gwyliau'r haf

Mae'r ysgol wedi gorffen. Mae'n anodd credu bod blwyddyn arall wedi drosodd. Roedd yna seremoni wobrio a phicnic wedyn yn ystod y dydd a drama gan blant yr ysgol gyda'r hwyr ddoe. Dw i'n wynebu bron i dri mis o wyliau'r haf o mlaen i rwan.

cerdded

Roedd hi'n ddiwrnod braf eto. Es i am dro ar ôl swper. Roedd yr awyr yn las a chlir. Doedd yna ddim gwynt am newid. Roedd hi bron yn oeraidd.

Gweles i gath ddu'n eistedd ar y palmant a dechrau siarad Cymraeg ati hi: helo, ti'n iawn? Sut ddiwrnod ges ti? Ond cyn imi gael dweud digon, trodd hi ei chefn ata i a cherdded tuag at y tyˆ agos. A dyma sylweddoli bod rhywun yn sbio arna i drwy ffenestr y tyˆ ..... 

Noswaith braf oedd hi beth bynnag.

o wlad 'only yesterday'

Roedd yna seremoni raddio yn y brifysgol leol heddiw. Daeth rhai rhieni myfyrwyr o Japan i'r achlysur arbennig. Rhieni Namiki oedd ddau ohonyn nhw. Namiki a oedd yn gweithio'n rhan amser yn swyddfa fy ngwr. Maen nhw'n dod o Yamagata lle'r oedd yr anime Only Yesterday wedi'i leoli ynddo. Mae'r bobl yno'n siarad tafodiaith gref. Dw i wedi bod yn edrych ymlaen at gyfarfod y rhieni wedi gweld y ffilm a chael cymaint o fwynhad.

Roedd yn wych gweld Namiki'n hapus o lawer i wneud camp fawr ac roedd ei rhieni'n glên. Ond rhaid imi gyfaddef mod i wedi cael tipyn o siom. Dydy'r bobl wledig ddim yn siarad tafodieithoedd efo'r lleill. Yn ôl eu harfer, roedd rhieni Namiki'n siarad Japaneg safonol efo fi. (Ella roedd gan y tad fyfryn o acen.)

Byddan nhw'n mynd ar daith fer yn UDA cyn mynd yn ôl i Japan. Mae fy ngwr a'n merch 15 oed yn ymweld â nhw yn Yamagata yn yr haf ma.

heulwen!

Glaw glaw a mwy o law... Dw i ddim yn sôn am Gymru ond Oklahoma. Mae hi wedi bod yn lawog a stormus bob dydd yn ddiweddar. Ond heddiw mae hi yn heulog. Dw i yn falch o weld yr heulwen er mod i ddim yn hoffi tywydd poeth fel arfer.

dal annwyd

Prin mod i'n dal annwyd ond dw i wedi dal un. Roedd gen i ddolur gwddf ofnadwy ac fedrwn i ddim peidio tisian yn gyson y bore ma. Roeddwn i i helpu'r ysgol ond fedrwn i ddim. 

Mae rhai yn dweud y dylech chi ymprydio os oes gynnoch chi annwyd fel y medrith y corff wella ei hun heb orfod defnyddio ei egni i dreulio bwyd. Ond well i mi fwyta rhywbeth ysgafn ac yfed digon o de gwyrdd a dwr poeth efo mêl a seidr finegr.

Ces i 'foot bath' am hanner awr wrth darllen Rhannu'r Ty. Mae'r nofel mor anodd mod i ddim wedi medru darllen ond ychydig (tra oeddwn i'n synfyfyrio o bryd i'w gilydd.) Dw i'n teimlo'n llawer gwell bellach. Rhaid i mi yfed paned arall rwan.

baner fach

Bydda i'n meddwl am fy mam a fy mam yng-nghyfraith ar Sul y Mamau a dweud y gwir. Ond wrth gwrs mai fi sy'n fam i fy mhlant hefyd a ches i anrhegion amrywiol gannyn nhw gan gynnwys cardiau ac addurniadau a wnaethon nhw. Hon ydy fy ffefryn (gan yr hogyn fenga.)

O.N. 

Dw i newydd gael cerdyn llun gan yr hogan hyna a'i gwr (a'u ci.) Dyma fo.

letys

Sut dach chi'n sychu letys wedi'u golchi? Bydda i'n eu sychu nhw efo tywel fel arfer, ond dyma gofio darn o ffilm Americanaidd o amser gynt. Byddai'r gwr yn y ffilm yn rhoi nhw mewn bag llain a'i siglo fo'n gyflym tu allan. (Dyna sut mae peiriant sychu'n gweithio, cofiwch.) Dyma arbrofi ar fy letys ddoe. (Peres i fy merch i fodelu.) Roedd y letys yn sych yn braf tra oeddwn i'n cael cymaint o ymarfer corff ar un pryd!