Mae Wythnos Aur eleni newydd gychwyn yn Japan. Beth ydy Wythnos Aur? Ewch i wefan fy merch i ddarllen ei herthygl newydd sbon. Unwaith eto, fe wnaeth ymchwil trylwyr. (Doeddwn i ddim yn gwybod mai deilen dderwen sydd yn lapio kashiwa mochi (cacen reis gyda ffa melys tu mewn.)
Wedi aros am ddyddiau, dyma'n iris cyntaf ni'n blodeuo o'r diwedd yn y glaw! Mae ei deulu'n ei dilyn cyn hir, dw i'n siŵr.
Mae fy mam newydd droi'n 99 oed! Cafodd ymweliad gan ei dair wyres. Roedd llawer o gacennau, blodau a bwyd blasus i ddathlu. Mae hi'n dal yn gymharol iach, ac yn byw yn yr un fflat ers blynyddoedd ar ei phen ei hun gyda chymorth gofalwyr. Ei dymuniad nesaf ydy dathlu ei phen-blwydd yn 100 oed yng Ngwesty Gajoen lle oedd hi'n gweithio iddo pan oedd hi'n ifanc.
Aethon ni i Katfish Kitchen, eto. (Does dim llawer o ddewis yn y dref yma.) Does dim ots oherwydd bod y bobl yn glên a'u bwyd yn dda yno. Cafodd y gŵr blât o ferdys; ces i blât o stêc cig eidion daear. Doedd neb yn gwisgo mwgwd.
Cafodd fy merch ymatebion gan gannoedd o bobl ynglŷn â'r bambŵ! Dechreuon nhw gyrraedd yn llu a dal i ddod hyd at heddiw. Pobl o dras Asia oedd gan fwyaf ohonyn nhw gan gynnwys perchennog tŷ bwyta Tsieineaidd a ddaeth â bwyd fel anrheg. Roedd pawb yn glên a siriol fel petai'n cynnal parti cymunedol, yn ôl fy merch. Dyma olwg ei hiard hi heddiw.
Plannodd fy merch hynaf un bambŵ bach yn ei hiard flynyddoedd yn ôl, heb ddisgwyl beth fyddai'n digwydd. Dechreuodd o ledaenu’n gyflym nes iddo feddiannu ei hiard hi a'i throi'n jwngl. Mae o wedi ymledu i iardiau'r cymdogion hefyd. Does modd i'w atal. Mae'r jwngl wedi bod yn lloches i drogod hefyd. Penderfynodd hi gael gwared arno fo'n broffesiynol o'r diwedd, costus neu beidio. Cyn hynny, gosododd hi hysbys yn cynnig pobl i ddod i gasglu cymaint o fambŵ mynnyn nhw'n rhad ac am ddim.
Mae'n bwrw eira. Anodd credu, ym mis Ebrill yn Oklahoma. Mae'r iris cyntaf yn ein hiard ni a oedd yn barod i flodeuo'n crynu yn yr oerni annisgwyl. Rhaid ei fod o wedi newid ei feddwl. Syniad call. Aros am ychydig; bydd yn cynhesu cyn hir.
