gwirod eirin

Erthygl newydd gan fy merch - ar wirod eirin. Gwirod poblogaidd yn Japan ydy o, ac mae nifer o bobl yn mwynhau ei wneud gartref. Roedd fy mam yn arfer paratoi jwg ddiwedd mis Mai. Mae'n braf i yfed wrth ychwanegu dŵr a rhew. Mae'n gwneud lles i chi hefyd! Doedd gen i ddim diddordeb dysgu'r grefft pan oedd cyfle gen i yn Japan, ond wedi darllen yr erthygl, byddwn i'n hoffi ei wneud o. Yn anffodus, dydy'r cynhwysion ddim ar gael yma!

mae pawb yn bihafio

Daeth miliwn o bobl i weld y dawnsio. Er gwaethaf y torf enfawr, doedd dim anhrefn. Dim ond yn Japan.

awa-odori

Aeth fy nwy ferch yn Japan i weld Awa-odori (dawnsio gwerin) dros y penwythnos ynghyd â'r filiwn o bobl eraill. Roedd y merched yn medru sicrhau man gwych i dynnu lluniau hyfryd. Roedd yna lawer o grwpiau dawnsio yn dangos dawnsiau unigryw pob un ohonyn nhw. Mae'r egni'n anhygoel. Un o'r traddodiadau hafaidd poblogaidd yn Japan. 

drawer sbeisys

Dw i'n trefnu'r tŷ ychydig ar y tro bob dydd. (Mae gen i ddigon o amser i'w wneud ar ôl i'r plentyn ifancaf adael adref.) Y cyflawniad diweddaraf oedd y drôr sbeisys hwn. Roedd y sbeisys amrywiol yn arfer rholio ym mhob man yn y drôr. Yna, gwelais fideo ar sut trefnu pethau (yn Ffrangeg os cofia' i'n iawn.) Roedd dynes yno'n trefnu ei drôr wrth ddefnyddio rhannwr a brynodd hi. Dyma greu un tebyg o hen galendr a blwch grawnfwyd. Mae'r sbeisys yn aros yn eu lle'n dwt. Braidd yn falch ohono fo ydw i!

tomatos coch

Es i farchnad ffermwyr y bore 'ma am y tro cyntaf ers blynyddoedd. Cynhalir dan do enfawr bellach, ac mae yna fand hyd yn oed a oedd yn creu awyrgylch dymunol. Wedi rhoi cip ar bob stondin, dewisais un a oedd yn gwerthu maint lleiaf (i fi a'r gŵr.)  Prynais bwys o domatos coch coch. Gwerthir gwin lleol hefyd, ond yn anffodus doedd gen i ddim digon o bres parod. Y tro nesa efallai!

y prosiect diweddaraf

Mae'r gŵr yn dal wrthi'n rhoi trefn ar y tŷ ers ymddeol, a dw i wrth fy modd wrth gwrs! Y prosiect diweddaraf oedd - ail-blannodd y poinsettia druan i mewn i bot blodyn mwy. Mae'r planhigyn eisoes yn edrych yn hapus. (Cafodd ei achub gan fy merch pan oedd ei bos ar fin ei daflu i ffwrdd ar ôl tymor Nadolig y llynedd.)

erthygl arall fy merch

Cafodd erthygl arall fy merch newydd ei chyhoeddi. Ysgrifennodd am ei hymweliad â Gajoen, gwesty/tŷ bwyta cain yn Tokyo. Roedd hi'n cynnwys profiad ei nain a oedd yn gweithio yno fel gweinyddes cyn yr Ail Ryfel Byd. Rhyfeddol iawn bod fy mam yn dal i fyw a sionc yn ei hysbryd. Fu farw ei ffrindiau i gyd a oedd yn gweithio efo hi. Rhaid i Gajoen ddod a'i chyfweld i glywed ei hanes anhygoel dri chwarter canrif yn ôl!
(fy mam ar y dde yng ngardd Gajoen)