'nghyfareddu eto

Gwyliais y fideo dogfen am Gromen Brunelleschi unwaith eto, a chael fy nghyfareddu unwaith yn rhagor. Camp anhygoel oedd. Doedd y dechnoleg ddim yn bodoli i greu'r fath beth ar y pryd. Ac eto llwyddo a wnaeth y gof aur heb hyfforddi fel pensaer; mae'r gromen eiconig yn dal i sefyll yn Nhref Firenze ar ôl dros 600 mlynedd. Dw i'n ddiolchgar fy mod i wedi cael cyfle i ddringo i ben y gromen 8 mlynedd yn ôl.

brecwast lliwgar

Mae'n ymddangos bod y mab ifancaf wedi cyfarwydd â choginio erbyn hyn. Mae o'n hoffi bwyta'n iach a pharatoi pethau da i'r olwg hefyd. Dyma lun o'i frecwast (ffrwythau ar ben yr uwd) a yrrodd ata i'r bore 'ma. Mae'n edrych fel llun mewn cylchgrawn bwyd!

diwedd blwyddyn newydd

Pryd bydd cyfnod blwyddyn newydd yn dod i ben yn Japan? Does dim deddf; mae gan y bobl farnau gwahanol yn ôl y traddodiadau rhanbarthol. Bydd y rhan fwyaf o'r cwmnïau’n dechrau ar y 4edd, ac yr ysgolion ar y 8fed. Gan ddilyn yr olaf, dw i newydd dynnu'r addurn oddi ar y drws blaen.

un dydd ar y tro

Roeddwn i'n bob amser meddwl mai cân wreiddiol Trefor Edwards ydy Un Dydd ar y Tro. Ac felly ces i fy synnu'n gwybod bod dau Americanwr a'i chyfansoddodd. Cafodd ei chyfieithu mewn ieithoedd eraill hyd yn oed. Fy hoff arwyddair ydy "un dydd ar y tro." Dw i'n gobeithio y bydda i'n byw'n ffyddlon i'r Arglwydd Iesu un dydd ar y tro nes cyrraedd adref. Fersiwn Trefor Edwards ydy'r gorau yn fy nhyb i, gyda llaw!

adnod heddiw

Dyma a ddywed yr Arglwydd:
Myfi a wnaeth y ddaear,
a chreu pobl arni;
fy llaw i a estynnodd y nefoedd,
a threfnu ei holl lu.
Chwi, holl gyrrau'r ddaear, edrychwch ataf i'ch gwaredu,
canys myfi wyf Dduw, ac nid oes arall.
- Eseia 45

dail aur

Treuliodd fy nhair merch eu gwyliau yn Kanazawa, dinas hardd yn Japan. Roedd tywydd eithafol ar y pryd, ond cawson nhw amser gwych er gwaethaf popeth. Mae Kanazawa yn enwog am grefft dail aur. Yn ogystal ag addurno, maen nhw'n cael eu cymysgu mewn bwyd hefyd. Dyma enghraifft - hufen iâ gyda dail aur disglair.

yr unig wirionedd a thangnefedd

“Myfi yw'r ffordd a'r gwirionedd a'r bywyd. Nid yw neb yn dod at y Tad ond trwof fi," dyweddodd Iesu.

"Yr wyf yn gadael i chwi dangnefedd; yr wyf yn rhoi i chwi fy nhangnefedd i fy hun. Nid fel y mae'r byd yn rhoi yr wyf fi'n rhoi i chwi. Peidiwch â gadael i ddim gynhyrfu'ch calon, a pheidiwch ag ofni," meddai.

Blwyddyn Newydd Dda 2022