microdon

Torrodd y ficrodon (eto.) Archebais un newydd, ond fe fydd wythnos cyn iddo gyrraedd. Dyma ni'n byw fel hen ddyddiau. Y peth mwyaf anghyfleus ydy methu twymo bwyd a diodydd yn hawdd. Dw i'n ddiolchgar i Percy Spencer a ddyfeisiodd microdon. 

pam Israel?

"Ddylai Cristion gefnogi Israel?" gofynnir mwy aml yn ddiweddar.

Wrth gwrs. Mae Duw yn eu caru nhw. Dylai Cristnogion garu pawb a phopeth mae o'n ei garu. 

Yna, efallai byddech chi'n dweud mai gwlad seciwlar ydy Israel bellach; dydy'r rhan fwyaf o'r Iddewon ddim yn credu yn eu Duw; mae digonedd o bechodau yn y gymdeithas. 

Cywir. Nid ar eu ffyddlondeb a daioni mae cariad Duw yn dibynnu, fodd bynnag, ond ar ei ffyddlondeb ei hun. Mae ei gariad tuag at Israel yn dystiolaeth ei ffyddlondeb.

bendithiaf y rhai sy'n dy fendithio

"Mae angen cefnogi Israel ar ein gwlad ni oherwydd bod eu cefnogi nhw yn golygu cefnogi'r egwyddorion oedd yn ein gwneud ni'n rhagorol" - yr Arlywydd Ariannin Javier Milei

digon oer o'r diwedd

Roedd y tywydd wedi bod yn hynod o fwyn. Tynnon ni dân yn y stôf llosgi coed heddiw am y tro cyntaf eleni. Un o hoff bethau'r gŵr yn ystod gaeaf ydy weithio at y cyfrifiadur o flaen y tân. Dyma fo wrthi yn hapus.

cinio i ddau

Ces i a'r gŵr ginio Diwrnod Diolchgarwch ar ein pennau hunain heb y plant am y tro cyntaf. (Mae'r pedair yn byw tramor, ac aeth y mab ifancaf at dŷ ei frawd yn Texas.) O ganlyniad, dyma goginio cinio Diwrnod Diolchgarwch hawsaf gan brynu tafellau o frest twrci parod (gyda grefi.) Dim ond rostio llysiau, a pharatoi tatws stwns o flwch wnes i. A phastai cnau bach parod i'r gŵr a gwydraid o win i mi. Roedd yn ginio hynod o braf.

diwrnod diolchgarwch

Beth ydy ofn mwyaf pawb? Ofn marwolaeth, byddwn i'n dweud. Byddai pawb yn rhoi popeth er mwyn byw. Mae'r Beibl yn galw hyn yn gaethiwed. Rhyddhaodd Duw ni, fodd bynnag, rhag y caethiwed hwn drwy Iesu. Concrodd o farwolaeth. Ni fydd yn rhaid i chi ofni marwolaeth os byddwch chi'n credu ynddo.

Diolch i ti, yr Arglwydd, am ryddhau ni rhag yr ofn hwn.

y rhesm

Dwedodd Iesu y byddai fo'n dychwelyd un diwrnod, ond mae rhai yn amau ei addewid oherwydd nad ydy o wedi dychwelyd eto.

Beth mae'r Beibl yn dweud?

"Peidiwch ag anghofio'r un peth hwn, fod un diwrnod yng ngolwg yr Arglwydd fel mil o flynyddoedd, a mil o flynyddoedd fel un diwrnod."

"Mae'r Arglwydd yn amyneddgar wrthych y mae, am nad yw'n ewyllysio i neb gael ei ddinistrio, ond i bawb ddod i edifeirwch."

tra bydd yn agos

Nad ydych chi'n gwybod pryd fyddwch chi'n marw. Efallai mewn blynyddoedd, efallai yfory. Ac felly,

"Ceisiwch yr Arglwydd tra gellir ei gael; galwch arno tra bydd yn agos." Eseia 55:6

Peidiwch â gohirio. 

y drefn yn y bydysawd

"Na fydd trefn byth yn tarddu o anhrefn. Na fydd harddwch byth yn ysgrifennu ei hun. Mae angen Dylunydd ar ddyluniad." - Biblical Creation

cwpan yr ymerawdwr

Cynhaliwyd y gêm derfynol cystadleuaeth bêl-droed flynyddol yn Japan.

Roedd y gêm derfynol rhwng tîm o Kobe ac un o Machida. Roeddwn i a'r teulu mewn penbleth cyn y gêm. Nad oedden ni'n gwybod pa un dylen ni gefnogi oherwydd pan oedden ni'n byw yn Japan, oedden ni'n byw yn y ddwy ddinas. Enillodd Machida o dair i un. Llongyfarchiadau iddyn nhw beth bynnag!

y mae gofal ganddo amdanoch

"Bwriwch eich holl bryder arno ef (Duw,) oherwydd y mae gofal ganddo amdanoch." 1 Pedr 5:7

Un o fy hoff adnodau ydy hon. Er bod cynifer o bobl dros y byd yn galw arno fo drwy'r amser, mae o'n clywed eu gweddïau, ac yn gofalu amdanyn nhw. Mae hyn yn anhygoel, tu hwnt i'r ddealltwriaeth. Mae'n wir, fodd bynnag oherwydd bod y Beibl yn dweud felly.

sut i fod yn ddoeth

"Dywed yr ynfyd yn ei galon, 'Nid oes Duw.'” Y Salmau 14:1

Peidiwch â bod yn ynfyd. Mae modd i fod yn ddoeth - 
"Ofn yr Arglwydd yw dechrau doethineb,
ac adnabod y Sanctaidd yw deall." Diarhebion 9:1

Beth ydy ofn Duw? Mae'n golygu ei barchu, ei ufuddhau, a'i addoli mewn parch.

stori teulu taira

Mae llyfr clasurol yn Japan yn sôn am stori Teulu Taira oedd yn teyrnasu'r tir yn 12fed ganrif.

Mae'n dechrau yn anhygoel o debyg i rai adnodau’r Beibl: 
"Na fydd ffyniant y balch yn para'n hir, fel breuddwyd ar noson wanwyn. 

Bydd y cryfion hefyd yn darfod yn y diwedd, fel llwch o flaen y gwynt." 

Llinellau eithaf gwahanol, fodd bynnag, a fydd yn dilyn yn y Beibl:
“Y mae pob un meidrol fel glaswellt,
a'i holl ogoniant fel blodeuyn y maes.
Y mae'r glaswellt yn crino,
a'r blodeuyn yn syrthio,
ond y mae gair yr Arglwydd yn aros am byth.” 
1 Pedr 1:24, 25

sut i gael maddeuant

"Do, carodd Duw y byd gymaint nes iddo roi ei unig Fab (Iesu,) er mwyn i bob un sy'n credu ynddo ef beidio â mynd i ddistryw ond cael bywyd tragwyddol." Ioan 3:16

Delw'r Duw anweledig ydy Iesu, a Mab Duw hefyd ar yr un pryd. Fo ydy'r unig ffordd dan y nef i ni gael maddeuant ein pechodau ni. (Dim fi sydd yn dweud, ond Duw.)

"Os cyffesi Iesu yn Arglwydd â'th enau, a chredu yn dy galon fod Duw wedi ei gyfodi ef oddi wrth y meirw, cei dy achub." Rhufeiniaid 10:9

marw un waith

"Yn union fel mae pawb yn mynd i farw un waith, a wynebu barn ar ôl hynny, buodd y Meseia (Iesu Grist) farw un waith yn aberth, a chario pechodau llawer iawn o bobl  iddyn nhw gael eu maddau. A bydd yn dod yn ôl yr ail waith, dim i ddelio gyda phechod y tro hwn, ond i achub pawb sy’n disgwyl yn frwd amdano." Hebreaid 9:27, 28 Beibl.net

trydan

Dechreuodd diwrnod yn braf a llawn o heulwen. Yna, collon ni drydan yn hollol ddirybudd. Roedd rhaid i fi a'r gŵr baratoi am heddiw mewn hanner tywylloch. Roedd llinell ffôn y cwmni trydan yn brysur. Wedi brecwast, aeth y gŵr i waith, ac es i am dro, glanhau'r llawr a'r bath. Tra oeddwn i wrthi felly, cawson ni drydan yn ôl. Gweiddais, "diolch i ti, yr Arglwydd, a'r dynion trwsio!" Ceir trydan ei gymryd yn ganiataol nes i chi ei golli. 

edrych ymlaen

"Oherwydd yn y nefoedd y mae ein dinasyddiaeth ni, ac oddi yno hefyd yr ydym yn disgwyl Gwaredwr, sef yr Arglwydd Iesu Grist. Bydd ef yn gweddnewid ein corff iselwael ni ac yn ei wneud yn unffurf â'i gorff gogoneddus ef...." Philipiaid 3:20, 21

Dw i'n edrych ymlaen at hyn yn fawr iawn.

diwrnod y cyn-filwyr o safbwynt cyn-filwr

"I beth roddodd y cannoedd o fy ffrindiau a phawb arall eu bywydau? Y wlad heddiw… mae'n ddrwg gen i, nid oedd yr aberth yn werth y canlyniad." Alec Penstone, cyn-filwr, y Llynges Frenhinol

yn barod unrhyw bryd

"Y mae'n gyfyng arnaf o'r ddeutu; y mae arnaf awydd ymadael a bod gyda Crist, gan fod hynny'n llawer iawn gwell; ond y mae aros yn fy nghnawd yn fwy angenrheidiol er eich mwyn chwi." Philipiaid 1:23, 24

Dw i'n cytuno â Paul yn llwyr. Y gwahaniaeth, fodd bynnag ydy nad oes cyfyng arna' i fel fo. Mae'r plant i gyd wedi gadael cartref ac mae pob un ohonyn nhw'n rhodio'n ffyddlon gydag Iesu Grist. Dw i'n barod i ymadael y byd yma a bod gyda fy Arglwydd unrhyw bryd.

cyfrif ein dyddiau

Mae'n anodd credu bod mis wedi mynd heibio unwaith eto. Trodd Lleuad Afanc hynod o ddisglair yn lleuad wen yn yr awyr las. 

"Deng mlynedd a thrigain yw blynyddoedd ein heinioes, 
neu efallai bedwar ugain trwy gryfder,
ond y mae eu hyd yn faich ac yn flinder;
ânt heibio yn fuan, ac ehedwn ymaith.
Pwy sy'n gwybod grym dy ddicter,
a'th ddigofaint, fel y rhai sy'n dy ofni?
Felly dysg ni i gyfrif ein dyddiau,
inni gael calon ddoeth." Salmau 90:10 - 12

rhydd mewn gwirionedd

"Dw i erioed wedi bod yn gaethwas i neb," meddwch chi. 
Ond dwedodd Iesu, "mae pob un sy'n cyflawni pechod yn gaethwas i bechod." Ioan 8:34

Yna, efallai y byddwch chi'n gofyn, "sut alla i fod yn rhydd felly?"
Dyma'r ateb gan Iesu: “Os arhoswch chwi yn fy ngair i.... cewch wybod y gwirionedd, a bydd y gwirionedd yn eich rhyddhau." Ioan 8:31
"Os yw'r Mab (Iesu) yn eich rhyddhau chwi, byddwch yn rhydd mewn gwirionedd." Ioan 8:36

cuddio eu hunain fel palesteiniaid

"Mae'r Cristnogion yn Nigeria yn cuddio eu hunain fel Palesteiniaid fel y bydd pobl yn bwrw sylw ar yr hil-ladd yn eu herbyn."

 Yn llygad ei le unwaith eto, y Wenynen. Nid dim ond yn Nigeria, ond mae miliynau o Gristnogion dros y byd yn cael eu llofruddio a'u herlid yn erchyll bob dydd. Ac eto dydy'r prif gyfryngau a dylanwadwyr cyfryngau cymdeithasol byth yn rhoi sylw arnyn nhw. Efallai mai syniad da i ddefnyddio i'r dioddefwyr i gyd wedi'r cwbl.

rhrannu ei dir

Mae Jwda a Jerwsalem yn perthyn i Israel. Calon eu tir ydyn nhw lle mae cynifer o bethau a ysgrifennwyd yn y Beibl wedi digwydd. Dydy Duw ddim yn hapus gyda'r bobl sydd yn dwyn a rhannu'r tir a roddodd i bobl Israel, fel dwedodd yn yr Ysgrythur:

“Yn y dyddiau hynny ac ar yr amser hwnnw,
pan adferaf lwyddiant Jwda a Jerwsalem,
fe gasglaf yr holl genhedloedd
a'u dwyn i ddyffryn Jehosaffat,
a mynd i farn â hwy yno
ynglŷn â'm pobl a'm hetifeddiaeth, Israel,
am iddynt eu gwasgaru ymysg y cenhedloedd 

a rhannu fy nhir," Joel 3:1,2

y peth pwysicaf

Er bod fy mam (103) yn Japan yn anhygoel o iach yn ei chorf, mae ei dementia yn gwaethygu’n gyflym yn ddiweddar. Mae'n ymddangos ei bod hi wedi anghofio llawer o bethau a phwy ydy pwy. Dw i'n gobeithio a gweddïo bob dydd y bydd hi'n cofio'r un peth pwysicaf, sef beth wnaeth Iesu Grist drosti.

cannwyll llygaid Duw

O'r pharo i Hitler ac Hamas, ceisiodd cynifer o bobl ddinistrio Israel. Methon nhw'n llwyr fodd bynnag, oherwydd y bydd unrhyw un sydd yn cyffwrdd Israel yn cyffwrdd cannwyll llygaid Duw. (Sechareia 2:8)

Dylai pawb sydd yn caru Duw garu beth bynnag a phwy bynnag mae o'n ei garu.

heddwch go iawn

"Dim ond yn arwynebol y maent wedi iacháu briw fy mhobl, gan ddweud, ‘Heddwch! Heddwch!’—ac nid oes heddwch." Jeremeia 6:14

Nid absenoldeb rhyfeloedd ydy heddwch. Heddwch y galon ydy heddwch go iawn. Ac na chewch chi hwn yn unman ond yn Iesu Grist.

"Yr wyf yn gadael i chwi dangnefedd; yr wyf yn rhoi i chwi fy nhangnefedd i fy hun. Nid fel y mae'r byd yn rhoi yr wyf fi'n rhoi i chwi." Ioan 14:27

dirnadaeth yw

"Nid gwybod y gwahaniaeth rhwng da a drwg ydy dirnadaeth. Mae gwybod y gwahaniaeth rhwng da a bron yn dda ydy o." C. H. Spurgeon

mae'r y Duw gyda ni

"Pan fyddi'n mynd trwy'r dyfroedd, byddaf gyda thi." Eseia 43:2

Hon ydy un o'r adnodau a roddodd nerth i mi fwrw ymlaen tro ar ôl tro. Does posib osgoi problemau ac anawsterau tra eich bod chi'n byw, ond addawodd y Duw fyddai fo gyda ni drwy bopeth.

yr unig ffordd i gael eich achub

“Os cyffesi Iesu yn Arglwydd â'th enau, a chredu yn dy galon fod Duw wedi ei gyfodi ef oddi wrth y meirw, cei dy achub." Rhufeiniaid 10:9

Yr unig ffordd, a'r gwirionedd a'r bywyd ydy Iesu. 

drwy dân

Addawodd y Duw na fydd byth yn dinistrio'r byd drwy ddilyw. Na ddwedodd, fodd bynnag, na fydd o'n ei ddinistrio byth eto. I'r gwrthwyneb, dywedodd fyddai fo'n dinistrio'r byd drwy dân, ac yn adnewyddu'r daer a'r nefoedd. Pryd? Does neb yn gwybod ond y Duw. Bydd o'n cadw ei air yn sicr yn ôl ei ffyddlondeb. 

enfys

Chwap ar ôl glaw sydyn y bore 'ma, es i allan i gerdded, a chael fy nharo gan yr olwg yn yr awyr. Enfys! Mor hardd ydoedd. Roedd yn atgoffa i o addewid Duw yn y Beibl - na fyddai fo'n dinistrio’r byd dryw ddilyw eto.

Y newyddion gorau

Buodd Iesu Grist farw dros ein pechodau. Atgyfododd, gan gynnig iachawdwriaeth i bawb sydd yn credu ynddo.

Y newyddion gorau erioed

gwreiddyn y gwrthdaro

"Mae'n syml iawn deall y broblem rhwng yr Islamaidd radicaliaid a'r Iddewon yn y Dwyrain Canol. Mae'r Islamaidd radicaliaid eisiau i bob Iddew farw. Yn y cyfamser, mae'r Iddewon eisiau byw. Ac fel dangosir y gwrthdaro, nad oes y ddwy ochr eisiau ildio." Joseph Farah, World Net Daily

nid oes enw arall

"Beth sy raid imi ei wneud i gael fy achub?” Dywedasant hwythau, “Cred yn yr Arglwydd Iesu, ac fe gei dy achub," Actau 16:30, 31

"Nid oes iachawdwriaeth yn neb arall, oblegid nid oes enw arall dan y nef, wedi ei roi i'r ddynolryw, y mae'n rhaid i ni gael ein hachub drwyddo.” Actau 4:12

caredigrwydd Dduw

"Wyt ti’n cymryd Duw yn ganiataol, am ei fod mor garedig a goddefgar ac amyneddgar? Wyt ti ddim yn gweld fod Duw drwy fod yn garedig atat ti eisiau dy arwain di i newid dy ffyrdd?" Rhufeiniaid 2:4 Beibl.net

Nid oherwydd ei fod o'n cymeradwyo pechodau, ond mae o'n aros amdanoch chi i ddod ato mewn edifeirwch.

Duw sydd yn gweithio tu ôl y llwyfan

O'r diwedd, cafodd y gwystlon a oedd yn dioddef dan Hamas dros ddwy flynedd eu rhyddhau. 

Dechreuodd yr Arlywydd Trump ei sylwadau o flaen y Knesset yn Jerwsalem gan ddiolch i Dduw "Abraham, Isaac, a Jacob.” Dw i'n credu i Dduw Abraham, Isaac, a Jacob achub ei fywyd y llynedd ar gyfer y fath amser â hwn.

o enau plentyn

"Dwi'n caru'r iaith Gymraeg a dwi'n meddwl mae'n beth da i siarad Cymraeg achos dwi'n byw mewn Cymru," meddai Ffion o Gaerdydd, 9 oed a lwyddodd i siarad Cymraeg yn ddigon rhugl mewn chwe mis. Geiriau doeth o enau plentyn i bob di-Gymraeg yng Nghymru.

yr unig enw

"Ac nid oes iachawdwriaeth yn neb arall, oblegid nid oes enw arall dan y nef (sef Iesu Grist,) wedi ei roi i'r ddynolryw, y mae'n rhaid i ni gael ein hachub drwyddo.” Actau 4:12

pwy ddylech chi ofni

"A pheidiwch ag ofni'r rhai sy'n lladd y corff, ond na allant ladd yr enaid; ofnwch yn hytrach yr hwn sy'n gallu dinistrio'r enaid a'r corff yn uffern."   Matthew 10:28

wrth heneiddio.

"Dyna pam dŷn ni ddim yn digalonni. Hyd yn oed os ydyn ni’n darfod yn gorfforol, dŷn ni’n cael ein cryfhau’n ysbrydol bob dydd. Dydy’n trafferthion presennol ni’n ddim byd o bwys, a fyddan nhw ddim yn para’n hir. Ond maen nhw’n arwain i fendithion tragwyddol yn y pen draw – ysblander sydd y tu hwnt i bob mesur!" 2 Corinthiaid 4:16,17 Beibl.net

Rhai o fy hoff adnodau ydy hyn. Gwych cofio addewid Duw hwn wrth i mi heneiddio.

yn llygad ei le

"Na allwch garu Duw heb garu'r bobl Iddewig." - Corrie ten Boom

prif weinidog newydd japan

Mae gan Japan Brif Weinidog newydd. Yr hyn sydd yn fy nharo i ydy nid y ffaith mai menyw gyntaf a etholwyd i'r swydd mae hi, ond ei hargyhoeddiad. Mae hi eisiau dilyn polisïau amhoblogaidd os ydyn nhw'n angenrheidiol i'r wlad - argyhoeddiad Margaret Thatcher. Gobeithio y bydd hi'n cadw ato.

yom kippur

Bydd Gŵyl Yom Kippur yn cychwyn wrth fachlud yr haul heno. Bydd nifer o'r Iddewon yn ymprydio a gweddïo am faddeuant eu pechodau yn y flwyddyn ddiwethaf. Nid dyna beth mae gair Duw yn dweud, fodd bynnag. 

"Heb dywallt gwaed nid oes maddeuant." Hebreaid 9:22

Yr unig fodd i'r ddynoliaeth gael maddeuant ydy credu yn Iesu Grist sydd wedi tywallt ei waed ar y groes droston ni.

adnod heddiw

"Beth bynnag a wnewch, p'run ai bwyta, neu yfed, neu unrhyw beth arall, gwnewch bopeth er gogoniant Duw." 1 Corinthiaid 10:31

effaith charlie kirk

Ers llofruddiaeth Charlie Kirk, mae cynifer o bobl yn mynd i'r eglwysi ac yn prynu Beibl, nid dim ond yn America ond ledled y byd. Maen nhw'n gofyn ystyr ac amcan y bywyd. Cewch chi ddarganfod y ddau yn Iesu Grist. Yn wir, dim ond yn Iesu fe gewch chi ddarganfod yr ateb.

o israel

Cyrhaeddodd fy archeb o Israel - dates, rhesins, past dannedd (sydd yn gynnwys yr halen o Fôr Marw) ac eli mêl. Modd gwych i gefnogi Israel! Dyma'r siop a archebais ohoni hi.

drygioni

"Mae drygioni yn bodoli. Mae o'n llygru, mae o'n llofruddio, mae o'n ymrannu. Ond mae o wedi'i dynghedu i golli. Na fedr fo ymdopi â maddeuant. Mae o'n bwydo ar gasineb. Bydd o'n cwympo dan drugaredd." - Hananya Naftali 

camgymeriad

Wnaeth Satan gamgymeriad anferth, meddai'r Wenynen. Ar ôl George Floyd - llosgwyd dinasoedd. Ar ôl Charlie Kirk - gweddïodd pobl.

canlyn Iesu

y dyn ifanc a laddodd ei gŵr - "Dw i wedi maddau iddo fo oherwydd mai hyn a wnaeth Crist, ac yr hyn byddai Charlie yn gwneud."  Erika Kirk

penderfyniad iawn

Gwych clywed na fydd Japan yn cydnabod y Wladwriaeth Balesteinaidd. Efallai nid oherwydd eu bod nhw'n cefnogi Israel, ond efallai oherwydd iddyn nhw gael eu perswadio gan yr Unol Daleithiau. Beth bynnag y rheswm, roedd yn benderfyniad iawn.

dim troi'n ôl

Penderfynais ddilyn Iesu; 
Os nad fydd neb yn ymuno â fi, byddaf yn dal i'w ddilyn; 
Mae'r groes o'm blaen i, y byd tu ôl i mi; 
Dim troi'n ôl.

Mae'r emyn enwog hwn yn gofyn i ni, "ydyn ni’n byw mewn ymrwymiad llawn i Iesu yn ein penderfyniadau, ein perthnasau a’n blaenoriaethau?" Dw i newydd wybod yr hanes tu ôl iddo. Dechreuodd popeth drwy genhadwr o Gymru i India!

paid ag ofni

Dywedodd yr Arglwydd wrth Paul un noson, trwy weledigaeth, “Paid ag ofni, ond dal ati i lefaru, a phaid â thewi oherwydd yr wyf fi gyda thi...." Actau 18:9

Roedd gan hyd yn oed Paul ofn. Dim rhyfedd; cafodd ei ymosod gan dorf gynddeiriog a threisgar lle bynnag aeth. Pam? Oherwydd ei fod o wedi tystiodd bod Iesu ydy'r Meseia, yn ôl yr Ysgrythur (yr Hen Destament.) Wedi clywed geiriau Iesu hynny, aeth Paul ymlaen yn ddewr.

12 miliwn o charlie kirks

“Os byddwch chi'n cael gwared arna i, bydd pobl eraill yn codi gyda lleisiau uwch.” - Charlie Kirk

Dyna'r union beth sydd yn digwydd nid dim ond yn America ond drwy'r byd. Mae'r symudiadau yn parhau o nerth i nerth. Cynhaliwyd cyfarfod gweddi neithiwr yn y dref fach hon hefyd a fynychwyd gan bron i gant a hanner o bobl.

"Cafodd 12 Miliwn o Charlie Kirks eu Creu Dros Nos," dwedodd y Wenynen. 

canlyniad

Ceision nhw ein cyrcydu ni gan ofn. Methu a wnaethon nhw, fodd bynnag. Cafodd cynifer o bobl eu hysbrydoli gan farwolaeth Charlie Kirk fel merthyr, a phenderfynu cario'r ffagl rhyddid ymlaen. Mae mwy a mwy o bobl yn troi'n wladgarol. Dihunodd rai Cristnogion a oedd yn cysgu'n braf.

"Yr oeddech chwi yn bwriadu drwg yn f'erbyn; ond trodd Duw y bwriad yn ddaioni...."  Genesis 50:20

dewrder

“Nid absenoldeb ofn ydy dewrder. Gweithredu er gwaethaf ofn ydy o, oherwydd bod rhyddid yn galw amdano.” Charlie Kirk (1993–2025)

tap newydd

Dyma ein tap newydd sbon yn y gegin a osodwyd gan Marcus, ein dyn-o-bob-gwaith. Dyn medrus a chlên mae o. Tynnodd ei esgidiau at y mynediad heb i mi ofyn iddo, peth anarferol i Americanwr. 

gweddillion

Cafodd y lleuad lawn ddiwethaf ei sôn amdani gymaint drwy'r byd (lleuad waed, diffyg ar y lleuad.) Ces i fy nharo gan yr olwg honno wrth gychwyn cerdded y bore 'ma - Nagori no Tsuki (lleuad wen.) Bob tro bydda i'n gweld un, bydda i'n teimlo tipyn yn drist.

penblwydd mewn anialwch

Doeddwn i ddim yn gwybod byddai neb yn cofio penblwydd fy merch a newydd ddychwelyd i'w gweithle yn Awstralia. Mae'r lle yng nghanol anialwch, ac mae yna ond ychydig o gyd-weithwyr yno. Swrpreis! Trefnodd y bos bopeth yn slei bach gan gynnwys cacen heb glwten a llefrith. Dymunodd pawb ynghyd â rhyw gwsmeriaid cyson "penblwydd hapus" i fy merch.

y mae tymor i bob peth

Aeth y ddwy ferch yn ôl i Japan ac Awstralia; mae tywydd oeraidd arno ni'n sydyn cwbl; mae'r tŷ yn ddistaw unwaith eto.

"D ydi amsar diodda nag amsar petha braf ddim yn para'n hir." (Neither a time of suffering nor a time of pleasant things lasts for long.) - Nanw Siôn

"Y mae tymor i bob peth, ac amser i bob gorchwyl dan y nef." y Pregethwr 3:1

hysbyseb

Cafodd fy merch ifancaf ran fach mewn hysbyseb NRMA, cwmni yswiriant o Awstralia misoedd yn ôl. "Cymorth" ydy'r pwnc yn y twt hwnnw. Mae fy merch yn ymddangos am ond eiliad; cafodd ei ran hirach ei golygu. A dweud y gwir, treuliodd hi a'r actorion eraill ynghyd â'r criw oriau gyda hwyr i saethu'r olygfa mewn lle anghysbell. Creon nhw law artiffisial hyd yn oed. Ond dyna fo; er mwyn creu hysbyseb un munud, rhaid aberthu ymdrechion nifer o bobl, tybiwn i. Roedd yn fraint i fy merch am gael ei dewis i gymryd rhan yn y prosiect enfawr serch hynny.

newydd gyrraedd

Wedi siwrnai hir dros ben, cyrhaeddodd fy merch ei llety yng ngorllewin Awstralia ychydig oriau yn ôl o'r diwedd. Cymerodd 38 awr ers iddi adael y tŷ hwn nes cyrraedd ei hystafell ar ochr arall y byd. Aeth y rhan fwyaf o'r siwrnai'n dda, ar wahân i oedi'r awyren, a cholli'r un nesaf. Mae hi a'i ffrindiau wedi blino'n lân wrth reswm.

siwrnai hir

Mae fy merch ifancaf a adawodd Tulsa, Oklahoma neithiwr yn dal i hedfan tuag at Awstralia! Siwrnai ofnadwy o hir, 17 awr o Dallas i Sydney ydy hi. Bydd mwy o'i blaen hi  hyd yn oed i gyrraedd lle mae hi'n byw yn y gorllewin. Bydd hi'n ail gychwyn gweithio yn yr unig dŷ gorffwys yng nghanol anialwch.

diwedd yr haf

Wedi treulio mis gartref, mae fy merch ifancaf newydd gychwyn ei siwrnai hir yn ôl i Awstralia. Paentiodd hi hwn yn gyflym cyn iddi adael. Mae'r tŷ yn ddistaw iawn yn sydyn.

cynaeafu reis

Aeth fy ddwy ferch a fy mab yng-ngyfraith yn Japan i gefn gwlad i gynaeafu reis. Trefnwyd gan y llety a oedden nhw'n aros o'r blaen, roedd yn gyfle arbennig i bobl gyffredin i brofi cynaeafu reis. Gwelon nhw wedyn sut mae o'n cael ei brosesu'n rawn. Yna cawson nhw ginio (peli reis a mwy) gan ddefnyddio'r reis ffres. Roedd yn ddiwrnod ofnadwy o boeth, ond cawson nhw amser anhygoel o braf a chofiadwy.

shabbat shalom

Bydded i Israel ddarganfod tangnefedd go iawn yn Iesu, Meseia Israel. 

Shabbat Shalom

unrhyw amser

Dw i'n dyheu am fynd at Iesu unrhyw amser. Gobeithio'n arw i fedru dweud ddiwedd fy mywyd, 

"Yr wyf wedi ymdrechu'r ymdrech lew, yr wyf wedi rhedeg yr yrfa i'r pen, yr wyf wedi cadw'r ffydd." 2 Timotheus 4:7

ffefrynnau’r prif gyfryngau

Mae cynifer o ryfeloedd a dioddefaint o bob math gan bobl gyffredin yn y byd, ac eto mae'r prif gyfryngau'n adrodd dau beth mwy na dim byd arall bob dydd, sef Gaza a Wcráin.

y gwirionedd

Mae'n anghywir yn wleidyddol dweud mai ond un gwirionedd sydd, un Duw, ac un ffordd i gael achub. Ond dyna fo.

"Nid oes iachawdwriaeth yn neb arall (ond Iesu,) oblegid nid oes enw arall dan y nef, wedi ei roi i'r ddynolryw, y mae'n rhaid i ni gael ein hachub drwyddo." Actau 4:12

häagen-dazs

Mae hufen iâ Häagen-Dazs yn hynod o flasus. Gwobr oedd i fy merch hynaf i'w gael ar ôl dioddef y meddyg trwyn, pan oedd hi'n blentyn yn Japan. Dw i newydd ddarganfod nad cwmni o Ddenmarc oedd, ond sefydlwyd gan fewnfudwyr Iddewig yn Efrog Newydd. Dewison nhw'r enw yn swnio'n Ddaneg yn diolch i Ddenmarc a achubwyd yr Iddewon yn ystod yr Holocost.

mewn fflat

Mae fy merch hynaf a'i gŵr newydd gychwyn eu bywyd mewn fflat yng nghyrion Tokyo. Mae'n anhygoel o anodd i estroniaid rentu fflatiau yn Japan. Er bod gan fy merch ddinasyddiaeth Japan, oherwydd nad oes gan ei gŵr hi, cawson nhw eu gwrthod gan nifer o gwmnïau. Dyma ei gŵr wrthi'n "adeiladu" dodrefn IKEA.

emma

Tra bod fy merch ifancaf gartref am wyliau, penderfynon ni wylio Emma unwaith a rhagor. Mae yna sawl ffilm ar seiliedig ar y nofel enwog, ond dewison ni'r gorau, sef un gyda Mark Strong fel Mr. Knightely wrth gwrs. Cawson ni gymaint o hwyl! 

coffi newydd

Mae pecyn o goffi newydd gyrraedd. Prynais hwn am y tro cyntaf, sef Iron Dome Coffee, er mwyn cefnogi Israel, yn enwedig y milwyr IDF a gafodd eu hanafu yn y rhyfel yn erbyn Hamas.

tymor newydd

Mae fy ail ferch newydd ddychwelyd i fywyd prysur Tokyo, wedi mwynhau ei gwyliau yn America. Mae hi'n dysgu plant mewn ysgol arall am flwyddyn o leiaf. Mae'n anodd credu ei bod hi yma yn Oklahoma ddyddiau'n ôl. 

o'r afon hyd y môr

Duw a ddwedodd o yn gyntaf:

".... o'r afon, afon Ewffrates, hyd fôr y gorllewin; dyna fydd eich terfyn." Deuteronomium 11:24

Afon wahanol, fodd bynnag - nid Iorddonen, ond Ewffrates. Ac i'r Iddewon rhoddodd Duw'r tir i gyd.

siwrnai hir

Wedi treulio bron i ddau fis yn Oklahoma, adawodd fy ail ferch i fynd yn ôl i Japan ddoe. Aeth popeth ar y chwith pan oedwyd ei hawyren oherwydd storm yn Chicago. Methodd hi'r awyren nesaf; o ganlyniad roedd hi'n gorfod hedfan i Faes Awyr Newark yn New Jersy. Mae hi'n dal yno yn aros am yr awyren i Tokyo. Un peth braf oedd iddi gael gweld murlun ei chwaer mewn tŷ bwyta yno (Little Purse!)

fy merch arall

Mae fy merch arall (sydd yn byw yn Awstralia bellach) yn treulio ei gwyliau yma yn Oklahoma. Am y tro cyntaf ers pum mlynedd a hanner daeth hi adref. Roedd popeth cyfarwydd yn edrych yn newydd iddi, Walmart er enghraifft. Roedd hi wrth ei bodd yn siopa yno gyda'i chwaer.

tudalen newydd fy merch hynaf

Mae fy merch hynaf newydd gyhoeddi i'w ffrindiau ei bod hi a'i gŵr wedi symud i Japan. Llwyddon nhw i ffeindio fflat delfrydol i rentu, ger ei chwaer a'i theulu. Dyma dudalen newydd ei bywyd.

tafell o felon dŵr

Mae gan fwyd yn Japan ansawdd uchel ac mae'n hynod o flasus. Mae'n ofnadwy o ddrud, fodd bynnag. Roedd fy merch hynaf eisiau melon ddŵr, ond wedi gweld y pris ($26.80,) prynodd ond un dafell. Y pris - $3.73. 

cost sefyll ar wirionedd Duw

Gofynnwyd Amir Tsarfati pam nad oes nifer o eglwysi yn sefyll gydag Israel. 

Atebodd:
"Oherwydd bydd sefyll gydag Israel yn eich costio chi."

Mae o'n iawn; mae gormod o "Gristnogion" yn ofni cael eu barnu gan y byd. Maen nhw'n ofni dyn hytrach na Duw. Felly, maen nhw'n dewis cau eu ceg. Mae'n costio, fodd bynnag, pan fyddwch chi'n sefyll ar wirionedd Duw. Dim gwleidyddol ydy sefyll gydag Israel, ond Beiblaidd.

sut i ymdopi gwres

Mae tywydd anarferol o boeth yn parhau yn Japan. Fuodd 56 o bobl farw o ganlyniad yn y ddau fis diwethaf yn Tokyo. Dwedodd fy merch ei bod yn boeth er bod y cyflyrydd aer ymlaen. Dyma hi'n cael syniad da er mwyn oeri ei babi druan. Gosododd bwll nofio plastig ar y balconi cul. Mae fy wyres wrth ei bodd, ac yn neidio i mewn dŵr (yn ei dillad) pryd bynnag agorir y drws.

gweithred brydferth

Pan dywalltodd y wraig ennaint drudfawr ar ben Iesu, ceryddodd Jwdas hi am fath o wastraff. Canmolodd Iesu, fodd bynnag, ei gweithred brydferth. Fe wnaeth oherwydd ei chariad tuag ato fo. 

Darllenwch Efengyl Marc 14:1-11

ydach chi'n barod?

Dw i newydd wybod bod yna 300 y cant mwy o ddaeargrynfâu cryf dros y byd yn ystod y 15 mlynedd diwethaf. Mae ail ddyfodiad Iesu'n nesáu!

"Beth fydd yr arwydd o'th ddyfodiad ac o ddiwedd amser?” Matthew 24:3

"Cyfyd cenedl yn erbyn cenedl, a theyrnas yn erbyn teyrnas, a bydd adegau o newyn a daeargrynfâu mewn mannau. " Matthew 24:7

Ydach chi'n barod i'w gyfarfod yn wyneb yn wyneb?

ymweld â'i nain

Aeth fy merch hynaf i gartref henoed ei nain i ymweld â hi. Roedd fy mam yn ymddangos yn anhygoel o dda, er bod ei chof dipyn yn sigledig. Roedd hi wrth ei bodd i weld un o'i wyrion wrth gwrs. 

siopa gyda hwyr

Mae'n ofnadwy o boeth yn Japan. Cerddodd fy merch hynaf yn Tokyo i siop gyda hwyr er mwyn osgoi'r gwres llethol. Mae'r strydoedd yn anhygoel o lân ar ddiwedd diwrnod hyd yn oed. Ac mae'n hollol ddiogel i ferched a phlant gerdded ar eu pennau eu hunan dydd a nos.

bwyd americanaidd

Roedd fy merch ar ei gwyliau eisiau bwyd Americanaidd. Aethon ni i RibCrib am farbeciw. Cafodd bob un ohonon ni blât un cig gyda thri sides. Dyma blât fy merch - porc wedi'i dorri'n fân, macaroni a chaws, ocra wedi'i ffrio, a thost Tecsas. 

cyfleusterau modern

Doedd y nifer o gyfleusterau modern ddim ar gael pan oeddwn i'n blentyn - rheoleiddir aer, peiriant golchi, dŵr poeth o dap, a llawer mwy. Roedd rhaid i fy mam olchi dillad gyda dwylo cyn i ni brynu peiriant. Roedd yn boeth ofnadwy yn yr haf, ac eto roedd pawb yn ymdopi. Efallai bod pobl yn mynd yn feddalach (gan gynnwys fi fy hun.) Diolchgar ydw i am yr hyn i gyd bodd bynnag.

afalau

Cawson ni afalau ddoe gan gyn athrawes biano fy nau blentyn. Er gwaethaf ei hoedran (bron yn 90 oed,) mae hi'n dal i ofalu am ei pherllan helaeth, gyda chymorth stiward ifanc ffyddlon. Mae'r afalau llawn o dyllau gan na ddefnyddiwyd cemegau. Maen nhw'n ffres ac yn dda.

bwyd syml

Cewch chi fwyta bwyd hynod o flasus o bob math yn Japan. Mae rhai bwyd traddodiadol yn boblogaidd yn rhyngwladol, sef tempura, sushi a mwy. Fy ffefryn, fodd bynnag, ydy eithaf syml, fel hwn a gafodd fy merch yn Tokyo neithiwr. 

ddŵr yn yr iard gefn

Mae haf crasboeth Oklahoma yma, wedi ysbeidiau glaw anarferol. Bydda i'n gosod dysgl fawr o ddŵr yn yr iard gefn ar gyfer yr adar gwyllt (a gwiwerod) bob dydd. Mae'n hwyl eu gweld nhw'n yfed dŵr a chael bath ynddo. 

tad o kosovo

Mae fy ail ferch yn dal i fwynhau ei gwyliau yn Oklahoma. Aethon ni i Napoli's am swper neithiwr. Mae'r staff o Kosovo yn hynod o gyfeithgar bob tro. Daeth y rheolwr â dyn hŷn newydd a oedd yn clirio'r byrddau aton ni er mwyn ei gyflwyno fel ei dad. Mae'r tad yn helpu'r tŷ bwyta tra ei fod o'n ymweld â'i deulu yn Oklahoma. Dydy o ddim yn medru Saesneg o gwbl yn anffodus; dim ond gwenu'n swil roedd o. Dyma geisio adolygu rhyw ymadroddion yn Albaneg drwy Google yn syth bin. Llwyddais ddweud "diolch" a "hwyl" wrtho fo yn Albaneg wrth i ni adael. Roedd yn werth chweil gweld gwen mawr ar ei wyneb.

cyfnod newydd fy merch hynaf

Wedi gorffen y murlun diweddaraf, mae fy merch hynaf newydd gychwyn ei siwrnai i Japan. Mae hi a'i gŵr (a fydd yn ymuno â hi nes ymlaen) eisiau byw yn Tokyo mewn fflat, a dod i America o dro i dro er mwyn gofalu am eu busnes. Gadawodd hi Japan ym 1990 gyda'r teulu. Ei breuddwyd oedd dychwelyd i fyw yn ei gwlad enedigol.

gydag Iesu Grist

Buodd John MacArthur farw neithiwr, wedi brwydro'r frwydr, rhedeg y ras i'r pen a chadw'r ffydd. Mae o gydag Iesu Grist, ein harglwydd annwyl ni bellach. Roedd rhaid John bod wedi clywed ei ganmoliaeth, "ardderchog, fy ngwas da a ffyddlon," heb os.

crys-t

Mae gan fy merch hynaf siop ar lein yn gwerthu dillad yn ogystal â'i gwaith celfyddydol. Mae hi newydd dderbyn archeb ar gyfer crys-T gan rywun o Israel, yn ardal Tel Aviv. Roedd hi'n llawn cyffro, a gyrrodd neges galonnog ynghyd â'r crys ato fo. Dw i a'r teulu i gyd yn sefyll yn gadarn gydag Israel.

cyfrifoldeb y pregethwyr

“Os dych chi’n pregethu’r Efengyl ym mhob agwedd ac eithrio’r materion sydd yn ymwneud â’ch amser, nad dych chi’n pregethu’r Efengyl o gwbl.” — Martin Luther

Cytuno'n llwyr. Mae cynifer o bregethwyr heddiw yn ofni hyd yn oed cyffwrdd â materion cyfredol. O ganlyniad, mae'r cynulleidfaoedd yn byw be baen nhw mewn swigen gyfforddus, wedi'u gwahanu o'r byd go iawn.

heb ddeffro

Tra oeddent ar y dŵr, aeth Iesu i gysgu. A disgynnodd tymestl o wynt ar y llyn; yr oedd y cwch yn llenwi, a hwythau mewn perygl. Aethant ato a'i ddeffro, a dweud, “Meistr, meistr, mae hi ar ben arnom!” Deffrôdd ef, a cheryddodd y gwynt a'r dyfroedd tymhestlog; darfu'r dymestl a bu tawelwch. Luc 8:23, 24

Roedd rhaid i Iesu wedi blino'n llwyr, oherwydd nad oedd o'n deffro pan gafodd y cwch ei drochi gan donnau mawr. Roedd ei ddisgyblion yn gorfod ei ddeffro hyd yn oed! Doedd dim rhaid iddyn nhw boeni wrth gwrs gan fod Iesu gyda nhw - Duw mewn cnawd a greodd bopeth.

pwy ydy Iesu?

Ac wrth y wraig meddai (Iesu,) “y mae dy bechodau wedi eu maddau.” Yna dechreuodd y gwesteion eraill ddweud wrthynt eu hunain, “pwy yw hwn sydd hyd yn oed yn maddau pechodau?” Luc 7:48, 49

Wrth gwrs mai ond un a allu maddau pechodau, sef Duw. Ac felly, naill ai twyllwr perffaith neu Dduw mewn cnawd mae Iesu.

rhoi gogoniant i Dduw

Mae'n hyfryd clywed Mike Johnson yn rhoi gogoniant i Dduw wrth i'r Bil Mawr Hardd newydd gael ei gymeradwyo. Ddim perffaith mae o, yn bendant, wedi cael ei newid o'r bil gwreiddiol. Rhaid bwrw ymlaen, fodd bynnag, er mwyn gwneud America yn wych unwaith eto.

249 oed

Tir y rhydd, cartref y dewr

Pen-blwydd hapus i Unol Daleithiau America!

da yw Duw

Mae'r bobl Israel yn dal i fyw; maen nhw'n dal yn bobl wedi'u dewis; maen nhw'n dal yma, nid oherwydd eu bod nhw'n arbennig o dda, ond da yw Duw. - One for Israel

hurt llwyr

“Dywedwch fod ei ddisgyblion ef wedi dod yn y nos, a'i ladrata tra oeddech chwi'n cysgu.”  - Matthew 28:13

Sut ar y ddaear roedd y milwyr yn gwybod beth ddigwyddodd tra oedden nhw'n cysgu? Os gwelon nhw'r disgyblion yn dwyn corf Iesu, pam na wnaethon nhw eu hatal? Hurt llwyr ydy hyn. Ac eto, derbyniodd y bobl y stori hon gan yr offeiriaid. Bydd pobl yn credu beth maen nhw eisiau ei gredu, hurt neu beidio, hyd at heddiw.

yr ardal

Mae fy ddwy ferch a fy mab-yng-nghyfraith yn mwynhau'r ardal o'r amgueddfa gelf i'r warchodfa natur. Mae cynifer o atyniadau o gwmpas Oklahoma City a dweud y gwir.

murlun

Mae fy merch hynaf wrthi'n paentio murlun mewn tŷ bwyta yn Stillwater, Oklahoma. Paentiodd hi un arall yno flynyddoedd yn ôl, a gofynnwyd i greu un i gyd-fynd ag o. Mae ganddi ddau gynorthwyydd - ei gŵr a'i chwaer sydd yn ymweld â nhw ar hyn o bryd.

caiacio

Un o'r pethau roedd ar restr fy merch oedd mynd i lawr Afon Illinois mewn caiac. Dyna wnaeth, gyda'i thad ddoe. Rodd y tywydd yn berffaith, a doedd ddim pobl eraill bron o gwmpas oherwydd mai yn ystod yr wythnos ydoedd. Bydd yr afon yn llawn dop dros benwythnosau yn yr haf fel arfer. Cafodd fy merch amser hyfryd yn ymlacio a mwynhau'r natur.

yr amod

Dathlon ni benblwydd fy merch neithiwr yn Chili's, tŷ bwyta boblogaidd yn y dref. Pan ddaeth amser i archebu cacen iddi, dwedodd y gweinydd allai hi gael cacen am rad ac am ddim. "Yr amod" oedd y byddai'r gweinyddion yn canu "penblwydd hapus" iddi wrth glapio eu dwylo'n uchel, defod tai bwyta yn America. Mae llawer o gwsmeriaid wrth eu bodd, tra bod rhai swil yn ei chasáu. Mae fy merch yn perthyn i'r grŵp cyntaf, a mwynhaodd yr holl ffwdan gyfeillgar.

adref am yr haf

Daeth fy ail ferch adref i dreulio ei gwyliau haf eleni eto. Wedi gweithio'n galed fel athrawes yn Tokyo am flwyddyn arall, mae hi'n barod i ymlacio. Aeth y siwrnai heb drafferth. Cafodd gyfle i weld y murlun a baentiodd ei chwaer ar gyfer tŷ bwyta ym maes awyr Houston.

deffrwch

"Gweddïwch am heddwch i Jerwsalem,
Bydded llwyddiant i'r rhai sy'n dy garu." y Salmau 122:6

Deffrwch, Eglwys Genhedlig sydd yn cysgu'n braf! Dylai hi sefyll yn gadarn gydag Israel ar gyfer y fath amser â hwn.

mae amser i

"Y mae tymor i bob peth, ac amser i bob gorchwyl dan y nef.... amser i garu, ac amser i gasáu, amser i ryfel, ac amser i heddwch." y Pregethwr 3:1, 8

ffyddlondeb Duw

"Y mae Arglwydd y Lluoedd gyda ni, Duw Jacob yn gaer i ni."  - y Salmau 46:11

Mae ffyddlondeb Duw yn para am byth. Dydy ei addewidion byth yn newid. Mae o'n dal i garu Israel, a'u hamddiffyn nhw. 

seiren rhybudd tornado

Ces i fy neffro am 2 o'r gloch yn y bore gan y seiren rhybudd tornado uchel dros ben. Ces i neges testun hefyd i geisio lloches ar yr unwaith. Mae Oklahoma yn enwog am gorwyntoedd, ond dyma'r tro cyntaf i mi glywed y seiren yng nghanol nos. Yn lle mynd i lawr i'r garej, arhosais yn yr ystafell ymolchi (heb ffenestr) wrth gofio'r bobl yn Israel sydd yn gorfod rhedeg at lochesau bob dydd yn ddiweddar. Tra oeddwn i'n gweddïo drostyn nhw, lleihaodd y storm yn ddigon i mi gael mynd yn ôl i'r gwely. 

maen nhw'n cyflogi

"Dyma gyfleoedd cyffrous newydd sbon  - mae Iran eisiau cyflogi peirianwyr niwclear profiadol wrth i'r swyddi hyn gael eu gwagio yn sydyn."

Da iawn eto, y Wenynen! Dyn ni angen chwerthin mwy aml.

250 oed, 79 oed

Penblwydd hapus i Fyddin Unol Daleithiau America yn 250 oed. 

Penblwydd hapus i'r Arlywydd Trump yn 79 oed.

neges Iesu ac Ioan Fedyddiwr

Wrth ddarllen dechrau Llyfr Mathew, dw I wedi sylwi o newydd mai neges Iesu ac Ioan Fedyddiwr ill dau oedd "Edifarhewch!" Prin clywir pregethau sydd yn galw ar bobl i edifarhau dyddiau hyn. Dwedodd Tony Perkins, "daeth Iesu i'n rhyddhau ni o bechodau, dim i'n caniatáu ni bechu." Cytuno'n llwyr.

hen a newydd

Dw i a'r gŵr newydd orffen darllen a dysgu'r Testament Hebreig, sef yr Hen Destament gyda chymorth Sefwch ar y Gair, y defosiynol i ddarllen y Beibl cyfan mewn dwy flynedd gan Tony Perkins. Dw i wedi sylweddoli pa mor bwysig ydy darllen yr "Hen Destament" er mwyn deall y Testament Newydd. Mae'n amhosib deall y newydd heb wybod yr hen! 

darllen y beibl

"Os bydd America eisiau fod yn eithriadol eto, rhaid i deuluoedd ddychwelyd at Dduw a'i air yn gyntaf." Tony Perkins

Cytuno'n llwyr. Dyma un o'r prosiectau gwych a gewch chi wneud gyda'ch plant yn yr haf.

penblwydd ysbrydol y gŵr

Cafodd y gŵr ei eni'n ail dro 53 mlynedd yn ôl. Nad oedd ei rieni yn Gristnogion, a doedd o erioed wedi mynd i'r eglwys yn ei blentyndod. Ac eto, roedd ganddo eisiau nabod Duw bob amser. Un diwrnod pan oedd yn 16 oed, rhannodd hogan ifanc 14 oed yr Efengyl gyda fo. Ac yn y fan a'r lle, penderfynodd gredu yn Iesu Grist. Mae o'n rhodio'n ffyddlon ers hynny. Un o'r bobl fwyaf didwyll dw i erioed wedi ei nabod mae o.

fy mab hynaf yn japan

Mae fy mab hynaf a'i deulu yn treulio gwyliau yn Japan ar hyn o bryd ar ôl wythnos yn Taiwan yn ymweld â pherthnasau ei wraig. Am y tro cyntaf ers bron i ugain mlynedd iddo fod yn Japan. (Am y tro cyntaf erioed i'w deulu.) Y lle cyntaf aeth â'i blant, wedi setlo i lawr yn y llety, oedd tŷ bwyta ramen, wrth reswm! Cafodd fy wyrion eu cyfareddu gan y fwydlen (samplau bwyd wedi'u gwneud o gwyr) tu allan y siop.

heddiw

"Os bydd Cristnogion yn cadw'n ddistaw, byddwn ni'n colli rhyddid i rannu'r Efengyl, ac felly mae angen arnon ni sefyll yn gadarn ar beth mae'r Beibl yn ei ddysgu. Os oes amser erioed i fod yn fwy beiddgar - heddiw mae hi." - Franklin Graham

Cytuno'n llwyr. 

awyr iach

Dw i'n credu mai Nehemeia 8 ydy un o'r penodau mwyaf siriol yn y Testament Hebreig. Ar ôl darllen hanes anffyddlondeb Israel, mae'n fel awyr iach. Gweddïaf y bydd yr un peth yn digwydd yn Israel heddiw.

pry copyn sydd yn pysgota

Dolomedes ydy'r pry copyn sydd yn "pysgota." Ces i fy nghyfareddu yn darllen amdano fo. Dim ond un o'r miliynau o greadigaethau anhygoel a grëwyd gan Dduw ydy o. Hollol syfrdanol ydy ei bŵer a'i greadigrwydd. Maen nhw'n tu hwnt i'n dealltwriaeth.

maim maim

Roeddwn i ynghyd â'r disgyblion eraill, yn arfer dawnsio Maim Maim, sef dawns Israel yn yr ysgol. Doeddwn i erioed yn gofyn ystyr y geiriau dieithr a ganon ni wrth ddawnsio. Dyma hen lun o'r albwm fy ysgol uwchradd. Roedd pawb wrthi'n dawnsio Maim Maim o gwmpas coelcerth.

ffair ryngwladol

Cynhalir World EXPO yn Osaka, Japan ar hyn o bryd. Cafodd fy merch gyfle i arddangos ei pheintiadau yn un o'r pafiliynau. Mae hi wrth ei bodd bod y staff yn gofalu am eu gosod nhw.

y dylunydd gorau

Rodd gan gynllun gwreiddiol trên bwledi broblem; achoswyd bŵm sonig pan aeth mewn twneli ar fath o gyflymder. Cafodd un peiriannydd syniad gwych - newidiodd siâp blaen y trên yn ôl pig Kingfisher sydd yn plymio mewn dŵr heb dasgu dŵr. Dyma fo. Datryswyd y broblem. Duw ydy'r dylunydd gorau.

Diolch i Biblical Creation am y wybodaeth hon.

yr ateb

Roedd rhaid i fy merch yn Tokyo deithio ar Shinkansen at le anghysbell i weld tai ar werth. Fel arfer, mae hi wrth ei bodd i deithio yn Japan, ond yn sydyn cwbl, roedd ganddi ofn. Gweddïodd ar Dduw i dangos iddi sut gall O ym mhob man ac yn agos ati ar yr un pryd. Dyma hi'n codi ei llygaid i weld hwn. (Mae Cristnogion yn ofnadwy o brin yn Japan - llai nag un y cant.)

diwrnod jerwsalem hapus

Gweddïwch am heddwch i Jerwsalem,
Bydded llwyddiant i'r rhai sy'n dy garu.
y Salmau 122:6

Nid dim ond heddwch gwleidyddol, ond heddwch go iawn - fe ddaw ond drwy Dywysog Tangnefedd, sef Iesu Grist, Gwaredwr yr Iddewon a'r byd.

codwch eich calonnau

"Dim ond trafferthion gewch chi yn y byd hwn. Ond codwch eich calonnau, dw i wedi concro’r byd.” Ioan 16:33 (Beibl.net)

Wir, mae digonedd o drafferthion yn ein hamgylch ni, naill ai llethol neu ddi-nod. Does dim rhaid ni digalonni, fodd bynnag, oherwydd bod Iesu (nid ni) wedi concro'r byd.

blodau enfys

Cafodd ein hydrangea ond ddau flodyn llynedd. Ces i a'r gŵr ein synnu'n bleserus felly i weld cannoedd o flagur eleni. Efallai eu bod nhw'n ceisio'n galetach, wedi i'r gŵr eu ceryddu nhw am eu methiant y llynedd!

o'r afon hyd at y môr

"O'r afon hyd at y môr," medden nhw wrth ymosod ar Israel ac Iddewon, er bod rhai ohonyn nhw ddim yn gwybod pa afon maen nhw'n sôn amdano. 

Mae'r Beibl yn glir. Rhoddodd Duw i Israel y tir rhwng afon Ewffrates, hyd fôr y gorllewin (y Môr Canoldir) dros 3,000 o flynyddoedd yn ôl.

"Eich eiddo chwi fydd pobman y bydd gwadn eich troed yn sengi arno, o'r anialwch hyd Lebanon, ac o'r afon, afon Ewffrates, hyd fôr y gorllewin; dyna fydd eich terfyn." Deuteronomium 11:24

parti gyoza

Cynhaliodd fy merch hynaf barti gyoza yn ei llety yn Tokyo lle mae nifer o bobl ifanc o wledydd amrywiol yn aros. Rhoddodd hi a merch o Tsieina wers sydyn sut i baratoi gyoza a'i ffrio. Roedd y tro cyntaf i rai i fwyta gyoza, hydd yn oed ei baratoi. Cafodd pawb amser (a bwyd) gwych.

marchnad ffermwyr

Es i'r farchnad ffermwyr gyda'r gŵr y bore 'ma am y tro cyntaf ers blynyddoedd, a chael hwyl siopa bwyd lleol yn cefnogi'r busnesau bach lleol. Prynais botel o win coch, torth enfawr o fara surdoes a photel o fêl.

"onsen" eto

Mae fy merch a'i gŵr yn dal i fwynhau bywyd yn Japan. Cafodd hi waith rhan amser hyd yn oed yn gweithio mewn busnes eiddo tiriog (ei hoff swydd.) Ar ddiwedd diwrnod prysur, beth allai well na mwydo mewn dŵr cynnes onsen yn y gymdogaeth?

rhannu y tir

"Yna bydda i’n casglu’r cenhedloedd i gyd i Ddyffryn Barn yr Arglwydd. Yno bydda i’n eu barnu nhw am y ffordd maen nhw wedi trin fy mhobl arbennig i, Israel. Am eu gyrru nhw ar chwâl i bobman,
rhannu y tir rois i iddyn nhw...." Joel 3:2 (Beibl.net)

Mae'n amlwg bod gan Dduw gas rhannu'r tir a roddodd i Israel.

mynd ddrwy'r cylch gwellt

Mae nifer o ddefodau Shinto yn debyg iawn i Iddewiaeth. Dyma un dw i newydd glywed gan fy merch a ymwelodd â chysegrfa yn Kamakura; galwir yn "Mynd Drwy'r Cylch Gwellt." Dych chi i fod yn mynd drwy'r cylch dwywaith y flwyddyn (yn hytrach nag unwaith) er mwyn cael gwared ar eich pechodau ac amhurdeb. Swnio'n debyg iawn i Yom Kippor!