yn ystod y cinio ddoe. Clywais, fodd bynnag, ei fod o wedi bendithio rhai ffrindiau Iddewig fy merch hynaf. Gyrrodd hi'r llun atyn nhw, ac roedden nhw i gyd yn hapus. Dwedodd un ohonyn nhw ei fod o'n teimlo'n ddwfn yn ei galon fy ngweithred o gariad. Mae hyn yn fwyn na digon i mi.

purim hapus

Roedd gan Haman gynllwyn i ddinistrio'r holl Iddewon yn yr ymerodraeth Bersia, ond cafodd ei grogi yn y diwedd. Dylai'r Hamas ddarllen Llyfr Esther yn y Beibl, a dysgu gwers.

Dyma fy fersiwn o Hamantaschen ar gyfer potlwc yn yr eglwys heddiw.

dyledswydd eglwys

Dim mater dibwys i'r Eglwys ydy Israel. Wedi'r cwbl, llyfr am Israel ydy'r Beibl. Sut gallwch chi ddweud eich bod chi'n caru Iesu, sydd yn Iddew o Israel, heb garu a chefnogi Israel? Prin fy mod i'n clywed, fodd bynnag, y pwnc yn fy eglwys er gwaethaf y peth annisgrifiadwy a ddigwyddodd fwy na phum mis yn ôl. Fel gweision Crist, mae gan yr Eglwys ddyledswydd dros Israel.

golwg y stryd

Gwelais gar Google Street View yn gyrru o gwmpas y gymdogaeth ddoe pan oeddwn i'n mynd am dro. Wrth i mi gerdded adref, dyma fo'n mynd i fyny a lawr fy stryd i. Efallai y bydda i yn y Street View newydd cyn hir!

tystiolaeth onest a dewr

Wrth dyfu i fyny yn Bahrain, dysgwyd Fatema Al Harbi fod Iddewon yn ei chasáu oherwydd mai Mwslim mae hi, ac yn ei dro, dylai eu casáu oherwydd mai Iddewon maen nhw. Beth newidiodd ei meddwl? Clywch dystiolaeth onest a dewr dynes Fwslimaidd.

eisiau sherlock holms

Syrthiodd ddarn o fanana pan oeddwn i'n paratoi brecwast y bore 'ma. Teimlais iddo ddisgyn ar fy nhroed. Dechreuais chwilio amdano. Methais. Roeddwn i'n chwilio dan y stof coginio a dan yr oergell. Tynnodd y gŵr drôr y stof allan hyd yn oed, a chwilio amdano wrth ei ben ar y llawr. Roddwn i'n chwilio ym mhobman yn y gegin. Dw i heb lwyddo i'w ffeindio fo. Mae angen Sherlock Holms arna i.

cenllysg

Dechreuodd fwrw cenllysg yn sydyn prinhawn ddoe. Gyda sŵn uchel, syrthiodd pelau bach gwyn o'r nef. Stopiodd yn fuan, ond dechrau taranu a bwrw glaw'n drwm. "Neidiais i allan o fy nghroen" pan glywais un ofnadwy o nerthol! Dwedodd y gŵr wrthyf i fod yn barod i fynd i lawr y grisiau lle ydyn ni'n defnyddio fel lloches, gan fod rhybuddion rhag corwynt. Casglais y pethau hanfodol. Wedi rhyw awr, fodd bynnag, aeth popeth yn ddistaw. 

dim arian ar gyfer terfysgaeth mwyach

Daeth aelodau Sefydliad Cynghreiriaid Israel o fwy nag ugain gwlad at ei gilydd yn Kfar Aza yn ddiweddar i weld y dinistr a achoswyd gan ymosodiad Hamas Hydref 7fed.

Dw i'n falch o weld y Ddraig Goch ar y bwrdd.

gwerthfawrogi bywydau

Mae'r IDF yn defnyddio cŵn roboteg wedi'u cyfarparu ag arfau a chamerâu, yn nhwneli Hamas. (Mae hyn yn llawer gwell na defnyddio cŵn byw er bod anfon cŵn at y twneli'n llawer gwell na anfon dynion, wrth gwrs.) Mae'r robotau’n costio 165,000 doleri'r un, ond mae Israel yn gwerthfawrogi bywydau, hyd yn oed bywydau anifeiliaid.

arwydd gwanwyn

Gwelais arwydd gwanwyn y bore 'ma, sef tŷ adar y gymdoges. Mae hi'n ei dynnu i lawr yn ystod y gaeaf bob blwyddyn. Mae nifer o adar eisoes yn prysur adeiladu nyth tu mewn.

blodau truan

Wedi dyddiau cynnes, gostwngodd y tymheredd fel mae'n digwydd yn aml yn Oklahoma. Cafodd y blodau a oedd yn mwyhau'r cynhesrwydd eu sioc. Roedden nhw'n crynu mewn oerfel y bore 'ma (gan gynnwys y goeden geirios yn y gymdogaeth.)

diwedd tymor cnau

Roeddwn i'n mwynhau plicio cnau a gasglais yn y dref dros y gaeaf, wrth wrando ar rywbeth ar y we. Penderfynais, fodd bynnag, roi i'r gorau i blicio cnau hickory. Mae'n rhy galed. (Roedd pecan yn ddigon meddal.) Fel canlyniad, roedd fy nwylo a'r ysgwyddau'n brifo. Does dim angen ychwanegu poen arna i'n bendant. Ac felly, gosodais y gweddill, rhyw dri dwsin yn yr iard i'r gwiwerod neithiwr. Pan sbïais i tu allan y bore 'ma, roeddwn i'n medru gweld dwy wiwer yn cludo popeth i ffwrdd!

dewis

Enillodd y Cyn-arlywydd Donald Trump Super Tuesday yn ddirlithriadol, fel disgwyliwyd. Bydd o'n wynebu Mr. Biden yn y ras arlywyddol. Mae pawb yn gwybod bod yr olaf yn dioddef o ddementia, ac yn methu siarad yn gydlynol, heb sôn am arwain gwlad. Gawn ni weld sut bydd o'n ymdopi dadleuon arlywyddol. 

dydd mawrth swper

Super Tuesday ydy hi heddiw. Eleni, bydd 15 talaith yn pleidleisio i ddewis ymgeisydd arlywyddol dros bob un o'r ddwy blaid. Mae'r canlyniad yn amlwg yn barod, ond rhaid bwrw ymlaen fodd bynnag. Dw i ddim yn cael pleidleisio yn anffodus oherwydd mai preswylydd CYFREITHLON ydw i.

arf cryf

Mae gan aelodau'r IDF arf hynod o gryf, ar wahân i'r rhai uwch-dechnoleg, sef Gair Duw. Dyma ringyll sydd yn gohebu o Gaza bob dydd yn dangos cryfder yr arf.

"Nid yw ceidwad Israel yn cysgu nac yn huno." Salmau 121:4

gŵyl dewi

Bydded i’r hen iaith barhau.
Dydd gŵyl dewi hapus.

cyflwr

Dyma gyflwr y grwpiau a geisiodd dinistrio pobl Israel hyd yma. (Diolch i Hanannya am y rhestr.) Dylai pawb gofio adewid Duw a roddwyd i Abraham a'i ddisgynyddion:

"Bendithiaf y rhai sy'n dy fendithio, a melltithiaf y rhai sy'n dy felltithio."

miliwn o gefnogwyr

Ymgasglodd miliwn o bobl Brasil i ddangos cefnogaeth i'r Iddewon ac Israel, yn erbyn datganiad diweddar y Prif Weinidog Lula.

"Dyn ni'n dod atat ti yn enw Arglwydd y Lluoedd, Duw byddin Israel, yr wyt ti wedi ei herio."

croeso i oklahoma

Daeth Hannanya Naphtali, Iddew Meseianaidd, i Tulsa, Oklahoma heddiw er mwyn siarad mewn cynulleidfa eglwys dros Israel. (Nad enwyd yr eglwys am resymau diogelwch, dw i'n sicr.) Gosododd rhai eu dwylo arno fo'n gweddïo drosto a dros Israel. Cafodd gymaint o gefnogaeth ganddyn nhw fel ei fod o'n teimlo'n ddwfn dros ben. Croeso mawr i Oklahoma, Hannanya.

shrinkflation neu fidenflation

Mae maint bwyd a nwyddau mewn siopau yn crebachu yn ddiweddar. Ces i a'r gŵr bitsa o Sam & Ella's neithiwr, a gweld yn glir ei fod o'n llai nag o'r blaen. Roedd pitsa bach yn arfer bod yn ddigon i ni, gyda dwy dafell i'r diwrnod nesaf. Gorffennon ni'r cyfan gwbl ddoe! Y cwmnïau sydd ar fai, yn ôl Mr. Biden, ac maen nhw'n cymryd mantais ar eu cwsmeriaid. 

dau beth rhyfedd

Dw i'n cael fy nrysu gan ddau beth rhyfedd yn ddiweddar.
1: Mae gwledydd rhyngwladol yn dweud wrth wlad annibynnol beth ddylai hi wneud.

2: Mae terfysgwyr yn cael eu trin fel partner yn trafod amodau ar gyfer rhyddhau gwystlon.

Mae'r byd yn prysur fynd yn fwy gwallgof byth bob dydd heb os.

technoleg ar hap

"Dan ni'n ôl yn America. Yma, mae'r seddi toiled yn oer ond y tai yn gynnes." Dyna beth ddwedodd fy merch ar dudalen Facebook! Mae hi'n wir. Dydy pobl Japan ddim yn defnyddio systemau effeithiol i gynhesu eu tai am ryw reswm, er bod ganddyn nhw dechnoleg flaenaf mewn meysydd eraill (gan gynnwys seddi toiled anhygoel.) 

swydd fwyaf poblogaidd

Ces i sioc i wybod beth ydy'r swydd fwyaf poblogaidd ymysg y disgyblion cynradd yn Japan ers pedair blynedd ddiweddaraf - Youtubers! Mae'n ymddangos bod gwneud fideos byr a'u cyhoeddi ar Youtube mor boblogaidd ymysg plant hyd yn oed. Mae nifer ohonyn nhw eisiau gweithio fel Youtubers yn broffesiynol yn y dyfodol. 

yn ôl i america

Daeth fy merch hynaf a’i gŵr adref yn Oklahoma City yn ddiogel neithiwr. Treulion nhw dau fis a hanner yn Japan. Collodd hi 3 phwys, a chollodd ei gŵr 10 dim ond trwy orfod cerdded o gwmpas, a defnyddio grisiau ar orsafoedd trên! Roedden nhw'n bwyta cymaint a mynnon nhw hyd yn oed.

olwg wahanol y murlun

Wedi treulio dros ddau fis yn Japan yn cyflawni nifer o bethau sylweddol, mae fy merch hynaf a'i gŵr ar adael am adref. Dyma olwg wahanol ei murlun diweddaraf. O dan reilffordd brysur mewn tref boblogaidd, mae o'n tynnu sylw nifer o bobl.

cynllwyn masnachwr

Wrth i Ddydd Valentine nesáu, mae prisiau blodau, balwnau, ayyb yn codi'n hurt. Mae brawd y gŵr yn hoffi rhoi anrhegion cariadus i'w wraig annwyl yn gydwybodol ar bob achlysur. Ceisiodd drechi'r gad drwy wneud y gwaith siopa'r wythnos diwethaf, ond roedd y prisiau wedi codi'n barod yn anffodus. Dw i'n falch nad ydw i na'r gŵr yn credu yn Nydd Valentine.

murlun newydd

Dyma furlun newydd fy merch yn Tokyo. Gweithiodd hi a'i gŵr yn galed drwy eira a gwynt am ddyddiau. Mae'n wych dros ben. Gobeithio y bydd o'n bendith i'r ardal.

prif weinidog ariannin

Chwap ar ôl cyrraedd Israel, cyhoeddodd Javier Milei, prif weinidog newydd Ariannin fyddai fo'n symud y llysgenhadaeth i Jerwsalem. Aeth yn syth at Wal Orllewinol i weddïo. Ysgrifennodd yn y llyfr ymweliad: "Gofynnaf am ddoethineb, dewrder, a chryfder i fod yn llestr teilwng i waith y Creawdwr." Bendith Duw Israel arno fo! 

eira yn tokyo

Cafodd Tokyo eira, tua dwy fodfedd, fel dyddiau fy mhlentyndod. Ces i fy magu ym maestrefi Tokyo, a dw i'n cofio chwarae mewn eira gyda ffrindiau, adeiladu iglw bach gyda fy mrawd, a chael te tu mewn. Mae eira sylweddol yn brin yno yn ddiweddar fodd bynnag. Roedd yn brofiad arbennig i fy merched.

wal ffin

Wal hiliol a adeiladwyd gan Israel? Na. Y wal ffin rhwng Gaza a'r Aifft a adeiladodd yr olaf ydy o, er mwyn cadw pobl Gaza allan o'r Aifft. Mae'n amlwg ei fod o'n effeithiol oherwydd bod neb yn medru ffoi i'r Aifft o Gaza. Diolch i Hananya Naftali am y llun.

bisgedi

Pobais fisgedi am y tro cyntaf ers blynyddoedd. Llawn o brotein, hollol naturiol, heb ychwanegu siwgr oedden nhw. Cymerodd tipyn o amser gan fod y toes braidd yn galed. Barn y gŵr - dylen nhw fod yn felysach. Bydda i'n cadw at fisgedi o Walmart.

murlun yn tokyo

Mae fy merch hynaf wrthi'n creu ei murlun cyntaf yn Japan, mewn un o'r trefi ffasiynol yn Tokyo. Cafodd ei sioc i wybod bod yn hollol ddiogel gadael ei phethau wrth ochr y wal, a does neb yn chwistrellu cyffuriau neu greu llanast o gwmpas! Y broblem fawr oedd ffeindio paent ar gyfer waliau gan nad ydy pobl Japan yn paentio tai neu ddodrefn fel hobi. 

lily hosanna

Enwyd fy wyres yn Lily Hosanna.

Lily - "Ystyriwch y lili, pa fodd y maent yn tyfu." (Luc 12:27)
Hosanna - Molwch Dduw

Enwau hyfryd!

rhefeddol

Mae fy wyres newydd yn edrych yn union fel un o fy mabis, yn enwedig fel ei mam, (wrth gwrs.) Ces i fy merch 30 mlynedd yn ôl, a rŵan, mae hi wedi cael babi bach. 

babi newydd

Cafodd fy merch yn Japan ei babi ddoe, merch fach annwyl dros ben! Gyda chymorth ei gŵr, ei chwaer a dwy fydwraig, aeth popeth yn iawn. Dim ond rhyw ddeg awr a gymerodd o'r dechrau i'r diwedd. Mae'n anhygoel gweld bywyd newydd a greodd Duw.

nodyn personol

Dw i'n archebu ar lein o Walmart bob wythnos, ar wahân i fwyd ffres. Bydda i'n mynd i'r siop yn berson am yr olaf. Yn aml iawn bydda i'n gweld gweithwyr Walmart yn gwneud siopa wrth lusgo troli enfawr ar gyfer y cwsmeriaid. Roedd nodyn cyfarch, gyda fy nwyddau, gan Christopher a wnaeth siopa drosta i. (Am y tro cyntaf i mi weld nodyn felly.) Dyma fo!

blwch post newydd

Torrodd ein blwch post ni un diwrnod. Roedd o a'r polyn yn gorwedd ar y ddaear! Daeth gyda'r tŷ pan brynon ni o chwarter canrif yn ôl wedi'r cwbl. Dyma ofyn i Marcus, ein dyn-o-bob-tasg ni i osod blwch a pholyn newydd. Fe wnaeth y gwaith yn anhygoel o gyflym. 

neges i "gen z"

Yn ôl arolwg diweddar gan Brifysgol Harvard, mae 51 y cant o Gen Z, sef Americanwyr rhwng 18 a 24 oed yn credu dylai Israel derfynu fel gwlad, a dylai'r tir ei roi i'r Palestiniaid er mwyn datys y broblem rhwng y dwy bobl. Mae'r genhedlaeth hon yn dilyn y mwyafrif, wir ai peidio yn anwybyddu ffeithiau a hanes. Rhaid cofio geiriau Duw wrth Abraham, "bendithiaf y rhai sy'n dy fendithio, a melltithiaf y rhai sy'n dy felltithio."

peiriannau golchi/sychu

Anfonwyd ôl gerbyd gyda pheiriannau golchi/sychu at yr ardal a ddifrodwyd gan y daeargryn diweddar yn Japan. Defnyddir dŵr afon wedi'i ffiltro ar gyfer y peiriannau golchi! Mae'n gymorth enfawr i'r bobl sydd yn dal i ddioddef. Tref fach gorllewin i Kyoto sydd yn gwneud y gwaith hanfodol. Rhaid i'r ôl gerbyd deithio bron i 300 milltir.

160 doleri

Wedi mynd yn ôl i Tokyo, penderfynodd fy merch weld meddyg wrth ei chyflwr barhau. Mae'n bosib bod ganddi beswch asthma, a chafodd feddyginiaeth.160 doleri oedd cyfanswm y gost, gan gynnwys prawf gwaed a phelydr-x, heb aswiriant. Methodd fy merch credu'r swm, a gofyn i'r derbynnydd a oedd yn iawn. Yn America, byddai wedi costio cwpl o filoedd o ddoleri GYDAG aswiriant! Mae rhywbeth o'i le gyda'r system feddygol yn y wlad yma.

tywydd mwyn

Mae tywydd gaeafol llym yn parhau, yn Oklahoma ac yn Japan. Cafodd fy merch hynaf annwyd ofnadwy; dydy'r tywydd ddim yn helpu wrth gwrs. Cafodd hi a'i gŵr gwahodd i fynd i Okinawa, ynys ddeheuol Japan, fodd bynnag, ac maen nhw'n treulio wythnos braf mewn tywydd mwyn. Gobeithio y bydd hi'n gwella.

gor-wyres

Ymwelodd fy merch feichiog â'i nain yn ei chartref henoed. Roedd fy mam wrth ei bodd yn "cyfarfod" ei gor-wyres. Bydd ond tair wythnos tan y dyddiad geni disgwyliedig.

mae o'n ein nabod ni

Efallai nad ydy Llyfr Numeri yn y Beibl yn cael eu darllen yn aml. Ond ces i fy synnu'n darganfod bod yna nifer o bethau diddorol wrth ei ddarllen eto. Yn y bennod un, cewch chi weld bod Duw'n penodi 12 dyn a fyddai'n helpu Moses. Mae o'n eu galw nhw gyda'u henwau nhw, ynghyd ag enwau eu tadau. Mae Duw yn fy nabod i, eich nabod chi. Mae o'n ein galw ni gyda'n henwau i ni.

goruwch pob deall

"Peidiwch â phryderu am ddim, ond ym mhob peth gwneler eich deisyfiadau yn hysbys i Dduw trwy weddi ac ymbil, ynghyd â diolchgarwch. A bydd tangnefedd Duw, sydd goruwch pob deall, yn gwarchod dros eich calonnau a'ch meddyliau yng Nghrist Iesu." - Philipiaid 4:6,7

Daeth yr adnodau hyn ata i ddyddiau'n ôl pan oeddwn i'n wynebu her. Yna, clywais iddyn nhw gael eu darllen ar lein. Yna, darllenodd gwraig y gweinidog yr un adnoddau yn y gwasanaeth boreol ddoe. Mae'n amlwg bod y Duw eisiau gwneud yn siŵr fy mod i'n clywed ei neges! Yn wir i'w addewid, ces i ei dangnefedd sydd goruwch pob deall.

o gaza

Mae Yair Pinto yn gohebu'n feunyddiol o Gaza. Fel un o aelodau'r IDF, mae o'n gwybod yn iawn beth sydd yn digwydd yno. Fel nifer mawr o'r aelodau, mae o wedi gadael ei deulu ifanc er mwyn brwydro yn Erbyn y drygionus. Iddew sydd yn credu yn Feseia Iddewig ydy o, ac mae o'n gofyn i Gristnogion am weddïo dros Israel a thangnefedd i Jerwsalem.