Sunday, April 10, 2011

pot lwc rhyngwladol


Ia, pot lwc arall, ac roedd y bwyd yn dda unwaith yn rhagor! Roedden ni i fod i baratoi bwyd o wledydd eraill eto; y tro hwn, fe wnes i drio bwyd Almaenaidd - selsig a sauerkaut. Roedd o'n arbennig o syml ond blasus. Bydd rhaid i mi ei wneud o eto i'r teulu. Dyma'r rysáit os oes yna rywun sydd eisiau ei gweld.

Sunday, April 3, 2011

y gwanwyn


Mae'r gwanwyn yma'n swyddogol bellach wedi wythnos o oerni annisgwyl yn ddiweddar. Gyda'r tywydd braf, fodd bynnag, mae'r tymor alergedd wedi dod hefyd. Mae hynny'n golygu mod i'n gorfod osgoi cerdded allan. (A dweud y gwir, dw i'n cerdded mewn canolfan hamdden ers wythnosau.)

Er gwaethaf diflastod y tymor, dw i'n falch bod y gwanwyn yma o'r diwedd oherwydd mod i'n edrych ymlaen at weld y tiwlipau'n blodeuo. Dyma nhw! - a ddau cyntaf o'r deg - yr anrheg gan Leanne o Abertawe. Mae hi'n bwriadu dod yma eto yn yr haf gyda llaw.

Tuesday, March 15, 2011

gobaith

Dw i mor falch o'u gweld nhw! Mae'r tiwlipau a gawson ni'n anrheg gan Leanne, yr hogan o Abertawe wedi dangos eu pennau gwyrdd drwy'r dail yn ein gardd flaen. Pan blannais i'r dwsin o'r bylbiau fisoedd yn ôl, doeddwn i ddim yn hollol siŵr a fydden nhw'n goroesi'r gaeaf. Dydy pridd caregog yr ardd ddim yn addas i blannu planhigion chwaith. Cafodd un neu ddau eu diwreiddio gan wiwerod direidus hefyd. Edrycha' i ymlaen at eu gweld nhw'n tyfu o hyn ymlaen.

Saturday, March 12, 2011

diolch

Diolch o galon i bawb a holodd sut mae fy nheulu yn Japan ar ôl y daeargryn. Siaradais i â fy mam a fy merch yn ardal Tokyo neithiwr. Maen nhw'n iawn er bod nhw wedi mynd trwy brofiadau dychrynllyd.

Mae'r sefyllfa ar yr arfordir yn dal i waethygu. Diolch yn fawr i bawb yn y byd sy'n teimlo dros y dioddefwyr ac yn barod i'w cymorth gan gynnwys y tîm o achubwyr Cymru.

Sunday, March 6, 2011

y gêm gyntaf


Mae fy mab ifancaf newydd ymuno â chlwb pêl-droed yn y dref. Roedd ei gêm gyntaf mewn cae gerllaw. Roedd yn ddiwrnod ofnadwy o oer a gwyntog ddoe, ond chwaraeodd yr hogiau i gyd yn ddewr a chael amser da. (1 - 1 oedd y sgôr.)

Tuesday, March 1, 2011

yr ŵyl


Dydd Gŵyl Dewi Hapus i bawb yng Nghymru a thu hwnt!

Dw i ar ddechrau crasu Bara Brith a bydda i'n coginio cawl cennin i swper. Gobeithio y cewch chi i gyd ddiwrnod a noson braf.

y llun: cerflun Sequoya o flaen Seminary Hall

Friday, February 25, 2011

chwarae teg

Er gwaetha'r hanes, does gen i ddim yn erbyn y teulu brenhinol heddiw fel unigolion. Gwelais i gip ar ymweliad y Tywysog Williams a'i ddyweddi yn Ynys Môn. Rhaid canmol bod nhw wedi paratoi at yr ymweliad gan ddysgu Hen Wlad ymlaen llaw er bod Kate'n edrych dipyn yn ansicr ei geiriau! (O leiaf doedd hi ddim yn edrych ar nodyn.) Chwarae teg iddyn nhw.