ben bore'r gaeaf

Y gŵr sy'n mynd â'r plant i'r ysgol yn y bore fel arfer, ond heddiw, y fi a wnaeth tra oedd o'n prysur baratoi'r arholiad terfynol. Ces i weld golygfa aeafol braf wrth yrru.

Yr haul gwan sydd wedi codi ond awr gynt yn cynhesu'r tir yn ara' bach. Does dim gwynt. Mae anadl gwyn y tai'n codi o bob simnai. Y niwl ysgafn sy'n hofran yn isel yn hanner cuddio'r caeau a'r tai.

Roedd yna ddynes a sgrifennodd ryddiaith amser maith yn ôl yn Japan. Sgrifennodd hi am bedwar tymor y flwyddyn; ben bore oedd ei ffefryn y gaeaf. A dw i'n cytuno.